Fréttir

Elías Guðmundsson ferðaþjónn á Suðureyri kemur með áhugaverða spurningu í opnu bréfi á bb.is þar sem hann varpar fram spurningunni „Inspired by Westfjords – hvert er verið að fara?“.  Það er okkur bæði ljúft og skylt að koma með innlegg í þá umræðu út frá sjónarhóli Markaðsstofu Vestfjarða og ráðgjafaráðs hennar. 

Nú stendur yfir vinna að stefnumótun fyrir Sóknaráætlun Vestfjarða árin 2015-2019, í samræmi við fyrirhugaðan samning milli ríkis og sveitarfélaganna um þetta efni. Búið er að halda tvo fundi, á Patreksfirði og Ísafirði, og framundan er fundur á Hólmavík sem fresta þurfti í síðustu viku. Fundurinn á Hólmavík verður haldinn miðvikudaginn 21. janúar kl. 15:00 í Félagsheimilinu á Hólmavík. Um er að ræða opinn fund sem öllum er heimilt að mæta á og taka þátt í vinnunni. Uppkast að Sóknaráætluninni verður svo birt á vefnum í framhaldinu og þá verður einnig hægt að gera athugasemdir og koma með tillögur. Fundurinn stendur að hámarki í þrjá tíma og kaffi verður á boðstólum í hléi.

Elías Guðmundsson kemur með áhugaverða spurningu í opnu bréfi á bb.is þar sem hann varpar fram spurningunni „Inspired by Westfjords – hvert er verið að fara?“.  Það er okkur bæði ljúft og skylt að koma með innlegg í þá umræðu út frá sjónarhóli Markaðsstofu Vestfjarða og ráðgjafaráðs hennar.  

Menningarverðlaunin Eyrarrósin verður veitt í ellefta sinn í mars næstkomandi, fyrir framúrskarandi menningarverkefni á landsbyggðinni. Markmið viðurkenningarinnar er að beina sjónum að og hvetja til menningarlegrar fjölbreytni, nýsköpunar og uppbyggingar á sviði menningar og lista. Umsækjendur um Eyrarrósina geta meðal annars verið stofnun, tímabundið verkefni, safn eða menningarhátíð og það eru Byggðastofnun, Flugfélag Íslands og Listahátíð í Reykjavík sem staðið hafa saman að verðlaununum frá upphafi árið 2005.

Skipulagsstofnun kynnir auglýsta tillögu að Landsskipulagsstefnu 2015-2026 á opnum fundi í Háskólasetrinu Ísafirði miðvikudaginn 14. janúar 2014 kl. 12.30-14.30. Á fundinum verður tillagan kynnt auk þess sem að fjallað verður sérstaklega um framfylgd landsskipulagsstefnu í skipulagsgerð sveitarfélaga svo sem við endurskoðun aðalskipulags. Jafnframt verður bein útsending frá kynningu í Reykjavík þann 29. janúar kl. 15-17 og má sjá hana á heimasíðu Skipulagsstofnunar.

Nú hefur verið stofnað Minjaráð Vestfjarða sem er ráð sem starfar með Minjastofnun Íslands sem hefur umsjón með minjavörslu í landinu. Minjastofnun fer m.a. með eftirlit með fornminjum, friðuðum húsum og mannvirkjum, og vinnur að stefnumörkun í málaflokknum og skráningu og varðveislu upplýsinga. Tilgangurinn með minjaráðunum er að mynda öflugt bakland fyrir þjóðminjavörsluna og efla tengsl við fólk um land allt, sem lætur sig þessi mál varða. Í flestum landshlutum hefur verið starfandi minjavörður sem stýrir starfi minjaráðanna, en slíkur hefur ekki verið starfandi á Vestfjörðum frá 2011. Nú stendur hins vegar til að bæta úr því og á næstunni verður starf minjavarðar Vestfjarða auglýst laust til umsóknar.

Nú er komið að því að vinna stefnumótunarvinnu fyrir Sóknaráætlun Vestfjarða árin 2015-2019, í samræmi við fyrirhugaðan samning milli ríkis og sveitarfélaganna um þetta efni. Ákveðið hefur verið að halda þrjá opna fundi á Vestfjörðum til að safna hugmyndum og forgangsraða þeim. Um er að ræða fundi sem öllum er heimilt að mæta á og taka þátt í vinnunni. Uppkast að áætluninni verður svo birt á vefnum í framhaldinu og þá verður einnig hægt að gera athugasemdir og koma með tillögur. Allir fundirnir hefjast kl. 15:00 og standa að hámarki í þrjá tíma. Kaffi verður á boðstólum í hléi. Fundarstaðir og fundartímar eru eftirfarandi:

Nú um áramótin runnu út þrír samningar sem hafa verið í gildi milli ríkisins og Fjórðungssambands Vestfirðinga; menningarsamningur, vaxtarsamningur og samningur um sóknaráætlun landshlutans. Viðræður um framhaldið hafa verið í gangi milli ríkisins og allra landshlutasamtakanna og er vilji til að gera nýjan samning til 5 ára. Af hálfu ríkisins er gengið út frá því að allir þessir samningar renni saman í einn farveg og fjármagn til þeirra verði sameinað í einn sjóð innan vébanda sóknaráætlana landshlutanna. Þessum viðræðum er ekki lokið, en stefnt hefur verið að undirritun samnings í byrjun febrúar. Á fjárlögum Alþingis fyrir árið 2015 er gert ráð fyrir sama heildarfjármagni til samninganna þriggja á landsvísu og á þessu ári.

Vakin er athygi á að þinggerð 59.Fjórðungssþings Vestfirðinga er nú komin út.Hér er að finna yfirlit um störf þingsins og umræður sem fram fóru auk niðurstöðu kosninga.