Fréttir

Fjórðungssamband Vestfirðinga og Westfjords Adventures ehf hafa samið um akstur á leiðinni Patreksfjörður–Brjánslækur–Patreksfjörður og Patreksfjörður–Ísafjörður í samræmi við ferðir ferjunnar Baldurs. Ekið verður þrisvar í viku; mánudaga, miðvikudaga og föstudaga. Akstur byrjaði 1. júní  og verður ekið allt sumarið til 31. ágúst 2016.

Fjórðungssamband Vestfirðinga og Hópferðamiðstöð Vestfjarða ehf hafa samið um akstur á sérleyfinu Ísafjörður-Hólmavík-Ísafjörður.Ekið verður þrisvar í viku; miðvikudaga, föstudaga og sunnudaga. Akstur byrjaði 13 maí  og verður ekið allt sumarið til 18. september 2016.  

Stjórn Fjórðungssambands Vestfirðinga samþykkti ályktun á fundi sínum þann 2. júní 2016 varðandi ákvörðun ríkisstjórnar um aðgerðaráætlun fyrir Vestfirði. Ályktunin er sem hér segir, 

Ríksstjórnin hefur samþykkt í dag 31. maí, tillögu forsætisráðherra um skipan nefndar undir forystu forsætisráðuneytis sem vinni að aðgerðaráætlun fyrir Vestfirði, nefndin á að skila tillögum sinum fyrir 31. ágúst n.k.. Nefndin skal vinna í nánu samstarfi við önnur ráðuneyti og stýrihóp stjórnarráðsins um byggðamál.

Verkefnið „Plastpokalausir Vestfirðir“ stendur fyrir hönnunarsamkeppni fyrir alla íbúa Vestfjarða. Markmiðið er að fá fólk til að huga að hráefni á heimaslóðum sem annars færi í rusl eða flokkun en gæti nýst í gerð fjölnota innkaupapoka. Samkeppnin er opin fyrir alla en keppt er í tveimur flokkum, fullorðnir og svo yngri en 16 ára. Þetta er gert til að hvetja nemendur á grunnskólaaldri til að taka þátt í keppninni og vonumst við til að kennarar og skólafólk á Vestfjörðum geti nýtt sér þetta í skólastarfi. Veitt verða peninga verðlaun fyrir bestu hugmyndirnar í hvorum flokki fyrir sig.

Fjórðungssamband Vestfirðinga stendur fyrir kynningarfundi fyrir verkefnið Umhverfisvottaðir Vestfirðir sem sveitarfélögin á Vestfjörðum hafa verið að vinna að síðastliðin ár. Einnig er verið að vinna að hliðarverkefni sem kallast Plastpokalausir Vestfirðir og verður það líka kynnt.

Ný stjórn var kjörin hjá Fjórðungssambandi Vestfirðinga á fjórðungsþingi á Ísafirði í dag.Nýr formaður Fjórðungssambands Vestfirðinga er Pétur Markan Súðavíkurhreppi, en með honum í stjórn eru Ingibjörg Emilsdóttir Strandabyggð, Sigurður Hreinsson Ísafjarðarbæ, Margrét Jómundsdóttir Bolungarvík og Ása Dóra Finnbogadóttir í Vesturbyggð.

Miðvikudaginn 4. maí 2016 er  61. Fjórðungsþing Vestfirðinga haldið í Edinborgarsalnum á Ísafirði og að venju fjölmenna sveitarstjórnarmenn af öllum Vestfjörðum á það. Fært er um alla Vestfirði, þrátt fyrir lítilsháttar hret síðustu daga. Þingið verður með breyttu sniði þetta árið, í samræmi við nýjar samþykktir, en í framtíðinni verður ársfundur á vorin og síðan haustþing um einhver tiltekin málefni sem ákveðin eru á vorþinginu. Á þinginu á Ísafirði verða afgreiddir ársreikningar og árskýrslur og lögð fram endurskoðuð fjárhagsáætlun fyrir yfirstandandi ár. Kosið verður í stjórnir og nefndir, en kjörtímabil er tvö ár hjá Fjórðungssambandinu.

Miðvikudaginn 4. maí 2016 verður  61. Fjórðungsþing Vestfirðinga haldið í Edinborgarsalnum á Ísafirði. Þingið verður með breyttu sniði þetta árið samkvæmt samþykktum frá 60. Fjórðungsþingi sem haldið var á Patreksfirði 2. og 3. október 2015. Á þinginu verða afgreiddir reikningar og ársskýrslur og lögð verður fram endurskoðuð fjárhagsáætlun fyrir yfirstandandi ár.

Úthlutunarnefnd Uppbyggingarsjóðs Vestfjarða hefur lokið við að fara yfir umsóknir um styrki vegna ársins 2016 og stjórn Fjórðungssambands Vestfirðinga hefur staðfest tillögu nefndarinnar um úthlutun. Samtals voru rúmar 65 milljónir til úthlutunar til margvíslegra verkefna og uppbyggingar á Vestfjörðum. Mörg verkefni sem fá framlög eru sérstaklega áhugaverð og umsóknir voru fjölbreyttar. Fjórðungssamband Vestfirðinga óskar styrkhöfum til hamingju með framlögin og umsækjendum öllum góðs gengis við vinnu að sínum verkefnum. Fjármagn Uppbyggingarsjóðs Vestfjarða er hluti af samningi Fjórðungssambands Vestfirðinga við stjórnvöld um framkvæmd Sóknaráætlunar Vestfjarða 2015-2019.