Vestfjarðastofa boðar til fundar ásamt innviðaráðuneyti og Byggðastofnun. Á fundinum verða kynnt fyrstu drög að endurskoðaðri byggðaáætlun með sérstaka áherslu á drög að aðgerðaáætlun hennar. Fulltrúar ráðuneytisins og Byggðastofnunar munu kynna fyrirliggjandi drög og hvetja til skoðanaskipta um þau. Umræður og ábendingar sem fram koma á fundinum verða nýttar við áframhaldandi vinnu og munu meðal annars verða lögð til grundvallar efni í hvítbók sem sett verður í samráðsgátt stjórnvalda í lok maí.

Flateyri Foods óskar eftir að ráða matreiðslumann/konu í sumarstarf.

Icewear leitar að kraftmiklum og metnaðarfullum einstaklingum í fullt starf og hlutastarf í verslun fyrirtækisins á Ísafirði.

Heilbrigðisstofnun Vestfjarða óskar að ráða yfirmatráð í eldhúsið á Bergi hjúkrunarheimili í Bolungarvík. Um vaktavinnu er að ræða þar sem unnið er á vöktum frá 8-14 og aðra hverja helgi. Umsóknarfrestur er til og með 4.maí 2026.

Hvesta hæfingarstöð sem er vinnu og virknimiðað úrræði fyrir fatlað fólk auglýsir laust til umsóknar starf stuðningsfulltrúa. Um er að ræða 50-100% tímabundið starf yfir sumartímann. Umsóknarfrestur er til og með 14.apríl 2026.

Fréttabréf Vestfjarðastofu fyrir marsmánuð er komið út. Það er uppfullt af fréttum af mörgu því er starfsfólk tók sér fyrir hendur í mánuðinum. Þar má lesa um ferð verkefnastjóra RECET til Menorka, heimsóknir verkefnastjóra innan Vestfjarða og heimsóknir gesta til okkar. Mikið er fjallað um hvaða unga fólkið á Vestfjörðum er að fást við, til dæmis í gegnum kvikmyndagerðarnámskeið á Púkanum, verkefni ungmennaráðs Vestfjarða og Vörumessu MÍ. Að vanda er að finna pistla frá framkvæmdastjóra og formanni stjórnar Vestfjarðastofu. Þar er margt annað sem þið getið dundað ykkur við að lesa í páskafríinu og með þessu sendum við ykkur bestu óskir um gleðilega páska. 

Er íslensk ferðaþjónusta á öruggri leið? Íslensk ferðaþjónusta hefur vaxið hratt á undanförnum árum en þeim vexti fylgir mikil ábyrgð. Eitt mikilvægasta vörumerki Íslands er öryggi; sú tilfinning gesta okkar að þeir séu í góðum höndum, hvort sem þeir ganga á jökla, keyra um hálendið eða njóta menningar í bæjum landsins. En erum við raunverulega á öruggri leið? Og hvernig getum við, sem heild, tryggt að ímynd Íslands sem öruggur áfangastaður standist tímans tönn? Menntamorgunn ferðaþjónustunnar bregður sér norður yfir heiðar til Akureyrar og býður ykkur til stefnumóts um öryggismál í íslenskri ferðaþjónustu fimmtudaginn 9. apríl kl. 11:00–13:00, á Hótel Kea. Viðburðurinn verður bæði staðfundur og í beinu streymi svo sem flestir eigi þess kost að fylgjast með og sækja sér hagnýta þekkingu.

Sveitarfélögum á Vestfjörðum mun brátt fækka um eitt, en íbúar í Árneshreppi og Kaldrananeshreppi hafa samþykkt sameiningu sveitarfélaganna í íbúakosningu.  Kosningin stóð yfir frá 14. mars til 28. mars og höfðu íbúar kost á að greiða atkvæði í því sveitarfélagi sem þeir eru á kjörskrá í og gafst þeim einnig kostur á að greiða atkvæði með pósti á tímabilinu. Niðurstöður kosningarinnar sýna að meirihluti kjósenda í báðum sveitarfélögum studdi sameininguna.

Vesturbyggð óskar eftir að ráða skólastjóra grunnskóla. Umsóknarfrestur er til og með 15.apríl 2026.

Vesturbyggð óskar eftir að ráða leikskólastjóra. Umsóknarfrestur er til og með 15.apríl 2026.