Eimskip á Patreksfirði leitar að ábyrgum meiraprófsbílstjóra með aukin ökuréttindi til að sinna vörudreifingu á sunnanverðum Vestfjörðum. Umsóknarfrestur er til 11.maí 2025.

Frumherji auglýsir lausa stöðu stöðvarstjóra bifreiðaskoðunar á Ísafirði. Umsóknarfrestur er til 22.maí 2025.

Skammtímavistun auglýsir eftir starfsmanni í tímavinnu. Vinnutími er um helgar eða eftir samkomulagi. Æskilegast er að viðkomandi geti hafið störf sem fyrst. Næsti yfirmaður er forstöðumaður Hvestu og skammtímavistunar. Umsóknarfrestur er til 13.maí 2025.

Laus er til umsóknar staða fulltrúa í umboði Tryggingastofnunar ríkisins (TR) og Sjúkratrygginga Íslands (SÍ) á skrifstofu embættisins á Ísafirði. Umsóknarfrestur er til 16.maí 2025.

Fréttabréf Vestfjarðastofu fyrir aprílmánuð er komið út.

Fjögur spennandi verkefni á Vestfjörðum hljóta styrk úr Framkvæmdasjóði ferðamannastaða 2025 Atvinnuvegaráðherra, Hanna Katrín Friðriksson, úthlutaði nýverið úr Framkvæmdasjóði ferðamannastaða fyrir árið 2025. Alls hlutu 28 verkefni styrk að heildarupphæð 553,2 milljónir króna, þar af fjögur á Vestfjörðum.

Næsti fyrirlestur í fyrirlestraröð landshlutasamtakanna Forvitnir frumkvöðlar fer fram í hádeginu 6.maí á netinu. Fyrirlestur mánaðirns ber yfirskriftina Viðskiptaáætlun á mannamáli. Farið verður yfir gerð viðskiptaáætlana og ræðum við um hvað skiptir máli og hvernig viðskiptaáætlun getur sagt sögu verkefnisins. Fyrirlesturinn hentar bæði þeim sem eru að stíga sin fyrstu skref og þeim sem vilja skerpa framsetningu sína. Farið verður yfir hvernig hægt er að nýta sér hin ýmsu tæki og tól til að hjálpa sér við að koma sér af stað.

Dagana 12.-14. maí verður fundaröð MERSE um samfélagslega nýsköpun á þremur svæðum Vestfjarða. Verkefnastjórar MERSE, Steinunn Ása Sigurðardóttir og Anna Sigríður Ólafsdóttir fara yfir áðurnefnd hugtök og hvernig þau birtast okkur hér á Vestfjörðum. Einnig munu þær fara yfir hvað evrópska samstarfsverkefnið MERSE gengur út á, hvað er búið að eiga sér stað innan þess og hverju við höfum komist að.

Opið er fyrir tilnefningar til Nýsköpunarverðlauna hins opinbera fyrir árið 2025 og hægt senda inn tilnefningar til 6. maí. Markmiðið með verðlaununum er að veita viðurkenningu fyrir framúrskarandi árangur í opinberri nýsköpun síðastliðna 12 mánuði.

Styrktarsjóður Hafna Ísafjarðarbæjar hefur nú úthlutað styrkjum í annað sinn en úthlutunarnefnd lauk störfum fyrr í vikunni. Í ár hafði sjóðurinn yfir 8.000.000 að ráða til úthlutunar sem er þriggja milljóna króna aukning frá fyrra ári.