Öll sveitarfélög á Vestfjörðum hafa samþykkt Svæðisáætlun um meðhöndlun úrgangs á Vestfjörðum 2024-2035, og hefur hún því tekið gildi. Frá því á Fjórðungsþingi Vestfirðinga 2022 á Patreksfirði hefur verið unnið að gerð hennar skv. samþykkt þess og lögum um meðhöndlun úrgangs nr. 55/2003. Vinnuhópur sveitarfélaganna tók til starfa við gerð áætlunarinnar haustið 2023 undir stjórn verkefnastjóra umhverfis- og loftslagsmála ásamt utanaðkomandi ráðgjafa.

Innviðaráðherra hefur staðfest tillögur valnefndar um verkefnastyrki til verslana í dreifbýli, sem veittir eru á grundvelli stefnumótandi byggðaáætlunar fyrir árin 2022-2036. Að þessu sinni var sautján milljónum kr. úthlutað til sex verslana í dreifbýli fyrir árið 2025.

Í gær fór fram úthlutunarhóf vegna úthlutana úr Uppbyggingarsjóði Vestfjarða vegna verkefna sem koma eiga til framkvæmda á næsta ári. Hófið fór fram í húsakynnum Vestfjarðastofu á Ísafirði og einnig á netinu, en hófið færðist á netið í Covid-faraldrinum en nú er hugsunin að færa gleðina alfarið yfir í raunheima þar sem maður er manns gaman.

Nú er tækifærið til að taka þátt í Ratsjánni 2025, þróunarverkefni fyrir stjórnendur í ferðaþjónustu sem vilja efla getu sína og auka samkeppnishæfni í átt að sjálfbærni og nærandi ferðaþjónustu.

Miðvikudaginn 11. desember fer fram netráðstefna á vegum MERSE verkefnisins sem fjallar um aðstæður fyrir samfélagslega nýsköpun í dreifðum byggðum.

Fréttabréf nóvembermánaðar er komið út, brakandi ferskt og stútfullt af efni. Nóvember er jafnan annasamur, en nú jafnvel enn frekar en áður í ljósi snemmbúinna Alþingiskosninga. Utan venjubundinna starfa fór Markaðsstofan á WTM sýninguna í London, fundur atvinnuráðgjafa var haldinn á Austurlandi og árlegur vinnufundur starfsmanna og stjórnar var haldinn svo fátt eitt sé nefnt.

Úthlutunarnefnd og fagráð Uppbyggingarsjóðs Vestfjarða hafa lokið störfum við yfirferð á styrkumsóknum vegna ársins 2025. Alls bárust 98 umsóknir í sjóðinn og hlutu 60 verkefni styrkvilyrði, alls að upphæð 60.000.000 kr.

Hæfnisetur ferðaþjónustunnar, Samtök ferðaþjónustunnar og Markaðsstofur landshlutanna bjóða til Menntamorguns ferðaþjónustunnar miðvikudaginn 4.desember kl. 11:00-12:00.

Rannsóknasetur skapandi greina stóð fyrir málþingi þann 20. nóvember síðastliðinn í Háskólanum á Akureyri, þar sem fjallað var um áhrif menningar og skapandi greina í landsbyggðum og hlutverki þessara þátta í þróun þeirra.

Innviðafélag Vestfjarða boðar í dag til fundar um efnahagsævintýrið á Vestfjörðum. Fundurinn verður haldinn í Skjaldborgarbíó á Patreksfirði og hefst hann kl. 17. Soffía Eydís Björgvinsdóttir hjá KPMG kynnir þar niðurstöður á greiningu á skatta- og samfélagsspori Vestfjarða sem unnin hefur verið fyrir Innviðafélag Vestfjarða. Einnig mun Hjörtur Methúsalemsson hjá Arnarlaxi, fjalla um framtíðarsýn fiskeldis á Vestfjörðum til 2035.