Blásarasveit TÍ mun blása í lúðra klukkan 12 á hádegi í íþróttahúsinu Torfnesi og þar með hefst stórsýningin Gullkistan Vestfirðir. Klukkan 12:20 mun forseti Íslands, frú Halla Tómasdóttir, formlega opna sýninguna, í beinu framhaldi af því mun kvennakór Ísafjarðar taka nokkur lög.

Guðmundur Ingi Kristinsson, mennta- og barnamálaráðherra mun mæta á Gullkistuna Vestfirði á morgun laugardag. Hann mun ganga um sýninguna og sjá þá glæsilegu breidd atvinnulífs-, menntunar og menningar sem þar verður að finna.

Fréttabréf Vestfjarðastofu er komið úr sumarfríi. Þar kennir ýmissa grasa og auðvitað er þar fyrirferðamikil Gullkistan Vestfirðir. Það er þó ekki það eina sem er þar að finna því einnig má lesa um heimsókn til Oulu í Finnlandi, jarðgerðavélar á Vestfjörðum, íbúafund á Þingeyri og fréttir af framgangi vinnu við svæðisskipulag Vestfjarða – svo fátt eitt sé nefnt.

Hanna Katrín Friðriksson, atvinnuvegaráðherra, sækir Gullkistuna Vestfirði á laugardaginn. Hún mun skoða sýninguna og sjá þá glæsilegu breidd vestfirsks atvinnulífs og menningar sem þar verður að finna. Klukkan 16 verður Hanna Katrín með ávarp á stóra sviðinu í sýningarsalnum og hvetjum við fólk til að mæta.

Það verður mikið um dýrðir á stórsýningunni Gullkistan Vestfirðir sem fer fram í íþróttahúsinu Torfnesi á laugardaginn. Sýningin hefst klukkan 12 og mun forseti Íslands, Halla Tómasdóttir ávarpa gesti og opna sýninguna. Á tveimur sviðum í íþróttahúsinu verður heilmikil dagskrá í gangi allt frá opnum og fram til loka sýningarinnar kl.17. Jafnframt verður hliðardagskrá í Menntaskólanum á Ísafirði þar sem áhugaverð erindi verða flutt

Valgeir Jens Guðmundsson hefur verið ráðin sem verkefnastjóri Brothættra byggða í Kaldrananeshreppi. Verkefnið er til 5 ára og er hluti af samstarfsverkefni Byggðastofnunar, Vestfjarðastofu og Kaldrananeshrepps. Um er að ræða 100% starf með starfsstöð á Drangsnesi.

Það er okkur sannkallaður heiður að segja frá því að Forseti Íslands, frú Halla Tómasdóttir, mun setja sýninguna Gullkistan Vestfirðir með ávarpi. Að ávarpi loknu mun forsetinn ganga um salinn og heilsa upp á sýnendur og gesti. Sýningin opnar klukkan 12 og eru Vestfirðingar hvattir til að fjölmenna í íþróttahúsið á Torfnesi á Ísafirði til að sjá þessa stórsýningu atvinnulífs og menningar.

Ungmennaþing Vestfjarða 2025 verður haldið á Hótel Breiðuvík dagana 8. september - 10. september. Þingið er opið ungmennum fæddum á árunum 2007-2012 með lögheimili á Vestfjörðum en takmarkað pláss er í boði. Þema þingsins í ár er jafnrétti og verða fjölmörg spennandi erindi eftir því þema.

Uppbyggingarsjóður Vestfjarða opnar brátt fyrir umsóknir en umsóknarglugginn verður opnaður aðeins fyrr í ár en síðustu ár og stendur hann opinn frá 17. september til hádegis 22. október. Við munum sérstaklega fagna verkefnum sem efla vetrarferðaþjónustu eða stuðla að framþróun í loftslagsmálum, en auðvitað eru allar hugmyndir velkomnar eins og áður.

Startup Landið er nýr, sjö vikna viðskiptahraðall sem ætlaður er frumkvöðlum og nýsköpunarverkefnum í landsbyggðunum. Hraðallinn, sem haldinn er í samstarfi allra landshlutasamtaka utan höfuðborgarsvæðisins, hefst 18. september og stendur til 30. október. Opið er fyrir umsóknir til 31. ágúst og verða valin til þátttöku tvö teymi úr hverjum landshluta.