Þann 11. nóvember síðastliðinn tók Vestfjarðastofa þátt í vinnustofu Nordic Energy um þróun virðiskeðja í framleiðslu lífeldsneytis. Vinnustofan var hluti af BENIGN verkefninu sem Vestfjarðastofa er þátttakandi í. Verkefnið er leitt af af dr. Sean Scully hjá líftæknideild Háskólans á Akureyri en þátttakenda er Guðfinna Lára Hávarðardóttir á Stóra Fjarðarhorni á Ströndum.

Dagana 12. og 13. nóvember komu fulltrúar allra markaðsstofa landshlutanna saman á árvissum fundi sem fór að þessu sinni fram í Bjarnarfirði á Ströndum. Markmið haustfundanna er að efla samstarf og horfa sameiginlega til þróunar ferðamála á landsvísu, en í hvert sinn eru síðan sértæk viðfangsefni út frá þeim áskorunum sem tíðarandinn býður upp á. Jafnframt er tækifærið nýtt til vettvangsheimsókna. Vel var mætt á fundinn en í honum tóku þátt 19 gestir frá markaðsstofunum allsstaðar af landinu, auk fulltrúa frá Ferðamálastofu.

Þann 27. nóvember fer fram næsta vefnámskeið MERSE verkefnisins undir yfirskriftinni Stuðningur við samfélagsfyrirtæki í gegnum sjálfbæra þróun. Samfélagsfyrirtæki gegna víða stóru hlutverki í að skapa sanngjörn og aðgengileg atvinnutækifæri. Í þessu vefnámskeiði koma sérfræðingar, sveitarfélög og svæðisbundin stjórnvöld saman til að deila hagnýtum aðferðum, veita innsýn í fjármögnun og samstarfslíkönum sem styðja þverfaglega samvinnu. Taktu þátt til að fræðast, tengjast og leggja þitt af mörkum við að móta efnahagslíf sem felur í sér inngildingu á breiðari grundvelli.

Fjölmargir áhugasamir íbúar Kaldrananeshrepps mættu á íbúafund sem haldinn var þriðjudaginn 11. nóvember sl. í samkomuhúsinu Baldri á Drangsnesi. Tilgangur fundarins var að fylgja eftir hugmyndum íbúa um eflingu samfélagsins sem spruttu fram á tveggja daga íbúaþingi sem haldið var í byrjun októbermánaðar. Verkefnisstjórn hefur síðan þá unnið að gerð verkefnisáætlunar, sem byggir á skilaboðum íbúa frá íbúaþinginu.

Penninn Eymundsson á Ísafirði óskar eftir jákvæðum og röskum starfsmanni í fullt starf í ritfangadeild. Vinnutími 9 til 17 virka daga yfir vetrartímann. Helgarvinna bætist við yfir sumartímann. Umsóknarfrestur er til og með 26.nóvember 2025.

Við erum að leita að stuðningsfulltrúa með 5 ára börnum í 100% starf sem getur hafið störf sem fyrst, en í síðasta lagi í byrjun janúar. Umsóknarfrestur er til og með 3.desember 2025.

Við erum að leita að leikskólakennara eða leiðbeinanda í 100% starf sem getur hafið störf sem fyrst, en í síðasta lagi í byrjun janúar. Umsóknarfrestur er til og með 3.desember 2025.

Laust er til umsóknar starf frístundaleiðbeinanda í dægradvöl á Ísafirði. Starfið er tímabundið til 6. júní 2026 og er æskilegast að viðkomandi geti hafið störf 6. janúar 2026 eða eftir nánara samkomulagi. Umsóknarfrestur er til og með með 26.nóvember 2025.

Við leitum að starfsmanni á vaktstöðina á Ísafirði, sem er hluti af deildinni Vöktun og upplýsingar á þjónustusviði Vegagerðarinnar. Umsóknarfrestur er til og með 20.nóvember 2025.

Heilbrigðisstofnun Vestfjarða auglýsir eftir sálfræðingi í geðheilsuteymi stofnunarinnar. Umsóknarfrestur er til og með 24.nóvember 2025.