Á dögunum fór fram 70. Fjórðungsþing Vestfirðinga og einnig er nú yfirstandandi 75. afmælisár Fjórðungssambands Vestfirðinga en það var stofnað í nóvembermánuði árið 1949. Í tilefni af þessum tímamótum var ákveðið að hressa upp á útlit sambandsins og ráðast í gerð nýs merkis fyrir það. Á Fjórðungsþinginu í Hnífsdal var nýja merkið afhjúpað og kynnt aðilum sambandsins.

70. Fjórðungsþingi Vestfirðinga að hausti er lokið. Fyrir þinginu lágu 12 ályktanir sem kynntar voru í gær og teknar fyrir í nefndum í dag. Nefndarstörf gengu vel og nokkuð greiðlega.

Uppbyggingarsjóður Vestfjarða hefur opnað fyrir umsóknir. Hægt er að sækja um styrki til verkefna á sviði menningar, nýsköpunar og atvinnuþróunar. Einnig geta menningarstofnanir sótt um stofn- og rekstrarstyrki, séu þær með starfsemi á heilsársgrundvelli.

Fjórðungsþing Vestfirðinga að hausti er nýhafið í Hnífsdal. Dagskrá þingsins er þétt og fyrir þinginu liggja tillögur að ályktunum um ýmis málefni. Þar er meðal annars að finna ályktanir um raforku-, fjarskipta- og samgöngumál sem allar götur hafa verið meðal stærstu mála þingsins. Einnig eru ályktanir um þjónustumiðstöð, kræklingarækt og aukið samstarf í fræðslumálum á Vestfjörðum.

70. Fjórðungsþing Vestfirðinga að hausti hefst á morgun í Félagsheimilinu í Hnífsdal og stendur það í tvo daga. Þingið er afmælisþing Fjórðungssambandsins sem stofnað var í nóvember 1949 og er því að fagna 75 ára starfsemi.

Sýningin Sjávarútvegur 2025 fór fram dagana 10. til 12. september 2025 í Laugardalshöll. Allir helstu birgjar sjávarútvegsins voru staddir á sýningunni þar sem þeir kynntu vörur sínar fyrir sjávarútvegsfyrirtækjunum og var því nóg af flottu dóti að sjá og fræðast um. Atvinnuráðgjafar Vestfjarðastofu, Magnús Þór Bjarnason og Guðrún Anna Finnbogadóttir sóttu sýninguna til að vera með puttana á púlsinum.

55 ungmenni á aldrinum 13-18 ára alls staðar af Vestfjörðum komu saman á þriðja ungmennaþingi Vestfjarða sem fór fram á Hótel Breiðuvík dagana 8.-10. september.Þema þingsins 2025 var jafnrétti og komu fjölmargir gestafyrirlesarar til þess að fræða ungmennin um málefni því tengdu.

Mikið var um dýrðir Í íþróttahúsinu á Torfnesi á Ísafirði á laugardaginn þegar stórsýningin Gullkistan Vestfirðir fór fram. Um áttatíu ólíkir sýnendur tóku þátt og mikil menningardagskrá var í gangi allan daginn. Sýnendur komu frá öllum svæðum Vestfjarða, allt frá einyrkjum til stórfyrirtækja. Vestfjarðastofa fór með skipulagningu sýningarinnar og er óhætt að segja að við séum himinsæl með hvernig til tókst. Gleðin í íþróttahúsinu Torfnesi var hreinlega áþreifanleg. Við vorum þó sannarlega ekki ein í að gera sýninguna svo glæsilega úr garði líkt og raun varð, því valinn maður var í hverjum rúmi.

Blásarasveit TÍ mun blása í lúðra klukkan 12 á hádegi í íþróttahúsinu Torfnesi og þar með hefst stórsýningin Gullkistan Vestfirðir. Klukkan 12:20 mun forseti Íslands, frú Halla Tómasdóttir, formlega opna sýninguna, í beinu framhaldi af því mun kvennakór Ísafjarðar taka nokkur lög.

Guðmundur Ingi Kristinsson, mennta- og barnamálaráðherra mun mæta á Gullkistuna Vestfirði á morgun laugardag. Hann mun ganga um sýninguna og sjá þá glæsilegu breidd atvinnulífs-, menntunar og menningar sem þar verður að finna.