Rafræn vinnustofa fyrir umsækjendur í Uppbyggingarsjóð Vestfjarða verður haldin á Teams 15. október n.k..Uppbyggingarsjóður Vestfjarða stendur opinn til hádegis þann 22. október. Sjóðurinn styrkir nýsköpun, uppbyggingu atvinnulífs og menningarstarf á Vestfjörðum. Umsóknartímabilið nú er vegna verkefna sem eiga að koma til framkvæmda árið 2026.

Starfsfólk Vestfjarðastofu er á leiðinni í starfsmannaferð og því verður lokað á Vestfjarðastofu eftir hádegi föstudaginn 10. október og mánudaginn 13. október. 

Húsnæðismál, í víðum skilningi, bætt ásýnd og aukin nýting heita vatnsins, eru mikilvægustu viðfangsefni samfélagsins í Kaldrananeshreppi, til að styrkja stöðu byggðarlagsins til framtíðar. Þannig forgangsröðuðu þátttakendur málefnum á íbúaþingi sem haldið var á Drangsnesi dagana 4. og 5. október, í tilefni þess að þar hefst nú verkefni Byggðastofnunar undir hatti Brothættra byggða. Vel var mætt á þingið og tóku um 40 manns þátt í því.

Fyrsta Farsældarþing Vestfjarða fer fram föstudaginn 7. nóvember í Edinborgarhúsinu á Ísafirði, frá kl. 09:30-17:00. Þingið er öllum opið og verður þar unnið að mótun aðgerðaráætlunar farsældar barna á Vestfjörðum, jafnframt verður farsældarráð Vestfjarða stofnað við hátíðlega athöfn. Á dagskránni verða spennandi fræðsluerindi frá fag- og fræðafólki.

Vegagerðin hefur skrifað undir samning um verkið Vest­fjarða­vegur (60) um Gufu­dals­sveit, brýr á Djúpa­fjörð við Grónes og Gufu­fjörð.  Verkið felur í sér byggingu tveggja steyptra brúa á Vestfjarðavegi um Gufudalssveit. Annars vegar 58 m langa brú yfir Djúpafjörð við Grónes og hins vegar um 130 m langa brú yfir Gufufjörð. Innifalið í verkinu er rif á núverandi 119 m bráðabirgðabrú á Gufufirði ásamt efnisflutningum úr núverandi vinnuplönum og gerð grjótvarnar/rofvarnar.

Þann 22. október fer fram vefvinnustofa á vegum MERSE verkefnisins undir yfirskriftinni: Hvernig má mæla áhrif lítilla samfélagsdrifinna fyrirtækja og miðla þeim. Viðburðinn fer fram á ensku. Hann hefst klukkan 12 og lýkur kl.13:30.

Innviðaráðherra auglýsir eftir umsóknum um framlög sem veitt eru á grundvelli stefnumótandi byggðaáætlunar fyrir árin 2022-2036 vegna verkefna sem tengjast aðgerð A.9 Verslun í dreifbýli.

Hnausþykkt fréttabréf Vestfjarðastofu fyrir septembermánuð er nú komið út. Þar er að finna fréttir af því helsta sem Vestfjarðastofa hafði á sinni könnu í mánuðinum, en það var nú ekki lítið. Til að mynda var stórsýning atvinnulífs og menningar - Gullkistan Vestfirðir haldin þann 6. september, en einnig var 70. Fjórðungsþing Vestfirðinga, Ungmennaþing Vestfjarða og fjárfestaheimsókn, svo eitthvað sé nefnt. Einnig er þar að finna pistla frá framkvæmdastjóra og formanni stjórnar Vestfjarðastofu, auk ýmislegs annars. 

Vinnustofur fyrir umsækjendur í Uppbyggingarsjóð Vestfjarða verða haldnar á starfsstöðvum Vestfjarða 7. og 8. október n.k.. Býðst þeim sem hafa áhuga á að senda umsókn í sjóðinn eða eru að vinna í umsóknum kostur á að mæta og fá ráðgjöf frá starfsfólki Vestfjarðastofu. Vinnustofurnar verða opnar á milli 16 og 18

Umhverfis-, orku- og loftslagsráðuneytið hefur tilkynnt niðurstöður úr jarðhitaleitarátaki sem opnað var í vor. Markmið átaksins er að stuðla að aukinni nýtingu jarðhita til húshitunar á svæðum þar sem nú er notast við rafmagn eða olíu. Sjö styrkir voru veittir til verkefna á Vestfjörðum. Orkubú Vestfjarða fékk styrk til sex verkefna: á Patreksfirði, Ísafirði, Bolungavík og Suðureyri og Strandabyggð fékk styrk vegna eins verkefnis.