Fréttir

Landshlutasamtök sveitarfélaga samþykktu áskorun til Alþingis og ríkisstjórnar á fundi þann 16.apríl 2015.Í áskorunni er lýst þungum áhyggjum að stöðu samgöngukerfisins í landinu og viðvarandi fjárskorti til viðhalds og nýframkæmda.

Nú hefur verið stofnaður nýr Uppbyggingarsjóður Vestfjarða sem rekinn er innan vébanda Sóknaráætlunar landshlutans og er í umsjón Fjórðungssambands Vestfirðinga. Hann tekur við hlutverki Menningarráðs Vestfjarða og Vaxtarsamnings Vestfjarða og veitir styrki til menningarverkefna, atvinnuþróunar- og nýsköpunar. Uppbyggingarsjóður varð til með samningi ríkis og Fjórðungssambands Vestfirðinga um Sóknaráætlun Vestfjarða 2015-2019 sem undirritaður var 10. febrúar 2015. Í vor verður í fyrsta skipti úthlutað úr sjóðnum og er umsóknarfrestur til og með 30. apríl. Til ráðstöfunar í úthlutun eru um það bil 60 milljónir að þessu sinni, sem er svipuð upphæð og úthlutað var á grundvelli menningar- og vaxtarsamninga á síðasta ári.

Vilt þú gerast persónulegur talsmaður fatlaðs einstaklings? Einstaklingur, sem vegna fötlunar á erfitt með að gæta hagsmuna sinna, á rétt á að velja persónulegan talsmann sér til aðstoðar, skv.

Nú hefur verið stofnaður nýr Uppbyggingarsjóður Vestfjarða sem rekinn er innan vébanda Sóknaráætlunar landshlutans og er í umsjón Fjórðungssambands Vestfirðinga. Hann tekur við hlutverki Menningarráðs Vestfjarða og Vaxtarsamnings Vestfjarða og veitir styrki til menningarverkefna, atvinnuþróunar- og nýsköpunar. Uppbyggingarsjóður varð til með samningi ríkis og Fjórðungssambands Vestfirðinga um Sóknaráætlun Vestfjarða 2015-2019 sem undirritaður var 10. febrúar 2015. Í vor verður í fyrsta skipti úthlutað úr sjóðnum og er umsóknarfrestur til og með 30. apríl. Til ráðstöfunar í úthlutun eru um það bil 60 milljónir að þessu sinni, sem er svipuð upphæð og úthlutað var á grundvelli menningar- og vaxtarsamninga á síðasta ári.

Uppbyggingarsjóður sem rekinn er innan vébanda Sóknaráætlun Vestfjarða hefur nú tekið við hlutverki Menningarráðs Vestfjarða og Vaxtarsamnings Vestfjarða og veitir styrki til menningar, atvinnuþróunar og nýsköpunar. Uppbyggingarsjóður varð til með samningi ríkis og Fjórðungssambands Vestfirðinga til fimm ára sem undirritaður var 10.

Hagstofa Íslands hefur birt nýjar íbúatölur fyrir 1. janúar 2015. Heildarniðurstaðan er að skráðum íbúum á Vestfjörðum hefur fækkað um tvo á síðasta ári, en þar er þó ekki nema hálf sagan sögð. Þannig fækkar íbúum í fjórum af sveitarfélögunum, þar af um 33 í Strandabyggð, 27 í Bolungarvík, 10 í Ísafjarðarbæ og 3 í Reykhólahreppi. Á meðan fjölgar íbúum í hinum fimm, um 1 í Árneshreppi, 2 í Súðavíkurhreppi, 7 í Kaldrananeshreppi, 8 í Tálknafjarðarhreppi og 53 í Vesturbyggð þar sem íbúar eru nú orðnir 1002.

Í dag eru liðin tíu ár frá því að Háskólasetur Vestfjarða var stofnað á fundi á Ísafirði. Stofnaðilar setursins voru 42 og hófst starfsemin svo tæpu ári síðar eða í janúar 2006. Þá þegar hafði Peter Weiss forstöðumaður hafið störf en hann var ráðinn frá ágúst 2005. Meðal stofnaðila eru allir háskólar landsins, rannsóknarstofnanir sem tengjast Vestfjörðum eða hafa útibú hér, stofnanir í Vestrahúsinu, svetarfélög á Vestfjörðum og fyrirtæki og stofnanir sem sinna rannsóknum, fræðslu og þróun í víðum skilningi. Fjórðungssamband Vestfirðinga óskar Háskólasetrinu hjartanlega til hamingju með stofnafmælið.

Í dag var skrifað undir samninga um sóknaráætlanir landshluta fyrir tímabilið 2015-2019. Fyrir hönd ríkisins skrifuðu undir sjávarútvegs- og landbúnaðarráðherra, Sigurður Ingi Jóhannsson, og mennta- og menningarmálaráðherra, Illugi Gunnarsson, en fyrir hönd landshlutana átta, formenn eða framkvæmdastjórar þeirra. Friðbjörg Matthíasdóttir, formaður stjórnar Fjórðungssambands Vestfirðinga, staðfesti samninginn fyrir hönd sambandsins. 

Elías Guðmundsson ferðaþjónn á Suðureyri kemur með áhugaverða spurningu í opnu bréfi á bb.is þar sem hann varpar fram spurningunni „Inspired by Westfjords – hvert er verið að fara?“.  Það er okkur bæði ljúft og skylt að koma með innlegg í þá umræðu út frá sjónarhóli Markaðsstofu Vestfjarða og ráðgjafaráðs hennar. 

Nú stendur yfir vinna að stefnumótun fyrir Sóknaráætlun Vestfjarða árin 2015-2019, í samræmi við fyrirhugaðan samning milli ríkis og sveitarfélaganna um þetta efni. Búið er að halda tvo fundi, á Patreksfirði og Ísafirði, og framundan er fundur á Hólmavík sem fresta þurfti í síðustu viku. Fundurinn á Hólmavík verður haldinn miðvikudaginn 21. janúar kl. 15:00 í Félagsheimilinu á Hólmavík. Um er að ræða opinn fund sem öllum er heimilt að mæta á og taka þátt í vinnunni. Uppkast að Sóknaráætluninni verður svo birt á vefnum í framhaldinu og þá verður einnig hægt að gera athugasemdir og koma með tillögur. Fundurinn stendur að hámarki í þrjá tíma og kaffi verður á boðstólum í hléi.