Deildarstjóri fæðingadeildar á Ísafirði
Heilbrigðisstofnun Vestfjarða óskar að ráða deildarstjóra á fæðingadeild til afleysinga í eitt ár frá 1. september 2021 með möguleika á áframhaldandi starfi. Deildarstjóri ber mönnunarlega, rekstrarlega og faglega ábyrgð á deildinni ásamt daglegum ljósmóðurstörfum og bakvöktum.
Heilbrigðisstofnun Vestfjarða er metnaðarfullur vinnustaður þar sem um 250 manns starfa á sjúkra-, heilsugæslu- og hjúkrunarsviði. Á stofnuninni er unnið markvisst að góðum starfsanda og lögð er áhersla á traust og jákvæðni í samskiptum.
Helstu verkefni og ábyrgð
Störf ljósmóður felast meðal annars í fæðingarhjálp, umönnun sængurkvenna og nýbura á sjúkrahúsi og í heimahúsum ásamt mæðravernd á heilsugæslustöð.
- Deildarstjóri ásamt starfandi ljósmóður við deildina skipta á milli sín daglegum verkum og bakvöktum utan dagvinnu.
- Ber ábyrgð á skipulagi fæðingardeildarinnar í samvinnu við yfirmenn og samstarfsfólk.
- Sér um starfsmannahald, mannaráðningar og daglegan rekstur.
- Ber ábyrgð á gerð vaktaskráa og frágangi á vinnuskýrslum til launadeildar.
Hæfniskröfur
- Íslenskt hjúkrunar- og ljósmóðurleyfi
- Framhalds- eða sérmenntun sem nýtist í starfi er kostur
- Starfsreynsla af fæðingadeild er skilyrði
- Frumkvæði og sjálfstæði í starfi
- Jákvæðni og góð hæfni í mannlegum samskiptum
- Almenn ökuréttindi
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.
Boðið er upp á góða aðlögun í upphafi starfs og aðstoð við öflun íbúðarhúsnæðis.
Utan vinnu eru lífsgæðin mikil. Tækifærin til útivistar eru allt um kring, enginn tími fer í ferðalög til og frá vinnu. Börnin eru eins og blóm í eggi í leikskóla, grunnskóla, tónlistarskóla, íþróttastarfi, menntaskóla og jafnvel lýðskóla eða háskóla.
Fullt af spennandi atvinnutækifærum fyrir maka og margvísleg starfsemi sem krefst háskólamenntunar á svæðinu, sjá til dæmis laus störf á vef Ísafjarðarbæjar.
Með umsókn skal fylgja ítarleg náms- og starfsferilskrá ásamt fylgibréfi þar sem gert er grein fyrir hæfni og áhuga á starfinu ásamt afriti af prófskírteinum og starfsleyfi. Leggja skal fram staðfestar upplýsingar um menntun, fyrri störf og reynslu. Ákvörðun um ráðningu í starfið byggist á viðtölum við umsækjendur og innsendum gögnum.
Tekið er mið af jafnréttisstefnu stofnunarinnar við ráðningu. Öllum umsóknum verður svarað þegar tekin hefur verið ákvörðun um ráðningu.
Starfshlutfall er 70-90%
Umsóknarfrestur er til og með 16.08.2021
Nánari upplýsingar veitir
Hildur Elísabet Pétursdóttir - hildurep@hvest.is - 695 2222
Hægt er að sækja um hér