Fréttir

Vestfjarðastofa leitaði eftir tilboðum hjá nokkrum verkfræðiskrifstofum til að vinna skýrslu vegna áhersluverkefnisins frá árinu 2019 "Smávirkjanir á Vestfjörðum" Verkís var fengin til verksins og er hægt að nýta niðurstöður skýrslunnar til að greina hvort að þörf sé á að stofna smávirkjanasjóð á Vestfjörðum sem hefði það að markmiði að styðja við fyrstu skref í rannsóknum og auka möguleika lítilla virkjanna á svæðinu.

Rækjuverksmiðjan Kampi á Ísafirði var stofnuð árið 2007 en áður höfðu verið rækjuvinnslur í húsnæðinu í áratugi. Fyrirtækið vinnur helming allrar rækju sem veidd er á Íslandsmiðum en í heildina er unninn þriðjungur af allri rækju sem unnin er á Íslandi.

Sveitarfélögin á Vestfjörðum hlutu umhverfisvottun í frá vottunarsamtökunum EarthCheck í þriðja skiptið. Eruð þau því með vottun fyrir starfsárið 2019. Ófærð og veður gerði það að verkum að vottunaraðili átti erfitt með að komast Vestur en allt hófst það að lokum og er skýrsla vottunaraðila og Benchmarkingskýrsla staðfest.

Hraðfrystihúsið Gunnvör er stærsta útgerðarfélagið á Vestfjörðum og er með vinnslu í Hnífsdal og í Súðavík. Fyrirtækið hefur ávalt verið í fararbroddi í meðferð afla um borð í skipum sínum og verið frumkvöðull á því sviði.

Fiskvinnslan Jakob Valgeir í Bolungavík hefur sérhæft sig í vinnslu á léttsöltuðum flökum sem er vinsæll matur í suður Evrópu. Fyrirtækið hefur vaxið mikið síðastliðin ár og þar starfa 120 manns en þaðan er líka gerður út skuttogarann Sirrý ÍS-3.

Fiskvinnslan Íslandssaga var stofnuð árið 1999 á Suðureyri við Súgandafjörð. Opnun Vestfjarðaganga árið 1996 skapaði ný sóknarfæri fyrir þorpið sem var skyndilega komið í alfaraleið.

Fiskvinnslan Drangur er staðsett í litlu heillandi þorpi á Ströndum sem er best þekkt fyrir heitu pottana sem eru í fjöruborðinu. Á Drangsnesi leggjast allir á eitt til að hlutirnir gangi upp, fólkið í þorpinu og sveitarfélagið.

Það er oft samasemmerki milli samdráttar og þess að góðar hugmyndir kvikni. Klofningur á Suðureyri er gott dæmi um slíkt fyrirtæki. Fyrir tveimur áratugum þegar ekkert verð fékkst fyrir hausa og bein kom upp sú hugmynd að nýta jarðvarmann í Súgandafirði til að þurrka þessari afurðir.

Margir eru nú í óvissu með framtíð síns rekstrar. Á vegum stjórnvalda hafa verið kynnt ýmis úrræði en enn er óvíst um framkvæmd þeirra og hvað þau í raun þýða fyrir fyrirtæki og einstaklinga. Við fylgjumst með framvindunni og miðlum upplýsingum til fyrirtækja í landshlutanum. Við höfum síðustu daga hringt út til fyrirtækja og sveitarfélaga til að kanna stöðuna. Við heyrum á þeim sem við tölum við að óvissan tekur í og margir eru skiljanlega áhyggjufullir um framhaldið.

Vestfjarðastofa hefur safnað saman upplýsingum um þau úrræði og aðgerðir sem kynnt hafa verið af hálfu ríkisins vegna þeirra efnahagsáhrifa sem Covid-19 heimsfaraldurinn hefur. Við munum uppfæra reglulega upplýsingarnar eftir því sem bætist við. Vinsamlega sendið ábendingar um úrræði sem vantar á listann á sirry@vestfirdir.is