Hvesta hæfingarstöð sem er vinnu og virknimiðað úrræði fyrir fatlað fólk auglýsir laus til umsóknar störf stuðningsfulltrúa. Um er að ræða tvær stöður í 80% hlutfalli en starfshlutfall getur verið umsemjanlegt. Störfin eru unnin á dagvinnutíma þar sem vinnutími er breytilegur. Æskilegast er að viðkomandi geti hafið störf sem fyrst.
Helstu verkefni og ábyrgð:
- Veita þjónustunotendum stuðning við athafnir daglegs lífs
- Hafa gaman í vinnunni og vera öðrum fyrirmynd
- Fylgja eftir þjónustuáætlunum og verklagsreglum
- Virkja þjónustunotendur til vinnu og ýmissa tómstunda
- Önnur tilfallandi störf samkvæmt starfslýsingu
Menntunar- og hæfniskröfur:
- Áhugi á málefnum fatlaðs fólks
- Góð íslenskukunnátta skilyrði
- Þjónustulund og jákvæðni í starfi
- Hæfni í mannlegum samskiptum
- Frumkvæði og samviskusemi
Launakjör eru samkvæmt samningum launanefndar sveitarfélaga við viðkomandi stéttarfélag (FosVest/VerkVest).
Umsóknum skal skilað til Ingibjargar S. Guðmundsdóttur forstöðumanns Hvestu í netfangið ingibjorggud@isafjordur.is Umsóknarfrestur er til og með 19. ágúst 2021. Með umsókn skal fylgja ferilskrá.
Nánari upplýsingar veitir Ingibjörg, í síma 450-8231 eða í gegnum ofangreint netfang.
Við hvetjum áhugasama, óháð kyni til að sækja um starfið. Vakin er athygli á markmiði mannréttindastefnu Ísafjarðarbæjar að jafna kynjaskiptingu innan starfsgreina og að vinnustaðir endurspegli fjölbreytileika samfélagsins. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.