Vestfjarðastofa

Hlutverk Matvælasjóðs er að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum. Áhersla er á nýsköpun, sjálfbærni, verðmætasköpun og samkeppnishæfni íslenskrar matvælaframleiðslu um land allt.

Íbúakönnun landshlutanna er í fullum gangi um allt land og verður hægt að svara henni út október. Almenningur er hvattur til að taka þátt en niðurstöður þessara kannanna eru mjög gagnlegar og veita innsýn í stöðu ýmissa mála á landsbyggðinni.

Vestfjarðastofa kallar eftir áhugasömu fólki til að sitja í Samráðsvettvangi Sóknaráætlunar 2020-2024. Vettvangurinn mun koma saman í nóvember 2020 og rýna það sem gert hefur verið í Sóknaráætlun Vestfjarða á árinu 2020 ásamt því að leggja til álit varðandi þær tillögur að áhersluverkefnum sem munu koma inn og unnið áð á árinu 2021. Samráðsvettvangurinn hefur ekki vald til að samþykkja eða synja verkefnum heldur er hann eingöngu ráðgefandi. Öll samskipti munu fara fram á rafrænum vettvangi.