Fréttir

Sögur og samfélag í ferðaþjónustu – áhrifaríkt markaðsefni Fólk, sögur, minningar, stemming. Hvernig er hægt að nota sagnalist/storytelling á áhrifaríkan hátt sem hluta af markaðssetningu fyrir ákveðin svæði til ferðamanna sem leita að einstökum og eftirminnilegum upplifunum?

Vestfjarðastofa heldur utan um styrktarsjóð Hafna Ísafjarðarbæjar. Markmið með sjóðum er að styrkja og bæta bæjarbraginn og eru í ár 8 milljónir til úthlutunar. Sjóðurinn er að þessu sinni þrískiptur þar sem styrkja skal viðburðahald, samfélags- eða fegrunarverkefni sem efla samfélagið í Ísafjarðarbæ. Sjóðnum var komið á laggirnar í fyrrasumar og þá var aðeins viðburðahald styrkt, en nú er búið að útvíkka reglur sjóðsins og auka úthlutunarfé.

Markaðsstofa Vestfjarða er á faraldsfæti þessa dagana. Fimmtudaginn 3. apríl voru haldnir tveir samliggjandi fundi á Dokkunni á Ísafirði og þriðjudaginn 8. apríl var haldið á Patreksfjörð. Umræðuefnin voru uppbygging vetrarferðaþjónustu annars vegar og gerð nýrrar áfangastaðaáætlunar Vestfjarða hins vegar.

Barnamenningarhátíðin Púkinn hófst þann 31. mars og hefur mikið verið um að vera í menningarlífi vestfirskra barna á meðan á hátíðinni stendur. Púkinn hefur ávallt verið í góðu samstarfi við List fyrir alla sem um árabil hefur komið með skemmtilega listviðburði til barna á Vestfjörðum. Að þessu sinni koma þau á Púkann með verkefnið Árstíðir. Þar fara hinir einstaklega hæfileikaríku Frach-bræður frá Ísafirði um með tónlistardagskrá fyrir mismunandi stig grunnskólanema. Maksymilian Haraldur Frach, Mikolaj Ólafur Frach og Nikodem Júlíus Frach eru tónlistarmenn í heimsklassa og fórst þeim einstaklega vel úr hendi að kynna þessa stórkostlegu klassík Vivaldis fyrir börnunum.

Fimmtudaginn 10. apríl kl. 13:00 verður opinn fundur á samskiptaforritinu Teams um atvinnuþróun á Vestfjörðum, lánamöguleika Byggðastofnunar vegna atvinnurekstrar og styrki Byggðaáætlunar.

Vörumessa Menntaskólans á Ísafirði var haldin á Vestfjarðastofu fimmtudaginn 3. apríl. Á vörumessunni kynna nemendur í áfanganum Hugmyndir og nýsköpun vörur sem þau hafa hannað, þróað og skapað í föstu formi fyrir gestum og gangandi. Mikið líf og fjör á Vestfjarðastofu þennan dag, því fjölmargir lögðu leið sína á Vörumessuna til að sjá nýsköpunarvarning ungmennanna. Unnið var að vöruþróuninni í hópum og voru 11 nýjar vörur kynntar. Vörurnar voru afar fjölbreyttar og margt spennandi að sjá hjá frumkvöðlunum, sem sumir hverjir höfðu leitað samstarfs við starfandi fyrirtæki á svæðinu með góðum árangri.

Nýtt verklag við kosningu í stjórn Sóknarhóps og Vestfjarðastofu Sóknarhópur Vestfjarðastofu er samstarfsvettvangur fyrirtækja á Vestfjörðum. Sóknarhópi er skipt í tvennt, ferðaþjónustu og menningarhóp, og atvinnu- og byggðaþróunarhóp. Fjórir af fimm stjórnarmönnum Sóknarhóps sitja í stjórn Vestfjarðastofu sem fulltrúar atvinnulífs og menningar og er formaður Sóknarhóps varaformaður Vestfjarðastofu.

Fjórðungsþing Vestfirðinga að vori var haldið í Edinborgarhúsinu á Ísafirði miðvikudaginn 2. apríl. Ágæt mæting var á þingið, sem var eins og jafnan er um Fjórðungsþing að vori, að meginhluta til ársfundur Fjórðungssambands Vestfirðinga. Á ársfundinum var farið yfir skýrslu stjórnar, ársreikning nýliðins árs og endurskoðaða fjárhagsáætlun líðandi árs.

Þann 1. apríl 2025 var haldinn samráðsfundur í stjórnsýsluhúsinu á Ísafirði þar sem öryggismál í Friðlandi Hornstranda voru rædd. Fundurinn var skipulagður af Kristínu Ósk Jónasdóttur hjá Náttúruverndarstofu. Að fundinum komu fjölmargir hagaðilar sem tengjast svæðinu með beinum eða óbeinum hætti. Mættir voru fulltrúar frá landeigendum, ferðaþjónustufyrirtækjum, björgunarsveitum, lögreglu, slökkviliði, Landhelgisgæslu og fleiri stofnunum. Fulltrúar Markaðsstofu Vestfjarða sátu einnig fundinn, sem og fulltrúar frá Ferðafélagi Íslands og Umhverfisstofnun í gegnum fjarfund.

Í ályktun 70. Fjórðungsþings að vori eru stjórnvöld hvött til að endurskoða áform um þrennu sértækra skatta sem boðaðir eru í fjármálaáætlun ríkisins.