Fréttir

Ráðstefna LungA skólans, Lýðháskólans á Flateyri og UMFÍ um lýðháskóla á Íslandi verður haldin í Norræna húsinu mánudaginn 23. apríl kl. 9-11.30. Ráðstefnan ber yfirskriftina „Hvernig á að búa til skóla úr engu? - 5 ára reynsla af stofnun og rekstri lýðháskóla á Íslandi og vegurinn framundan“ 

Fjórðungssamband Vestfirðinga og Hópferðamiðstöð Vestfjarða ehf hafa samið um akstur á sérleyfinu Ísafjörður-Hólmavík-Ísafjörður.Ekið verður þrisvar í viku; miðvikudaga, föstudaga og sunnudaga. Akstur byrjar í byrjun maí og verður ekið allt sumarið til 18. september 2018.

Ráðherra ferðamála lagði fram á Alþingi nú á dögunum skýrslu um þolmörk ferðamennsku. Í skýrslunni er meðal annars fjallað um þróunarhorfur ferðaþjónustunnar, helstu áhrif og afleiðinar vaxtar ferðaþjónstunnar og leiðir og aðferðir til að stýra fjölda, aðgengi og dreifingu ferðamanna.

Á Alþingi í gær, 9 apríl 2018, fór fram sérstök umræða um dreifingu ferðamanna um landið. Upphafsmaður umræðunnar var þingmaður NA kjördæmis Líneik Anna Sævarsdóttir. Í umræðunni var rætt um hvaða aðgerðir hið opinbera getur nýtt til að stuðla að betri dreifingu ferðamanna um landið svo öll landssvæði geti notið góðs af þessari vaxandi atvinnugrein. Til andsvara var ráðherra ferðamála Þórdís Kolbrún R. Gylfadóttir sem kom meðal annars inn á eflingu Markaðsstofa landshlutanna (MAS) sem að hennar mati sinna lykilhlutverki í samræminu markaðsstarfs og vöruþróunar í landinu. Jafnframt kom ráðherra inn á mikilvægi samvinnu Íslandsstofu og MAS svo hægt sé að ná settum markmiðum stjórnvalda um dreifingu ferðamanna um landið allt.

Rannsóknastofa Háskólans á Akureyri hefur gefið frá sér nýja skýrslu um mat á samfélagsáhrifum Hvalárvikjunnar á Vestfjörðum. Skýrslan er unnin að beiðni VesturVerk ehf,en orkufyrirtækið vinnur að undirbúningi virkjunar Hvalár í Ófeigsfirði á Ströndum.

Hér má sjá hvaða verkefni hlutu verkefnisstyrk úr Uppbyggingarsjóði Vestfjarða á dögunum og stutta lýsingu á hverju verkefni.Þetta eru eingöngu verkefnisstyrkir.

Hjónin Aron Ingi Guðmundsson og Julie Gasiglia opnuðu síðastliðinn föstudag HÚSIÐ - House of Creativity í Gömlu Verbúðinni á Eyrargötu á Patreksfirði.

Nýlega var tilkynnt niðurstaða úthlutunar úr Framkvæmdasjóði ferðamannastaða árið 2018. Áherslurnar voru á uppbyggingu á friðslýstum svæðum og fjölgun áfangastaða. Fimm verkefni á Vestfjörðum hlutu styrki, samtals um 11 milljónir króna. Verkefnastaðirnir eru Bíldudalur, Valagil í Súðavík, Bolafjall, safn Samúels og Skálavík. 

Tveir megin drifkraftar í byggðaþróun á Þingeyri; rótgróið og róttækt. Ef samgöngur eru góðar, atvinnulífið öflugt og íbúar kraftmiklir, er samfélaginu á Þingeyri og við Dýrafjörð allir vegir færir. Þetta eru niðurstöður tveggja daga íbúaþings sem haldið var í Félagsheimilinu á Þingeyri helgina 10. – 11. mars síðastliðinn. 

Dagana 7. til 9. mars sl. voru verkefnastjóri Vestfjarðastofu og Hildur Dagbjört Arnardóttir Landslagsarkitekt á ferð um Strandir og á sunnanverðum Vestfjörðum til að kynna verkefnið Umhverfisvottaða Vestfirði og verkefnið Græn skref í sveitarfélaginu mínu. Farið var í fyrirtæki, stofnanir og haldnir fundir með sveitastjórnum.