Dagskrá Púkans hefur tekið á sig nokkuð skýra mynd og þessa dagana eru að detta inn viðburðir á verkefnasíðu hátíðarinnar. Á hátíðinni mun leikkonan Birgitta Birgisdóttir heimsækja krakka á miðstigi í grunnskólum á Vestfjörðum og vinna með þeim í valdeflandi leiklistarsmiðjum. Hátíðin sem áður er í góðu samstarfi við List fyrir alla og munu hinir hæfileikaríku Frach bræður fara víða með tónleikadagskrána Árstíðir. Búið er að úthluta styrkjum til spennandi viðburða sem verða á hátíðinni

Eyjólfur Ármannsson, samgöngu- og sveitarstjórnarráðherra, hefur úthlutað styrkjum að upphæð 140 milljónum kr. til þrettán fjölbreyttra verkefna til að efla byggðir landsins. Framlag til styrkjanna kemur af byggðaáætlun (aðgerð C.1 – Sértæk verkefni sóknaráætlanasvæða). Að þessu sinni komu þrjú verkefni til Vestfjarða.

Auglýst er eftir umsóknum um styrki úr styrktarsjóði Hafna Ísafjarðarbæjar fyrir árið 2025. Markmið með sjóðum er að styrkja og bæta bæjarbraginn og eru í ár 8 milljónir til úthlutunar. Sjóðurinn er að þessu sinni þrískiptur þar sem styrkja skal viðburðahald, samfélags- eða fegrunarverkefni sem efla samfélagið í Ísafjarðarbæ. Sjóðnum var komið á laggirnar í fyrrasumar og þá var aðeins viðburðahald styrkt, en nú er búið að útvíkka reglur sjóðsins og auka úthlutunarfé.

Mánudaginn 17. mars verður vinnufundur hjá Sóknarhópi Vestfjarða. Fundurinn fer fram í húsakynnum Vestfjarðastofu á Ísafirði og mun Þorgerður Katrín Gunnarsdóttir, utanríkisráðherra, ávarpa fundinn og taka spjall um atvinnulíf á Vestfjörðum við fundargesti í sameiginlegum hádegisverði fyrir fundinn. Auk hennar verður María Rut Kristinsdóttir þingmaður NV kjördæmis á fundinum og tekur þátt í spjallinu. Hádegisverðurinn hefst kl.12 og inniheldur ljúffenga súpu frá Tjöruhúsinu. Vinnufundurinn hefst kl.13. Nauðsynlegt er að skrá sig.

Dagana 26. og 27. febrúar var haldin Skandinavíu-vinnustofa ferðarisans Kuoni Tumlare í Osaka og Tókýó. Markmið vinnustofunnar var að tengja saman ferðaskipuleggjendur og búa til nýjar vörur fyrir Austur-Asíu markað. Kaupendurnir voru ferðaskipuleggjendur frá Japan, Tævan og Kóreu, á meðan seljendur komu frá Norðurlöndunum og Eystrasaltsríkjunum. Alls voru um 200 kaupendur sem sóttu vinnustofuna til að kynna sér vöruframboðið, og þar af átti ég fund með 20 áhugasömum ferðaskipuleggjendum. Fundirnir gengu vonum framar og nú þegar þessi orð eru skrifuð veit ég af fimm ferðum sem eru á teikniborðinu og gætu komið til framkvæmda frá næsta hausti og út árið 2026.

Opnað hefur verið fyrir umsóknir um styrki úr Lóu. Umsóknarfrestur er til og með 30. mars 2025. Að þessu sinni er áhersla lögð á verkefni sem fela í sér hagnýtingu stafrænna lausna, þróun og nýtingu tæknilausna í heilbrigðismálum og verkefni sem stuðla að sjálfbærri nýtingu auðlinda eða afurða á nýskapandi hátt.

Sameiginleg fyrirlestraröð landshlutasamtakanna, Forvitnir frumkvöðlar, hélt áfram í gær og þar sagði Atli Arnarson frá notkun gervigreindar við gerð styrkumsókna. Fór hann yfir með hvaða hætti notkun gervigreindarlausna getur gagnast við umsóknaskrif í ólíka sjóði og nokkrar þær lausnir sem í boði eru.

Í gær komu góðir gestir á Vestfjarðastofu er nemendur í áfanganum hugmyndir og nýsköpun við Menntaskólann á Ísafirði komu við og fengu fræðslu um samfélagslega nýsköpun. Vestfjarðastofa er þátttakandi í NPA-verkefninu MERSE sem snýr að samfélagslegri nýsköpun í dreifðum byggðum og var kynningin liður í því að auka meðvitund unga fólksins um hvernig það getur með nýsköpunarverkefnum haft áhrif á samfélagið sitt til góðs.

Fréttabréf Vestfjarðastofu fyrir febrúarmánuð er komið út. Í fréttabréfinu má lesa um Brothættar byggðir í Reykhólahreppi, þátttöku Vestfjarðastofu í nýju Evrópuverkefni sem hefur yfirskriftina BOKOD, möguleika í þörungarækt, heimsókn Markaðsstofu Vestfjarða til Japan, undirbúning Sóknarhóps Vestfjarða að Gullkistunni Vestfirðir og tækifæri til vaxtar og áhrifa innan sjálfbærrar ferðaþjónustu, svo eitthvað sé nefnt. Einnig er fjallað um styrki barnamenningarhátíðarinnar Púkans sem hefst í lok mánaðar og undirbúningsvinnu fyrir næstu hátíð sem er þegar hafin. Að vanda er erindi frá framkvæmdastjóra og sitthvað fleira.

Fimmtudaginn 20. febrúar var haldinn íbúafundur vegna verkefnisloka Sterkra Stranda út frá þátttöku þess í Brothættum byggðum. Verkefnið hófst í júní 2020 eftir nokkrar tafir vegna heimsfaraldurs og hefur staðið í á fimmta ár. Aðalsteinn Óskarsson fulltrúi Fjórðungssambands Vestfirðinga í verkefnisstjórn stýrði fundinum.