Fréttir

Nú stendur yfir kjördæmavika á alþingi og þingmenn ferðast þá gjarnan um kjördæmin og hitta kjósendur.Í dag er fundur í Báta- og hlunnindasýningunni á Reykhólum þar sem þingmenn Norðvesturkjördæmis hitta sveitarstjórnarmenn á Vestfjörðum og fara yfir baráttumál sveitarfélagana.

Á fundi stjórnar Fjórðungssambands Vestfirðinga í Þróunarsetrinu Skor á Patreksfirði þann 20. september var rætt um vegagerð í Gufudalssveit og tekið til umræðu erindi Skipulagsstofnunar frá 9. september: „Ákvörðun um tillögu að matsáætlun Vestfjarðavegar 60 milli Bjarkalundar og Melaness.“ Skipulagsstofnun var þar að svara erindi Vegagerðarinnar frá 4. júlí um tillögu að matsáætlun fyrir Vestfjarðarveg með nýrri útfærslu veglína. Í svari Skipulagsstofnunar kemur fram að stofnunin fellst ekki á tillögu Vegagerðarinnar, en setur jafnframt fram leiðbeiningar um málsmeðferð. Vegagerðin ákvað síðan þann 18. september að kæra niðurstöðu Skipulagsstofnunar til Úrskurðarnefndar umhverfis- og auðlindamála.

Háskólasetur Vestfjarða, Fjórðungssamband Vestfirðinga, Vesturbyggð og Byggðastofnun standa að Byggðamálaráðstefnu á Patreksfirði  næstkomandi föstudag og laugardag. Aðsókn að ráðstefnunni er með ágætum, en um 60 manns hafa nú þegar skráð sig. Byggðamálaráðstefnan er öllum opin, en henni er ætlað að opna og móta umræðu um byggðamál á landsbyggðinni, móta umræðu um stefnumótun í stjórnsýslu og stjórnmálum ásamt því að vera vettvangur nýrra rannsókna.

Í sérstakri umræðu um fjarskiptamál á Alþingi í dag, kom fram hjá innanríkisráðherra að fjármagni Fjarskiptsjóðs verði varið í uppbyggingu hringtengingu ljósleiðara á Vestfjörðum, þ.e.

Í framhaldi af alvarlegri bilun í fjarskiptakerfi Mílu þann 26. ágúst s.l. sendi stjórn Fjórðungssambands Vestfirðinga og sveitarfélög á Vestfjörðum frá sér harðorðar ályktanir á stjórnvöld og Alþingi. Stjórn FV óskaði einnig eftir fundum með innanríkisráðherra og með Alþingi. 

Stjórn Fjórðungssambands Vestfirðinga gagnrýnir harðlega þá stöðu sem er í fjarskiptamálum Vestfirðinga og sýndi sig vel í dag hversu viðkvæmt það er, þegar víðtæk bilun kom upp í búnaði Mílu og farsímakerfi Símans. Vegna þessarar bilunar er stór hluti Vestfjarða sambandslaus við umheiminn í margar klukkustundir og ljóst að alvarlegt ástand hefur skapast þar sem ekki er hægt að hringja í lögreglu eða aðra viðbragðsaðila. 

Fjórðungssamband Vestfirðinga og Ferðaþjónusta Vestfjarða ehf hafa samið um akstur á sérleyfinu  Patreksfjörður- Brjánslækur- Ísafjörður. Fyrsta áætlunarferð verður ekin mánudaginn 25. ágúst n.k.  Leiðin verður tvískipt, annars vegar milli Patreksfjarðar og Brjánslækjar, hins vegar milli Ísafjarðar og Brjánslækjar. Áætlað er að ferðir milli Ísafjarðar og Brjánslækjar verði í boði þrisvar í viku, mánudaga, miðvikudaga og föstudaga til 15 september en eftir það verður fjöldi ferða endurskoðaður. Áætlað er að ferðir milli Patreksfjarðar og Brjánslækjar verði daglega allt árið. Tímasetningar taka mið af áætlun Baldurs yfir Breiðafjörð.

Ragnheiður Elín Árnadóttir hefur verið að ferð um Vestfirði síðustu daga og hefur hún heimsótt, fyrirtæki, stofnanir og sveitarfélög á svæðinu. Í gær fundaði ráðherra með Markaðsstofu Vestfjarða þar sem farið var yfir helstu málefni tengd ferðaþjónustunni. Var á þeim fundi meðal annars komið inn á nauðsyn þess að traustir innviðir séu til staðar vegna aukins ferðamannastraums, sem og mikilvægi þess að beina ferðamönnum á minna heimsótt svæði.

Fjórðungssamband Vestfirðinga og Hópferðamiðstöð Vestfjarða ehf hafa samið um akstur á sérleyfinu Ísafjörður-Hólmavík-Ísafjörður. Fyrsta áætlunarferð verður ekin á föstudag 1. ágúst n.k. en síðan verður ekið á miðvikudögum og sunnudögum til 14. september n.k.. Eftir 14. september verður ekið á föstudögum og sunnudögum fram á vor 2015.  Ekið verður í takt við áætlun Strætó bs samkvæmt leið 59 til Hólmavíkur frá Borgarnesi (Reykjavík

Menningarráð Vestfjarða hefur nú lokið við að fara yfir umsóknir um styrki vegna ársins 2014 og stjórn Fjórðungssambands Vestfjarða staðfest tillögu ráðsins um úthlutun. Að þessu sinni voru samtals 35,2 milljónir til úthlutunar til margvíslegra menningarverkefna og uppbyggingar víða um Vestfirði. Umsóknir voru fjölbreyttar og mörg verkefni afar áhugaverð. Menningarráð vill óska styrkhöfum til hamingju með framlögin og umsækjendum öllum góðs gengis við vinnu að sínum verkefnum. Listi um framlög er birtur hér að neðan.