Fréttir

Vörumessa Menntaskólans á Ísafirði var haldin á Vestfjarðastofu fimmtudaginn 3. apríl. Á vörumessunni kynna nemendur í áfanganum Hugmyndir og nýsköpun vörur sem þau hafa hannað, þróað og skapað í föstu formi fyrir gestum og gangandi. Mikið líf og fjör á Vestfjarðastofu þennan dag, því fjölmargir lögðu leið sína á Vörumessuna til að sjá nýsköpunarvarning ungmennanna. Unnið var að vöruþróuninni í hópum og voru 11 nýjar vörur kynntar. Vörurnar voru afar fjölbreyttar og margt spennandi að sjá hjá frumkvöðlunum, sem sumir hverjir höfðu leitað samstarfs við starfandi fyrirtæki á svæðinu með góðum árangri.

Nýtt verklag við kosningu í stjórn Sóknarhóps og Vestfjarðastofu Sóknarhópur Vestfjarðastofu er samstarfsvettvangur fyrirtækja á Vestfjörðum. Sóknarhópi er skipt í tvennt, ferðaþjónustu og menningarhóp, og atvinnu- og byggðaþróunarhóp. Fjórir af fimm stjórnarmönnum Sóknarhóps sitja í stjórn Vestfjarðastofu sem fulltrúar atvinnulífs og menningar og er formaður Sóknarhóps varaformaður Vestfjarðastofu.

Fjórðungsþing Vestfirðinga að vori var haldið í Edinborgarhúsinu á Ísafirði miðvikudaginn 2. apríl. Ágæt mæting var á þingið, sem var eins og jafnan er um Fjórðungsþing að vori, að meginhluta til ársfundur Fjórðungssambands Vestfirðinga. Á ársfundinum var farið yfir skýrslu stjórnar, ársreikning nýliðins árs og endurskoðaða fjárhagsáætlun líðandi árs.

Þann 1. apríl 2025 var haldinn samráðsfundur í stjórnsýsluhúsinu á Ísafirði þar sem öryggismál í Friðlandi Hornstranda voru rædd. Fundurinn var skipulagður af Kristínu Ósk Jónasdóttur hjá Náttúruverndarstofu. Að fundinum komu fjölmargir hagaðilar sem tengjast svæðinu með beinum eða óbeinum hætti. Mættir voru fulltrúar frá landeigendum, ferðaþjónustufyrirtækjum, björgunarsveitum, lögreglu, slökkviliði, Landhelgisgæslu og fleiri stofnunum. Fulltrúar Markaðsstofu Vestfjarða sátu einnig fundinn, sem og fulltrúar frá Ferðafélagi Íslands og Umhverfisstofnun í gegnum fjarfund.

Í ályktun 70. Fjórðungsþings að vori eru stjórnvöld hvött til að endurskoða áform um þrennu sértækra skatta sem boðaðir eru í fjármálaáætlun ríkisins.

Í apríl mun Markaðsstofa Vestfjarða halda vinnustofur fyrir aðila hennar sem hafa áhuga á að þróa vetrarferðaþjónustu á Vestfjörðum og Vestfjarðaleiðinni. Þar verður unnið að mótun hentugra ferðapakka sem hægt er að selja til erlendra ferðaskrifstofa. Við munum greina helstu áskoranir, leita lausna og styrkja samstarf ferðaþjóna með það að markmiði að byggja upp spennandi ferðir sem hægt er að markaðssetja erlendis.

Vörumessa Menntaskólans á Ísafirði verður haldin á morgun 3. apríl kl. 13:30 – 17:00 í húsakynnum Vestfjarðastofu á Ísafirði. Vörumessan er kynning á verkefnum nemenda sem þau hafa unnið í áfanganum Hugmyndir og nýsköpun og er hún vettvangur fyrir unga frumkvöðla, fyrirtæki og samfélagið að þróa nýjar hugmyndir og lausnir á Vestfjörðum. Vörumessan er styrkt af Uppbyggingasjóði Vestfjarða og eru öll velkomin.

Á morgun munu Eimur og Vestfjarðastofa standa fyrir vefþingi, þar sem fjallað verður um orkuskipti smábátaflotans. Á þinginu verður sjónum beint að helstu áskorunum og tækifærum sem fylgja umbreytingu sjávarútvegsins í átt að endurnýjanlegum orkugjöfum. Meðal umræðuefna verða spurningar á borð við: Hvað þarf til að orkuskipti smábáta verði að veruleika? Hvaða endurnýjanlegu orkugjafar verða í boði fyrir sjófarendur? Hvernig munu reglur um haffærni rafmagnsbáta þróast?

Nú stendur yfir fyrirtækjakönnun landshluta sem gerð er reglulega í samstarfi landshlutasamtakanna og hefur Vestfjarðastofa umsjón með framkvæmdinni á Vestfjörðum. Könnunin er gerð meðal fyrirtækja á öllu landinu og gefur hún mikilvægar upplýsingar um stöðu atvinnulífsins.

Fréttabréf Vestfjarðastofu fyrir marsmánuð er komið út. Þar gefur að líta gott yfirlit yfir mörg þeirra verkefna sem starfsfólk Vestfjarðastofu sinnti í mánuðinum sem leið. Einnig eru þar kraftmiklir pistlar frá framkvæmdastjóra og formanni stjórnar sem skora á stjórnvöld að huga vel að málum er viðkoma framtíð Vestfjarða og framgangi.