Fjögur spennandi verkefni á Vestfjörðum hljóta styrk úr Framkvæmdasjóði ferðamannastaða 2025 Atvinnuvegaráðherra, Hanna Katrín Friðriksson, úthlutaði nýverið úr Framkvæmdasjóði ferðamannastaða fyrir árið 2025. Alls hlutu 28 verkefni styrk að heildarupphæð 553,2 milljónir króna, þar af fjögur á Vestfjörðum.

Næsti fyrirlestur í fyrirlestraröð landshlutasamtakanna Forvitnir frumkvöðlar fer fram í hádeginu 6.maí á netinu. Fyrirlestur mánaðirns ber yfirskriftina Viðskiptaáætlun á mannamáli. Farið verður yfir gerð viðskiptaáætlana og ræðum við um hvað skiptir máli og hvernig viðskiptaáætlun getur sagt sögu verkefnisins. Fyrirlesturinn hentar bæði þeim sem eru að stíga sin fyrstu skref og þeim sem vilja skerpa framsetningu sína. Farið verður yfir hvernig hægt er að nýta sér hin ýmsu tæki og tól til að hjálpa sér við að koma sér af stað.

Dagana 12.-14. maí verður fundaröð MERSE um samfélagslega nýsköpun á þremur svæðum Vestfjarða. Verkefnastjórar MERSE, Steinunn Ása Sigurðardóttir og Anna Sigríður Ólafsdóttir fara yfir áðurnefnd hugtök og hvernig þau birtast okkur hér á Vestfjörðum. Einnig munu þær fara yfir hvað evrópska samstarfsverkefnið MERSE gengur út á, hvað er búið að eiga sér stað innan þess og hverju við höfum komist að.

Opið er fyrir tilnefningar til Nýsköpunarverðlauna hins opinbera fyrir árið 2025 og hægt senda inn tilnefningar til 6. maí. Markmiðið með verðlaununum er að veita viðurkenningu fyrir framúrskarandi árangur í opinberri nýsköpun síðastliðna 12 mánuði.

Styrktarsjóður Hafna Ísafjarðarbæjar hefur nú úthlutað styrkjum í annað sinn en úthlutunarnefnd lauk störfum fyrr í vikunni. Í ár hafði sjóðurinn yfir 8.000.000 að ráða til úthlutunar sem er þriggja milljóna króna aukning frá fyrra ári.

Nú er komið að kosningum í stjórn Sóknarhóps Vestfjarðastofu, en rafræn kosning hefst föstudaginn 2. maí 2025. Framboðsfrestur rann út föstudaginn 25. apríl og bárust 10 framboð. Nú verður valið hverjir verða fulltrúar atvinnulífs og menningar á Vestfjörðum næstu tvö árin.

Fundurinn „Sögur og sagnalist sem markaðstól í ferðaþjónustu“ var haldinn mánudaginn 28. apríl á Vestfjarðastofu. Fundurinn var haldinn í samstarfi Markaðsstofu Vestfjarða, Hæfniseturs ferðaþjónustunnar og Samtaka ferðaþjónustunnar (SAF). Meginmarkmið fundarins var að ræða hvernig sagnalist og samfélagsmiðlar, myndir og móttaka gesta geta verið lykilatriði í að skapa áhrifaríkar upplifanir gesta af áfangastöðum.

RECET verkefnið sem Vestfjarðastofa er þátttakandi í og Net Zero Island Network standa fyrir sameiginlegri málstofu í Hofi á Akureyri, þar sem sérfræðingar, stefnumótendur og hagsmunaaðilar koma saman til að ræða og stuðla að orkuskiptum á eyjum og í dreifðum byggðum.

Sögur og samfélag í ferðaþjónustu – áhrifaríkt markaðsefni Fólk, sögur, minningar, stemming. Hvernig er hægt að nota sagnalist/storytelling á áhrifaríkan hátt sem hluta af markaðssetningu fyrir ákveðin svæði til ferðamanna sem leita að einstökum og eftirminnilegum upplifunum?

Vestfjarðastofa heldur utan um styrktarsjóð Hafna Ísafjarðarbæjar. Markmið með sjóðum er að styrkja og bæta bæjarbraginn og eru í ár 8 milljónir til úthlutunar. Sjóðurinn er að þessu sinni þrískiptur þar sem styrkja skal viðburðahald, samfélags- eða fegrunarverkefni sem efla samfélagið í Ísafjarðarbæ. Sjóðnum var komið á laggirnar í fyrrasumar og þá var aðeins viðburðahald styrkt, en nú er búið að útvíkka reglur sjóðsins og auka úthlutunarfé.