Fréttir

Morgunverðarfundur um grænan ríkisrekstur verður haldinn miðvikudaginn 26. nóvember kl. 8:45-10:15 á Grand hótel í Reykjavík. Þar deila fyrirlesarar reynslusögum sínum varðandi græn innkaup og grænan rekstur. Fellur þessi fyrirlestur vel að Umhverfisvottunarverkefninu sem sveitarfélögin á Vestfjörðum eru að vinna að. Þátttökugjald kr. 4900,- morgunverður innifalinn. Skráning á morgunverðarfundinn  

Markaðsstofa Vestfjarða var í síðustu viku á ferðakaupstefnunni World Travel Market í London. World Travel Market er meðal stærstu ferðakaupstefnum í heimi og koma þar saman ferðaþjónar allstaðar af úr heiminum til að kynna vöru og þjónustu sína. 

Samband íslenskra sveitarfélaga og Fjórðungssamband Vestfirðinga standa að námskeiði fyrir kjörna fulltrúa í sveitarstjórn sem ber yfirskriftina " Það sem þú þarft að vita sem kjörinn fulltrúi í sveitarstjórn - hvort sem þú ert nýr eða gamall". 

Fjórðungsþing Vestfirðinga var nú haldið í fyrsta sinn í á Þingeyri dagana 3.-4.október. Sveitarstjórnarmenn á Vestfjörðum fjölmenntu á þingið og fóru þingstörfin vel og skipulega fram þrátt fyrir nokkra röskun vegna veðurs á fyrri þingdegi.

Á 59. Fjórðungsþingi Vestfirðinga á Þingeyri var kosið í stjórn og nefndir samtakanna. Kjörnefnd sem skipuð var á þinginu gerði tillögur um stjórnar- og nefndarmenn og voru allar tillögur kjörnefndar samþykktar samhljóða. Í kjörnefnd sátu Arna Lára Jónsdóttir Ísafjarðarbæ, Jón Gísli Jónsson Strandabyggð, Margrét Jómundsdóttir Bolungarvíkurkaupstað, Magnús Jónsson Vesturbyggð og Martha Kristín Pálmadóttir Ísafjarðarbæ.

Ný stjórn Fjórðungsambands Vestfirðinga var kjörin á fjórðungsþingi á Þingeyri í morgun.Formaður stjórnar er Friðbjörg Matthíasdóttir í Vesturbyggð, en aðrir stjórnarmenn eru Daníel Jakobsson Ísafjarðarbæ, Ingibjörg Emilsdóttir Strandabyggð, Sigurður Jón Hreinsson Ísafjarðarbæ og Baldur Smári Einarsson í Bolungarvíkurkaupstað.

59.Fjórðungsþing Vestfirðinga verður haldið í félagsheimilinu á Þingeyri dagana 3.-4.október og koma þar saman sveitarstjórnarmenn af öllum Vestfjörðum til skrafs og ráðgerða.

Fundur var haldinn í Báta- og hlunnindasýningunni á Reykhólum í gær þar sem þingmenn Norðvesturkjördæmis hittu sveitarstjórnarmenn af Vestfjörðum í kjördæmaviku. Þar var rætt um ýmis mál og viðfangsefni sem helst brenna á íbúum Vestfjarða og snýr að ríkisvaldinu að leysa. Þung áhersla var lögð á úrbætur í fjarskiptamálum í dreifbýli og hringtengingu ljósleiðara um Vestfirði, auk tengingar þeirra þéttbýlisstaða við ljósleiðarakerfið sem ekki njóta þeirra sjálfsögðu lífsgæða í dag.

Nú stendur yfir kjördæmavika á alþingi og þingmenn ferðast þá gjarnan um kjördæmin og hitta kjósendur.Í dag er fundur í Báta- og hlunnindasýningunni á Reykhólum þar sem þingmenn Norðvesturkjördæmis hitta sveitarstjórnarmenn á Vestfjörðum og fara yfir baráttumál sveitarfélagana.

Á fundi stjórnar Fjórðungssambands Vestfirðinga í Þróunarsetrinu Skor á Patreksfirði þann 20. september var rætt um vegagerð í Gufudalssveit og tekið til umræðu erindi Skipulagsstofnunar frá 9. september: „Ákvörðun um tillögu að matsáætlun Vestfjarðavegar 60 milli Bjarkalundar og Melaness.“ Skipulagsstofnun var þar að svara erindi Vegagerðarinnar frá 4. júlí um tillögu að matsáætlun fyrir Vestfjarðarveg með nýrri útfærslu veglína. Í svari Skipulagsstofnunar kemur fram að stofnunin fellst ekki á tillögu Vegagerðarinnar, en setur jafnframt fram leiðbeiningar um málsmeðferð. Vegagerðin ákvað síðan þann 18. september að kæra niðurstöðu Skipulagsstofnunar til Úrskurðarnefndar umhverfis- og auðlindamála.