Fara í efni

Græn skref

Græn skref

Græn skref sveitarfélaganna er fjögurra skrefa umhverfisverkefni sem með einföldum og skipulögðum hætti auðveldar innleiðingu umhverfisvænna aðgerða. Grænu skrefin byggjast á aðgerðum er snerta sex rekstrarþætti sem hafa áhrif á umhverfið og snýst það um að efla vistvænan rekstur í starfsemi sveitarfélaganna  ásamt því að skapa fordæmi í því að minnka umhverfisáhrif með kerfisbundnum hætti. Árlega er óháður úttekaraðili fenginn til að taka út framvindu þeirra stofnanna sem taka þátt í verkefninu. Upplýsingar tengd verkefninu eru hér.

Öll sveitarfélögin á Vestfjörðum hafa samþykkt að taka þátt í verkefninu og eiga því stofnanir þeirra að skrá sig í verkefnið og taka þátt. 

Til að byrja verkefnið þarf að hlaða niður skjalinu Gátlisti Grænna skrefa.

Hægt er að skrá sig í verkefnið hér.

 

 
 

Starfsmaður verkefnis

Hjörleifur Finnsson

Hjörleifur Finnsson

Verkefnastjóri

Tengd skjöl

Gátlisti vegna Grænna skrefa
Rafmagn og húshitun
Vistvæn innkaup

Ósk um úttekt 

Tengdar fréttir

Útgáfa: Kolefnisjöfnun á Vestfjörðum

Útgáfa: Kolefnisjöfnun á Vestfjörðum

Sveitarfélögin á Vestfjörðum hafa nú í nokkurn tíma undirbúið gerð loftslagsstefnu sem mun setja markmið og aðgerðaáætlun um orkuskipti og samdrátt í losun gróðurhúsalofttegunda. En í lögum um lofslagsmál er einnig gerð krafa um að gerð sé áætlun um kolefnisjöfnun, þ.e að sú losun sem ekki tekst að eyða verði kolefnisjöfnuð. Hjá Vestfjarðastofu var ákveðið með tilliti til þessa að taka saman skýrslu um málið sem nú er komin út. Verkefnið fékk styrk frá umhverfis-, orku- og loftslagsráðuneyti til kaupa á ráðgjöf við skýrslugerðina sem fengin var hjá Verkís, en verkið var að mestu unnið af Vestfjarðastofu.
20. desember 2024
Svæðisáætlun um úrgang hefur tekið gildi

Svæðisáætlun um úrgang hefur tekið gildi

Öll sveitarfélög á Vestfjörðum hafa samþykkt Svæðisáætlun um meðhöndlun úrgangs á Vestfjörðum 2024-2035, og hefur hún því tekið gildi. Frá því á Fjórðungsþingi Vestfirðinga 2022 á Patreksfirði hefur verið unnið að gerð hennar skv. samþykkt þess og lögum um meðhöndlun úrgangs nr. 55/2003. Vinnuhópur sveitarfélaganna tók til starfa við gerð áætlunarinnar haustið 2023 undir stjórn verkefnastjóra umhverfis- og loftslagsmála ásamt utanaðkomandi ráðgjafa.
16. desember 2024
Áskoranir sveitarfélaga í loftslagsmálum

Áskoranir sveitarfélaga í loftslagsmálum

Stefán Gíslason, framkvæmdastjóri Environice kom fram á málþinginu Af hverju orkuskipti: Loftslags- og orkuskiptaáætlanir sveitarfélaga sem haldið var í Edinborgarhúsinu á Ísafirði þann 8. febrúar. Í erindi sínu fjallaði hann um áskoranir sveitarfélaga og talaði meðal annars um ábyrgð þeirra við að skapa framtíð og vera fyrirmyndir. Benti hann á helstu áskoranir vegna loftslagsbreytinga: hækkandi sjávarborði, öfgum í veðurfari, aukinni flóðahættu, breytingum á lífríki, þjóðflutningum og lýðheilsu.
15. febrúar 2024
Mikilvægt að tryggja fjölbreytt áhættumat vegna loftslagsbreytinga

Mikilvægt að tryggja fjölbreytt áhættumat vegna loftslagsbreytinga

Theódóra Matthíasdóttir, sérfræðingur á skrifstofu loftslagsþjónustu og aðlögunar hjá Veðurstofu Íslands hélt erindi á málþinginu Af hverju orkuskipti: Loftslags- og orkuskiptaáætlanir sveitarfélaga, sem fram fór í Edinborgarhúsinu á Ísafirði þann 8. febrúar. Erindi hennar bar titilinn Áhrif loftslagsbreytinga á Íslandi – glóðvolgar niðurstöður Vísindanefndar um loftslagsbreytingar.
14. febrúar 2024
Áhrif loftslagsbreytinga á hafið og auðlindir þess

Áhrif loftslagsbreytinga á hafið og auðlindir þess

Guðbjörg Ásta Ólafsdóttir, forstöðumaður Rannsóknaseturs Háskóla Íslands á Vestfjörðum var með erindi á málþinginu Af hverju orkuskipti: Loftslags- og orkuskiptaáætlanir sveitarfélaga sem nefnist Áhrif loftslagsbreytinga á hafið og auðlindir þess. Hér má hlýða á erindið.
13. febrúar 2024
Trékyllisheiði. Ljósm. Skúli Gautason

Þriggja fasa rafmagn komið í Djúpavík

Íbúar Árneshrepps líta björtum augum fram á við.
16. nóvember 2021
Sveitarfélögin á Vestfjörðum umhverfisvottuð í þriðja sinn.

Sveitarfélögin á Vestfjörðum umhverfisvottuð í þriðja sinn.

Sveitarfélögin á Vestfjörðum hlutu umhverfisvottun í frá vottunarsamtökunum EarthCheck í þriðja skiptið. Eruð þau því með vottun fyrir starfsárið 2019. Ófærð og veður gerði það að verkum að vottunaraðili átti erfitt með að komast Vestur en allt hófst það að lokum og er skýrsla vottunaraðila og Benchmarkingskýrsla staðfest.
06. apríl 2020
Umhverfislestin lauk ferð sinni á laugardaginn

Umhverfislestin lauk ferð sinni á laugardaginn

Þá er ferð Umhverfislestarinnar um Vestfirði lokið en ferðinni lauk laugardaginn 2. nóvember 2019 í Edinborgarhúsinu á Ísafirði. Ferðalag lestarinnar hefur verið í undirbúningi í um hálft ár en mikil vinna liggur að baki við öflun upplýsinga, hönnun og gerð sýningarinnar sem þykir hafa tekist einstaklega vel.
05. nóvember 2019