Fréttir

Streymt verður beint frá borgarafundi í íþróttahúsinu á Torfnesi sem haldinn verður klukkan 14 í dag.Á fundinum verða rædd ein mikilvægustu hagsmunamál fjórðungsins um þessar mundir sem snúast öll um mikilvæga innviðauppbyggingu á Vestfjörðum.

Fjórðungssamband Vestfirðinga hefur í samstarfi við sveitarfélög, verkalýðsfélög o.fl. boðað til borgarafundar um brýnustu  málefni vestfirsk samfélags í dag.  

Byggðasamlag Vestfjarða um málefni fatlaðs fólks vekur athygli á rétti fólks til að sækja um styrki skv. 27. grein laga nr. 59/1992 um málefni fatlaðs fólks, með síðari breytingum.  Umsóknafrestur er til 20. október 2017.

Stjórn Fjórðungssamband Vestifirðinga kom saman til fundar á Reykhólum þann 6. september. Fundargerð liggur nú fyrir á vef FV. Á fundinum var m.a. fjallað um alvarlega stöðu sauðfjárbúskapar, í ályktun stjórnar um málið segir ;  Stjórn Fjórðungssambands Vestfirðinga lýsir áhyggjum af framtíð sauðfjárbúskapar á Vestfjörðum vegna fyrirsjáanlegar mikillar tekjuskerðingar í greininni. Sauðfjárrækt er víða lykilþáttur í atvinnu og samfélagsgerð sveitarfélaga á Vestfjörðum, sveitarfélaga sem hafa haft í vök að verjast með tilliti til byggða- og atvinnuþróunar.  

Á næstu vikum verður gerð net og símakönnun á meðal íbúa á Vestfjörðum þar sem tekin verða saman viðhorf þeirra til þátta sem m.a. hafa áhrif á val á búsetu, atvinnuþátttöku og þjónustu. Einnig verða könnuð viðhorf til fiskeldis,sérstaklega. Þátttakendur eru valdir með slembiúrtaki og eru hvattir til að taka þátt. 

Samgönguráð sendi FV erindi þann 19.júní 2017 varðandi endurskoðun samgöngustefnu vegna undirbúnings nýrrar samgönguáætlunar 2018-2029.

Yfirlýsing frá sveitar- og bæjarstjórum Súðavíkurhrepps, Ísafjarðarbæjar og Bolungarvíkurkaupstaðar. Hagsmunir íbúa við Ísafjarðardjúp að engu hafðir.

Hér er samantekt af íbúaþingi í Árneshreppi sem haldin var 12.og 13.júní sl. Á þinginu ræddu íbúar sveitarfélagsins stöðuna og framtíð sveitarfélagsins.

Skrifstofa Fjórðungssambands Vestfirðinga á Ísafirði verður lokuð vegna sumarleyfa frá og með 24.júlí til 8.ágúst nk. Fyrirspurnir er hægt að senda á póstfangið fv@vestfirdir.is  .

kynningarfundur um endurskoðun á byggðakvóta verður haldinn í Félagsheimilinu á Þingeyri mánudaginn 10.júlí kl.12:00 - 14:00 Þóroddur Bjarnason, formaður starfshóps um þessi mál mun kynna tillögur starfshópsins. Tillögur starfshópsins verða birtar opinberlega viku síðar, en frestur til að skila athugasemdum við tillögurnar rennur út í lok júlí.  Sveitarstjórnarfólk og hagsmunaaðilar eru sérstaklega hvött til að mæta.  .