Fréttir

Í síðustu viku var 40 milljónum króna úr Öndvegissjóði Brothættra byggða úthlutað til sex verkefna í Brothættum byggðum. Fjórtán umsóknir bárust um styrki frá þeim sjö svæðum sem nú taka þátt í Brothættum byggðum, styrkbeiðnir námu kr. 162,5 milljónum og hlutu sex verkefni styrk.

Vestfjarðastofa vinnur nú að matarverkefni og byggir verkefnið m.a. á vaxandi áhuga fólks á því að vita um uppruna matvæla og að kynnast staðbundnum mat og matarvenjum. Búið er að setja saman könnun sem okkur þætti vænt um að þú gæfir þér tíma til að svara. Könnunin er á þremur tungumálum, íslensku, ensku og pólsku.

Mat á orkuþörf sviðsmyndar um þróun atvinnu- og mannlífs á Vestfjörðum á árinu 2035 gefur til kynna að spár um orkuþörf á Vestfjörðum eru verulega vanáætlaðar.

Í júní 2020 var haldið íbúaþing þar sem íbúar voru kallaðir saman í tveggja daga vinnubúðir. Þinginu var stýrt af Sigurborgu Kr. Hannesdóttur hjá ráðgjafafyrirtækinu Ildi. Í framhaldinu vann verkefnisstjórn stöðugreiningu á svæðinu þar sem tekið var tillit til íbúaþróunar, atvinnuþátta og -þróunar, auk sérstöðu landshlutans. Niðurstöður íbúaþings, fyrrnefnd stöðugreining og aðrar skýrslur sem lágu fyrir um svæðið voru notaðar til að móta framtíðarsýn og markmið sem lögð verða fyrir íbúa til samþykktar.

Vestfjarðastofa býður framleiðendum að taka þátt í verkefni sem hefur það að markmiði að bæta markaðsstöðu og auka sýnileika vestfirskra matvæla

Jón Jónsson þjóðfræðingur á Kirkjubóli hlaut menningarverðlaun Strandabyggðar við upphaf Hamingjudaga á Hólmavík. Kristín Einarsdóttir í Hveravík hlaut hvatningarverðlaun.

Verkefnið Áfram Árneshreppur! hefur úthlutað styrkjum til 13 verkefna sem eiga að verða að raunveruleika í sumar og næsta vetur. Mörg spennandi verkefni fengu brautargengi og eiga eftir að auðga mannlífið og samfélagið í þessu fámennasta sveitarfélagi landsins.

Nú er farið í loftið auglýsingaátak með slagorðinu „Keyrðu kjálkann í sumar“.

Íbúaþingið verkefnisins Sterkar strandir var haldið á Hólmavík 12. og 13. júní sl. Þar mættu liðlega 60 manns og réðu þátttakendur því hvað um var rætt og forgangsröðuðu málefnum eftir mikilvægi. Þetta voru skilaboð íbúaþingsins; Tækifæri Strandabyggðar til framtíðar, felast í sterkri náttúru, magnaðri þjóðtrú og „kyrrðarkrafti“, sem gestir og íbúar geta notið. Sækja þarf fram með sameiginlegri markaðssetningu, ímyndarsköpun og vöruþróun.

Auglýst var eftir styrkumsóknum 29. apríl 2020 úr Frumkvæðissjóð sem verkefnisstjórn Allra vatna til Dýrafjarðar veitir úr í umboði Byggðastofnunar fyrir verkefnastyrki til nýsköpunar- og samfélagsverkefna á Þingeyri og við Dýrafjörð.