Fréttir

Innanríkisráðherra kynnti samgönguáætlun 2013-2016 á ríkisstjórnarfundi nú í morgun. Staðfest er að Dýrafjarðargöng verða boðin út árið 2016 og framlag er til Vestfjarðavegar 60 segir í frétt frá ráðuneytinu. Vænta má að áætlunnni verði dreift á Alþingi eftir helgi og verður þá nánar hægt að skýra frá fleiri verkefnum. 

Í byrjun árs 2014 voru landsmenn 325.671 og hefur Íslendingum fjölgað um 3.814 manns frá sama tíma á síðasta ári.  Íbúafjöldi á Vestfjörðum þann 1. janúar 2014 var 6.972 eða um 2,14% af íbúafjölda landsins og var því fækkun um 59 manns eða 0,8%. Mikil fólksfjölgun var hinsvegar á höfuðborgarsvæðinu en þar voru íbúar 3.077 fleiri í janúar 2014 en á sama tíma 2013 samkvæmt upplýsingum frá Hagstofu Íslands.

Nýsköpunarmiðstöð Íslands stendur fyrir verkefninu Vaxtarsprotar á Vestfjörðum á næstunni og eru kynningarfundir um verkefnið í vikunni. Verkefnið Vaxtarsprotar er 38 stunda námskeið, kennt að mestu í gegnum tölvu, og er sniðið að öllum þeim sem vilja stofna fyrirtæki eða hleypa nýju verkefni af stokkunum. Nánar má fræðast um Vaxtarsprota á Vestfjörðum á þessari síðu. Kynningarfundirnir eru miðvikudaginn 5. mars kl. 16:30-17:30 í Stúkuhúsinu á Patreksfirði, fimmtudaginn 6. mars kl. 12:00–13:00 á súpufundi á Cafe Riis á Hólmavík og loks á Ísafirði föstudaginn 7. mars kl. 12:00–13:00 í Vísindaporti Háskólaseturs Vestfjarða.

Skipulagsstofnun er að hefja vinnu við Landsskipulagsstefnu 2015-2026 en umhverfis - og auðlindaráðherra fól stofnuninni að sjá um þá vinnu.Nú hefur stofninin sett fram lýsingu og hafa nú þegar verið haldnir þrír  kynningar– og samráðsfundir í Borgarnesi, Selfossi og Egilsstöðum. 

Fjölmenni var við athöfn þegar bæjarstjórar Ísafjarðarbæjar og Vesturbyggðar og sveitastjóri Tálknafjarðarhrepps staðfestu „nýtingaráætlun strandsvæðis Arnarfjarðar“ með undirritun sinni  þann 27. febrúar í Félagsheimilinu Baldurshaga á Bíldudal. Viðeigandi þótti  að setja þennan formlega endi á verkefnið en það var hafið á sama stað með málþingi í nóvember 2010.

Fundi sem boðaður var kl 16.00 á Ísafirði í dag 26. febrúar er frestað um óákveðin tíma. Fyrirlesarar komast ekki til Ísafjarðar vegna ófærðar á Steingrímsfjarðarheiði. 

Innanríkisráðuneytið boðar til kynningarfundar á skýrslu um félagshafræðilega greiningu á framtíð innanlandsflugs, Fundurinn verður haldinn í Iðnó, Reykjavík og hefst kl 8.30, en hægt er fylgjast með fundinum á netinu á vef ráðuneytisins. Sjá:  http://www.innanrikisraduneyti.is

Fjórðungssambandi Vestfirðinga er ánægja að tilkynna að verkefnið „nýtingaráætlun strandsvæðis Arnarfjarðar“ er lokið. Bæjarstjórar/sveitastjóri þeirra þriggja sveitafélaga er stóðu að verkefninu munu staðfesta verkefnið með undirritun sinni  þann 27. febrúar í félagsheimilinu Baldurshaga á Bíldudal kl. 13:00 og eru allir velkomnir. 

Markaðsstofa Vestfjarða, Ferðamálasamtök Vestfjarða og Nýsköpunarmiðstöð Íslands standa fyrir kynningarfundum á Vestfjörðum í þessari viku og var fyrsti fundurinn á Hólmavík í dag, mánudaginn 10. febrúar kl. 12:00-13:30. Góð stemmning var á fundinum og þangað mættir ferðaþjónar víða að. Í dag er einnig fundur á Reykhólum kl. 16:00-17:30 í matsalnum í Reykhólaskóla. Á þriðjudag verður svo fundur á Tálknafirði kl. 12:00 á Hópinu.

Verðlaun í Nýsköpunarkeppni Vestfjarða voru tilkynnt í dag, föstudaginn 31. janúar í Safnahúsinu á Eyrartúni, Ísafirði. Fjögur verkefni hlutu samtals fjórtán milljóna króna verðlaunafé. Fyrstu verðlaun og fimm milljónir króna hlutu Víur - ræktunarfélag fóðurskordýra. Önnur verðlaun og fjórar milljónir króna hlaut Icelandic Fish Export. Þriðju verðlaun og þrjár milljónir króna hlaut Gullsteinn ehf. Fjórðu verðlaun og tvær milljónir króna hlaut Bíldalia.