N1 Ísafirði óskar eftir kraftmiklum og þjónustulunduðum vaktstjóra til framtíðarstarfa. Um er að ræða fullt starf þar sem unnið er á vöktum. Viðkomandi þarf að geta hafið störf sem fyrst.

Við leitum að framsýnum, jákvæðum og drífandi einstaklingi í starf umsjónarmanns eigna við Heilbrigðisstofnun Vestfjarða á Ísafirði. Leitað er að einstaklingi með þekkingu og góða reynslu af sambærilegu starfi. Umsjónarmaður eigna heyrir undir framvæmdastjóra fjármála og rekstrar. Umsóknarfrestur er til og með 30.apríl 2025.

Vest­ur­byggð auglýsir starf skóla­stjóra Patreks­skóla laust til umsóknar. Umsóknarfrestur er til og með 5.maí 2025.

Vest­ur­byggð auglýsir starf skóla­stjóra Tálkna­fjarð­ar­skóla laust til umsóknar. Umsóknarfrestur er til og með 5.maí 2025.

Vestfjarðastofa heldur utan um styrktarsjóð Hafna Ísafjarðarbæjar. Markmið með sjóðum er að styrkja og bæta bæjarbraginn og eru í ár 8 milljónir til úthlutunar. Sjóðurinn er að þessu sinni þrískiptur þar sem styrkja skal viðburðahald, samfélags- eða fegrunarverkefni sem efla samfélagið í Ísafjarðarbæ. Sjóðnum var komið á laggirnar í fyrrasumar og þá var aðeins viðburðahald styrkt, en nú er búið að útvíkka reglur sjóðsins og auka úthlutunarfé.

Markaðsstofa Vestfjarða er á faraldsfæti þessa dagana. Fimmtudaginn 3. apríl voru haldnir tveir samliggjandi fundi á Dokkunni á Ísafirði og þriðjudaginn 8. apríl var haldið á Patreksfjörð. Umræðuefnin voru uppbygging vetrarferðaþjónustu annars vegar og gerð nýrrar áfangastaðaáætlunar Vestfjarða hins vegar.

Barnamenningarhátíðin Púkinn hófst þann 31. mars og hefur mikið verið um að vera í menningarlífi vestfirskra barna á meðan á hátíðinni stendur. Púkinn hefur ávallt verið í góðu samstarfi við List fyrir alla sem um árabil hefur komið með skemmtilega listviðburði til barna á Vestfjörðum. Að þessu sinni koma þau á Púkann með verkefnið Árstíðir. Þar fara hinir einstaklega hæfileikaríku Frach-bræður frá Ísafirði um með tónlistardagskrá fyrir mismunandi stig grunnskólanema. Maksymilian Haraldur Frach, Mikolaj Ólafur Frach og Nikodem Júlíus Frach eru tónlistarmenn í heimsklassa og fórst þeim einstaklega vel úr hendi að kynna þessa stórkostlegu klassík Vivaldis fyrir börnunum.

Tæknideild Bolungarvíkurkaupstaðar auglýsir eftir starfsmanni í áhaldahúsi við afleysingar vegna sumarleyfa starfsmanna í áhaldahúsi. Umsóknarfrestur er til 2.maí 2025.

Grunnskólinn í Bolungarvík óskar eftir starfsfólki í ýmsar stöður. Umsóknarfrestur er til 5.maí 2025.

Leitað er eftir sjálfstæðum og metnaðarfullum starfsmönnum með þekkingu og mikinn áhuga á skólastarfi. Umsóknarfrestur er til 5.maí 2025.