Fréttir

Þann 27. maí nk. verður 65. Fjórðungsþing Vestfirðinga og ársfundur Vestfjarðastofu haldin. Vegna þeirra aðstæðna sem hafa verið uppi í þjóðfélaginu vegna Covid19 verður þingið haldið í fjarfundi í fyrsta sinn í sjötíu ára sögu Fjórðungssambands Vestfirðinga. Boðað hefur verið til þingsins og eru gögn fundarins komin á vefinn.

Stjórn Vestfjarðastofu afgreiddi á fundi sínum þann 12. maí 2020 tillögu að átaksverkefnum vegna Covid 19. Vegna þeirra aðstæðna sem skapast hafa vegna Covid 19 samþykkti Alþingi 200 milljóna króna aukafjárveitingu til Sóknaráætlana landshlutanna þann 30. mars 2020. Af þeim fjármunum koma 25,2 milljónir í hlut Vestfjarða. Skilyrt var að fjármunum skuli varið í verkefni sem eru atvinnuskapandi og/eða stuðli að nýsköpun. Hver landshluti skal leggja áherslu á þær atvinnugreinar sem orðið hafa fyrir hvað mestum neikvæðum afleiðingum Covid-19 faraldursins á hverju svæði“.

Vestfjarðastofa stendur fyrir örkönnun varðandi atvinnuþáttöku ungs fólks og námsmanna á Vestfjörðum. Eins og nafnið gefur til kynna er könnunin stutt og tekur aðeins örfáar mínútur að svara.

Sigurður Líndal Þórisson hefur verið ráðin verkefnastjóri Vestfjarðastofu á Hólmavík.

Aukið fjármagn hefur verið sett til verkefnisins Ísland ljóstengt, umsóknarfrestur fyrir sveitarfélög er til 1. júní n.k.

Vinna að gerð Strandsvæðaskipulags á Vestfjörðum er hafin, kynningarfundur verður á Facebook síðu Skipulagsstofunar þann 12. maí n.k. kl 15.00, en opnir fundir verða síðar í haust.

Hafsjór af hugmyndum er enn í fullum gangi því umsóknarfrestinum í nýsköpunarkeppninni var frestað til 15. júní 2020

Nú eru mörg átaksverkefni að kalla eftir umsóknum. Hér eru nokkrir hlekkir á sjóði sem eru opnir til umsóknar.

Auglýst er eftir umsóknum úr Frumkvæðissjóði fyrir verkefnastyrki til nýsköpunar- og samfélagsverkefna á Þingeyri og við Dýrafjörð, sem verkefnisstjórn veitir úr í umboði Byggðastofnunar.

Rafrænn kynningarfundur á verkefninu Brothættar byggðir í Strandabyggð verður haldinn miðvikudaginn 29. apríl kl. 15:00. Á fundinum verður verkefnið Brothættar byggðir í Strandabyggð kynnt og einnig söfnun hugmynda um Öndvegisverkefni fyrir fjárfestingarátak í Brothættum byggðum.