Vestfjarðastofa hefur gefið út skýrslu undir yfirskriftinni „Varnarinnviðir á Vestfjörðum í ljósi borgaralegra þarfa“. Höfundar hennar eru Gylfi Ólafsson, stjórnarformaður Vestfjarðastofu, Brynja Huld Óskarsdóttir, varnarmálasérfræðingur og Aðalsteinn Óskarsson, sviðstjóri byggðamála hjá Vestfjarðastofu.

KLAK – Icelandic Startups, Íslandsstofa, Tækniþróunarsjóður og Vísindagarðar HÍ halda opinn kynningarfund á Ísafirði þann 26. janúar í samstarfi við Vestfjarðastofu. Fundurinn hefst klukkan 12 og stendur til kl. 14.  Fjögur stutt og hnitmiðuð 15 mínútna erindi verða á dagskrá og síðan tími fyrir spurningar, spjall og tenglsamyndun.

Við gerðum það fyrir árið 2024 og gerum það aftur núna að hafa síðasta fréttabréf árisins með óhefðbundnu sniði. Þar er að finna pistla frá starfsfólki þar sem það lítur yfir farinn veg á árinu.  Eins og þið sem fylgist með störfum okkar vitið, þá er í nægu að snúast hjá starfsfólki Vestfjarðastofu, en við hvetjum ykkur til að líta á fréttabréfið hugrenningar þess um hið nýliðna ár. 

Lokað verður á Vestfjarðastofu frá og með þorláksmessu fram til föstudagsins 2. janúar.  Við sendum jólakveðjur og vonum að hátíðirnar verði ljúfar og kærleiksríkar. Við óskum Vestfirðingum og landsmönnum öllum gleðilegs nýs árs og þökkum kærlega góðar stundir á árinu sem er að líða. Við horfum með þakklæti um öxl og með tilhlökkun til komandi tíma.

Starf verkstjóra við þjónustustöðina á Ísafirði er laust til umsóknar. Umsóknarfrestur er til og með 12.janúar 2026.

Barnamenningarhátíðin Púkinn hefur hlotið styrk úr áætluninni Erasmus+

Menningarfulltrúar landshlutanna og Byggðastofnunar áttu fróðlegan fundardag í Reykjavík á dögunum.

Fréttabréf Vestfjarðastofu er nú komið út. Hefur það að geyma fréttir frá starfseminni í nóvembermánuði, sem var viðburðaríkur líkt og flestir mánuðir ársins. Einnig var bætt inn í það fréttum frá því sem af er desembermánaðar, þar sem næsta fréttabréf verður með óhefðbundnu sniði. Það mun fela í sér í pistla frá starfsfólki þar sem það lítur yfir farinn veg á því ágæta ári 2025.

Félags- og húsnæðismálaráðuneytið bauð til vinnustofu fimmtudaginn 4. desember síðastliðinn og tók Magnús Bjarnason þátt í henni fyrir hönd Vestfjarðastofu. Vinnustofan sem fram fór á Fosshóteli við Þórunnartún var hluti af undirbúningi ríkisins við vinnslu aðgerðarpakka ríkisstjórnarinnar í húsnæðismálum. Viðburðurinn var sóttur af aðilum sem koma að húsnæðismálum á einhverju stigi; kjörnir fulltrúar, starfsmenn opinbera stofnana, bygginga- og þjónustuaðilar. Markmiðið var að ná breiðu viðhorfi og samráði til húsnæðismála, sem svo verða nýtt við vinnslu aðgerðarpakkans.

Þann 27. nóvember hélt MERSE alþjóðlegt vefnámskeið þar sem þátttakendur frá átta löndum komu saman til að ræða hagnýtar leiðir, fjármögnun og samstarfslíkön sem styrkja þverfaglegt samstarf og efla samfélagsdrifin fyrirtæki. Fyrirlesarar frá Svíþjóð og Írlandi sýndu hvernig slík fyrirtæki geta umbreytt áskorunum í tækifæri fyrir samfélög þvert á landamæri.