Fréttir

Fjórðungssamband Vestfirðinga hefur ákveðið að ráða Skúla Gautason í starf menningarfulltrúa en forveri hans Jón Jónsson, lét af störfum í september s.l.. Áætlað er að Skúli komi til starfa í byrjun nóvember n.k. og verður starfstöð menningarfulltrúa eins á áður á Hólmavík.

Fjórðungssamband Vestfirðinga boðar til opins fundar um málefni fiskeldis sunnudaginn 16. október kl 20:00 í Edinborgarhúsinu á Ísafirði.

Byggðasamlag Vestfjarða um málefni fatlaðs fólks vekur athygli á rétti fólks til að sækja um styrki skv. 27. grein laga nr. 59/1992 um málefni fatlaðs fólks, með síðari breytingum. Byggðasamlaginu er heimilt að veita styrk til greiðslu námskostnaðar sem ekki er greiddur samkvæmt ákvæðum annarra laga, enda telst námið hafa gildi sem hæfing eða endurhæfing. Einnig er heimilt að veita þeim sem eru 18 ára og eldri styrk til verkfæra- og tækjakaupa í sambandi við heimavinnu eða sjálfstæða starfsemi, enda teljist starfsemin hafa gildi sem félagsleg hæfing eða endurhæfing sem miði að því að auðvelda fötluðu fólki að skapa sér atvinnu. Umsóknafrestur er til 13. nóvember 2016 og skulu umsóknir berast til félagsþjónustu lögheimilissveitarfélags, umsóknaeyðublöð og reglur um styrki vegna námskostnaðar eða verkfæra- og tækjakaupa eru að finna hjá viðkomandi félagsþjónustu.

Þingsályktun um samgönguáætun 2015-2018 var samþykkt á Alþingi nú dag 12. október. Hér er fagnaðarefni, enda um að ræða mikilvægan áfanga fyrir nýframkvæmdir og endurbyggingu vega á Vestfjörðum, sem beðið hafa nú hátt í þrjú ár að Alþingi staðfesti vilja sinn í málinu. Stærstu framkvæmdirnar eru á vegi um Gufdalssveit, Dýrafjarðargöng, Dynjandisheiði og vegur norður í Árneshrepp. Samþykkt var einnig að leggja til fjármagn til rannsókna á Álftafjarðargöngum

Í frétt frá Atvinnu og nýsköpunarráðuneyti í dag er tilkynnt um ákvörðun Sjávarútvegs- og landbúnaðarráðherra að hafin skuli vinna við heildar stefnumótun fyrir fiskeldi á Íslandi og að rannsóknir, vöktun og eftirlit skuli aukið. Aðgerðirnar sem ráðist verður í núþegar eru þríþættar:- Sett verður af stað vinna við stefnumótun fyrir allt fiskeldi á Íslandi.

Um helgina var auglýst hjá Hafrannsóknastofnun, Rannsókna og ráðgjafastofnun hafs og vatna, starf sviðsstjóra á sviði fiskeldis.Fjórðungssamband Vestfirðinga væntir þess að hér sé um að ræða viðbót við þá starfsemi á sviði rannsókna og ráðgjafar í fiskeldi sem unnið var að fyrir sameiningu Veiðimálastofnunar og Hafrannsóknastofnunar, enda mikið hagsmunamál fyrir Vestfirði ekki síst nú við hraða uppbyggingu sjókvíaeldis á Vestfjörðum.   Ekki kemur fram í auglýsingunni hvar starfið verði staðsett, en á vefnum www.starfatorg.is er staðsetning tilgreind í Reykjavík.

Innan svæðastaðals EarthCheck í vottunarkerfinu hafa verið skilgreind 12 lykilsvið og samtals 16 sjálfbærniskylduvísar innan lykilsviðanna en sveitarfélögin geta bætt við valkvæðum vísum eins og við á. Gögnum vegna sjálfbærnivísanna (Benchmarking tölur) er skilað árlega og reiknar EarthCheck út einkunn frá þeim tölum. Samtökin hafa sett viðmið um lágmarksframmistöðu varðandi hvern sjálfbærnivísi, sem gengið er út frá að um helmingur sveitarfélaga ætti að geta náð. Einnig hafa þau sett annað viðmið um það sem telst vera framúrskarandi frammistaða. Gert er ráð fyrir að einungis um 20% sveitarfélaga geti náð svo góðum árangri.

Fjórðungssamband Vestfirðinga fagnar að því að þingsályktunartillaga að samgönguáætlun 2015-2018 komi nú til afgreiðslu Alþingis og skorar á Alþingi að veita henni nú brautargengi eftir þriggja ára bið.

Haustþing Fjórðungssambands Vestfirðinga er nú haldið í fyrsta sinn.Þingið er haldið í Félagsheimilinu á Hólmavík og hafa margir gestir komið og ávarpað þingið.

Dagskrá 1. Haustþings Fjórðungssambands Vestfirðinga er tilbúin og var hún send til sveitarfélagana í gær. Haustþingið verður haldið 9. og 10 september í Félagsheimilinu í Hólmavík