Verkefnastykir frá Norræna Atlantssamstarfinu (NORA) haust 2017
NORA auglýsir eftir umsóknum um verkefnastyrki með umsóknarfrest til og með mánudagsins 2. október 2017.
Umsækjendum er bent á lágmarkskröfu NORA um að tvö aðildarlönd séu þátttakendur í samstarfsverkefnum sem hljóta styrki. Það eru þessi lönd: Grænland, Ísland, Færeyjar og strandhéruð Noregs. Hámarksstyrkur NORA eru 500 þúsund danskar krónur á ári að hámarki í þrjú ár.
Umsóknir skulu taka mið af áherslusviðum í skipulagsáætlun NORA 2017-2020, sem eru þessi:
- Skapandi greinar
- Græn orka
- Lífhagkerfi
- Sjálfbær ferðaþjónusta
- Fjarskipta- og upplýsingatækni
- Velferðarþjónusta
- Öryggismál á hafinu
Yfirlýst markmið skipulagsáætlunarinnar 2017-2020 er að auka aðdráttarafl Norður Atlants- og heimskautssvæðanna. NORA leggur sérstaka áherslu á tvö svið þar sem markmiðin eru annars vegar að auka fjölbreytni í atvinnulífi með nýskapandi lausnum og hins vegar að efla sjálfbæra þróun í samfélögum svæðisins.
Nánar má fræðast um skipulagsáætlun 2017-2020 á heimasíðu NORA, www.nora.fo.
Umsóknareyðublaðið er að finna að heimasíðu NORA. Það skal útfyllast og sendast til aðalskrifstofu NORA á rafrænu formi á netfangið noraprojekt@nora.fo.
Á heimasíðu NORA má einnig finna leiðbeiningar um umsóknarferilinn undir valtakkanum „Leiðbeiningar um verkefnastyrki“. Umsækjendum er einnig velkomið að hafa samband við tengilið NORA til að fá nánari upplýsingar og leiðbeiningar.
Byggðastofnun er landskrifstofa NORA á Íslandi og tengiliður er Sigríður K. Þorgrímsdóttir, s. 8697203 og netfang sigga@byggdastofnun.is