Barnamenningarhátíðin Púkinn verður haldin um alla Vestfirðir dagana 27. apríl – 8. maí 2026, en þegar eru hafin verkefni á vegum hátíðarinnar sem munu auðga líf Vestfirskra barna fram yfir hátíð. Í síðasta mánuði kom í ljós að Púkinn hefði hlotið styrk úr Erasmus+ áætluninni fyrir verkefni á unglingastigi og í vikunni fór fram fyrsti liður þess.

Nýtt fréttabréf evrópuverkefnisins RECET – Rural Europe for the Clean Energy Transition er komið út. Vestfjarðastofa tekur þátt í verkefninu og leikur Ísland þar veigamikið hlutverk bæði sem tilraunasvæði og í framhaldinu sem fyrirmynd fyrir önnur dreifð svæði og eyjasamfélög í Evrópu.

Vestfjarðastofa er með viðveru í Blábankanum einu sinni í mánuði. Þá geta Dýrfirðingar sótt ólíka ráðgjöf hverju sinni. Sigríður Ó. Kristjánsdóttir, framkvæmdastjóri Vestfjarðastofu verður í Blábankanum 25. nóvember, á milli klukkan 13 og 15.

Landstólpinn, samfélagsviðurkenning Byggðastofnunar, er viðurkenning sem Byggðastofnun veitir árlega á ársfundi sínum.

Mannamót, ein stærsta sameiginlega sýning ferðaþjónustunnar á Íslandi, fór fram í Kórnum í Kópavogi fimmtudaginn 15. janúar. Sýningin stóð frá kl. 12 til 17 og gekk í alla staði mjög vel. Alls voru 255 fyrirtæki, sveitarfélög og einstaklingar sem kynntu fjölbreytta ferðaþjónustu víðs vegar af landinu. Um 1100 gestir voru skráðir á viðburðinn, svo það var mikill mannfjöldi sem kom saman í Kórnum.

Fyrsta erindi ársins í fyrirlestraröð landshlutasamtakanna, Forvitnir frumkvöðlar, var haldið þann 6. janúar. Að þessu sinni var erindið sniðið að sérstakri tegund frumkvöðlastarfs þ.e. samfélagslegri nýsköpun og bar það yfirskriftina Þegar íbúar móta framtíðina: samfélagsleg nýsköpun í þágu byggðaþróunar. Af þátttökunni mátti sjá að margir létu sig málið varða en um 60 manns mættu í fundarherbergið í netheimum. Þær Steinunn Ása Sigurðardóttir og Anna Sigríður Ólafsdóttir, verkefnastjórar hjá Vestfjarðastofu stóðu í stafni, en þær eru í evrópska samstarfsverkefninu MERSE (2023–2026), sem styrkt er af Norðurslóðaáætluninni (NPA).

Mannamót Markaðsstofa landshlutanna verða haldin á morgun í Kórnum í Kópavogi á milli klukkan 12 og 17. Mannamót eru árlegur viðburður sem hefur lengi verið einn mikilvægasti kynningar- og tengslamyndunarvettvangur ferðaþjónustu á landsbyggðinni.

Vestfjarðastofa hefur gefið út skýrslu undir yfirskriftinni „Varnarinnviðir á Vestfjörðum í ljósi borgaralegra þarfa“. Höfundar hennar eru Gylfi Ólafsson, stjórnarformaður Vestfjarðastofu, Brynja Huld Óskarsdóttir, varnarmálasérfræðingur og Aðalsteinn Óskarsson, sviðstjóri byggðamála hjá Vestfjarðastofu.

KLAK – Icelandic Startups, Íslandsstofa, Tækniþróunarsjóður og Vísindagarðar HÍ halda opinn kynningarfund á Ísafirði þann 26. janúar í samstarfi við Vestfjarðastofu. Fundurinn hefst klukkan 12 og stendur til kl. 14.  Fjögur stutt og hnitmiðuð 15 mínútna erindi verða á dagskrá og síðan tími fyrir spurningar, spjall og tenglsamyndun.

Við gerðum það fyrir árið 2024 og gerum það aftur núna að hafa síðasta fréttabréf árisins með óhefðbundnu sniði. Þar er að finna pistla frá starfsfólki þar sem það lítur yfir farinn veg á árinu.  Eins og þið sem fylgist með störfum okkar vitið, þá er í nægu að snúast hjá starfsfólki Vestfjarðastofu, en við hvetjum ykkur til að líta á fréttabréfið hugrenningar þess um hið nýliðna ár.