Fara í efni

Markaðs- og áfangastaðastofa

Vestfjarðastofa sinnir ferðaþjónustu svæðisins undir merkjum Markaðsstofu Vestfjarða og Visit Westfjords. Verkefni í tengslum við ferðaþjónustu eru unnin í  samstarfi við sveitarfélögin á svæðinu sem og ferðaþjónustufyrirtækin. 

Markaðsstofa Vestfjarða starfar sem deild innan Vestfjarðastofu og sinnir markaðssetningu, innviðamálum og stefnumótun ferðaþjónustu svæðisins. Helstu hlutverk Markaðsstofu Vestfjarða eru:

  • Kynning svæðisins
  • Umsjón með heimasíðu og samfélagsmiðlum (www.westfjords.is)
  • Útgáfa kynningarefnis, bæklinga og korta
  • Blaðamannaferðir í samstarfi við Íslandsstofu
  • Ferðasýningar á lykilmörkuðum
  • Gerð og eftirfylgni áfangastaðaáætlunar 

Markaðsstofa Vestfjarða hélt utan um vinnu við Áfangastaðaáætlun Vestfjarða, en sú áætlun var gefin út seinni hluta árs 2018, en unnar hafa verið uppfærslur á samantekt 2020 og 2022. Í Áfangastaðaáætluninni er sett fram heilsteypt stefna fyrir svæðið í ferðaþjónustu. 

Starfsmaður

Sölvi Guðmundsson

Sölvi Guðmundsson

Teymisstjóri - Markaður og menning

Tengd verkefni

Tengdar fréttir

Mannamót markaðsstofanna haldin á morgun

Mannamót markaðsstofanna haldin á morgun

Mannamót Markaðsstofa landshlutanna verða haldin á morgun í Kórnum í Kópavogi á milli klukkan 12 og 17. Mannamót eru árlegur viðburður sem hefur lengi verið einn mikilvægasti kynningar- og tengslamyndunarvettvangur ferðaþjónustu á landsbyggðinni.
14. janúar 2026
Fjöldi umsókna í Uppbyggingarsjóð

Fjöldi umsókna í Uppbyggingarsjóð

Mikill fjöldi umsókna barst í Uppbyggingarsjóð Vestfjarða, en umsóknarfrestur rann út á hádegi 22. október.
23. október 2025
Héðinn Ásbjörnsson ávarpar gesti við opnun Baskaseturs. Ljósmynd: Hjálmtýr Heiðdal

Baskasetur Íslands opnað

Baskasetur Íslands var opnað með formlegum hætti í Djúpavík þann 20. september síðastliðinn. Sú dagsetning er ekki tilviljun.
23. september 2025
Þróun vetrarferðaþjónustu og áfangastaðaáætlun rædd á Hólmavík

Þróun vetrarferðaþjónustu og áfangastaðaáætlun rædd á Hólmavík

Fundaröð Markaðsstofu Vestfjarða um þróun ferðaþjónustu hélt áfram 9. maí með tveimur fundum í Café Riis á Hólmavík. Annars vegar var haldin vinnustofa fyrir ferðaþjónustuaðila um vetrarferðaþjónustu og hins vegar opinn samráðsfundur um gerð nýrrar áfangastaðaáætlunar fyrir Vestfirði.
21. maí 2025
Sögur lifa með gestum

Sögur lifa með gestum

Fundurinn „Sögur og sagnalist sem markaðstól í ferðaþjónustu“ var haldinn mánudaginn 28. apríl á Vestfjarðastofu. Fundurinn var haldinn í samstarfi Markaðsstofu Vestfjarða, Hæfniseturs ferðaþjónustunnar og Samtaka ferðaþjónustunnar (SAF). Meginmarkmið fundarins var að ræða hvernig sagnalist og samfélagsmiðlar, myndir og móttaka gesta geta verið lykilatriði í að skapa áhrifaríkar upplifanir gesta af áfangastöðum.
30. apríl 2025
Frá fundi um vetrarferðaþjónustu á Dokkunni

Spennandi fundir um þróun í ferðaþjónustu á Vestfjörðum

Markaðsstofa Vestfjarða er á faraldsfæti þessa dagana. Fimmtudaginn 3. apríl voru haldnir tveir samliggjandi fundi á Dokkunni á Ísafirði og þriðjudaginn 8. apríl var haldið á Patreksfjörð. Umræðuefnin voru uppbygging vetrarferðaþjónustu annars vegar og gerð nýrrar áfangastaðaáætlunar Vestfjarða hins vegar.
10. apríl 2025
Öryggismál á Hornströndum rædd á fjölmennum samráðsfundi

Öryggismál á Hornströndum rædd á fjölmennum samráðsfundi

Þann 1. apríl 2025 var haldinn samráðsfundur í stjórnsýsluhúsinu á Ísafirði þar sem öryggismál í Friðlandi Hornstranda voru rædd. Fundurinn var skipulagður af Kristínu Ósk Jónasdóttur hjá Náttúruverndarstofu. Að fundinum komu fjölmargir hagaðilar sem tengjast svæðinu með beinum eða óbeinum hætti. Mættir voru fulltrúar frá landeigendum, ferðaþjónustufyrirtækjum, björgunarsveitum, lögreglu, slökkviliði, Landhelgisgæslu og fleiri stofnunum. Fulltrúar Markaðsstofu Vestfjarða sátu einnig fundinn, sem og fulltrúar frá Ferðafélagi Íslands og Umhverfisstofnun í gegnum fjarfund.
03. apríl 2025
Starfsfólk MAS ásamt ferðamálastjóra. Mynd úr safni.

MV fundaði með ferðamálastjóra, atvinnuvegaráðuneyti og stoðkerfi ferðaþjónustunnar

Markaðsstofur landshlutana héldu saman á fund Arnars Más Ólafssyni ferðamálastjóra og Ingvars Más Pálssonar skrifstofustjóra viðskipta og ferðamála í síðustu viku. Markmið fundarins vara að skerpa á samstarfinu og mikilvægi markaðsstofa landshlutanna í stoðkerfinu. Forsvarsfólk markaðsstofanna er tenging stoðkerfis ferðamála út á land og ein besta leið fyrir þá sem starfa innan þess til að heyra raddir landsbyggðarinnar.
05. febrúar 2025