Fréttir

Í síðustu viku fór fram fundaferð MERSE-verkefnisins og haldnir voru opnir fundir á Hólmavík, Patreksfirði og Ísafirði þar sem vestfirskir samfélagsfrumkvöðlar voru sérstaklega hvattir til að mæta. Steinunn Ása og Annska verkefnisstjórar MERSE sögðu á fundunum frá MERSE og fóru aðeins yfir skilgreiningar á áðurnefndum hugtökum. Í aðalhlutverki á fundunum voru þó starfandi samfélagsfrumkvöðlar, þær Anna Björg Þórarinsdóttir hjá Strandagaldri, Birta Ósmann Þórhallsdóttir hjá bókaútgáfunni Skriðu og Heiðrún Björk Jóhannsdóttir hjá Netagerðinni – skapandi vinnustofum.

Fundaröð Markaðsstofu Vestfjarða um þróun ferðaþjónustu hélt áfram 9. maí með tveimur fundum í Café Riis á Hólmavík. Annars vegar var haldin vinnustofa fyrir ferðaþjónustuaðila um vetrarferðaþjónustu og hins vegar opinn samráðsfundur um gerð nýrrar áfangastaðaáætlunar fyrir Vestfirði.

Logi Einarsson, menningar,- nýsköpunar og háskólaráðherra, mun á kjörtímabilinu reglulega heimsækja sveitarfélög utan höfuðborgarsvæðisins. Með þessu vill ráðherra styrkja beint samtal við íbúa, fyrirtæki, stofnanir og sveitarstjórnarfólk um allt land og um leið tryggja að sjónarmið fólks víðs vegar að fái að heyrast beint inn í stefnumótun ráðuneytisins.

Stjórn Edinborgarhússins hefur hafið vinnu við að móta skýra stefnu fyrir Menningarmiðstöðina Edinborg til næstu ára.

Eyrarrósarverðlaunin voru afhent á Siglufirði í gær. Sköpunarmiðstöðin á Stöðvarfirði hlýtur verðlaunin að þessu sinni.

Í Forvitnum frumkvöðlum, fræðsluhádegi landshlutasamtakanna þann 6. maí stóð SSNV fyrir fræðsluerindinu Viðskiptaáætlun á mannamáli. Þar var farið yfir hvernig hægt er að nálgast gerð viðskiptaáætlunar á einfaldan og aðgengilegan hátt – og hvernig slík áætlun getur orðið öflugt tæki til að segja sögu verkefnisins.

Loftslags- og orkusjóður auglýsir styrki til verkefna sem stuðla að samdrætti í losun gróðurhúsaloftegunda á beinni ábyrgð Íslands eða fela í sér nýsköpun og innleiðingu á nýrri tækni á sviði umhverfis- orku og loftslagsmála.

Rafræn kosning til stjórnar Sóknarhóps Vestfjarðastofu fór fram dagana 2.–7. maí 2025. Alls voru 74 skráðir aðilar með kosningarétt og gátu kosið allt að fjóra frambjóðendur.

Verkefnastjórar Vestfjarðastofu í MERSE, Steinunn Ása Sigurðardóttir og Anna Sigríður Ólafsdóttir, héldu í vikunni til Finnlands þar sem fjórði staðfundur verkefninu fór fram. Fundurinn var haldinn í Mikkeli sem er um 50.000 manna borg í vatnalöndum Finnlands (f. Järvi-Suomi), en Mikkeli er við Saimaa sem er stærsta vatn lands hinna þúsund vatna.

Miðvikudaginn 14. maí verður ársfundur Vestfjarðastofu haldinn í Súðavík. Að loknum ársfundi fulltrúaráðs Vestfjarðastofu verður opið málþing þar sem fjallað verður um frumkvæði og fjárfestingar á Vestfjörðum. Frummælandi á málþinginu er Ólafur Sigurðsson, framkvæmdastjóri Birtu lífeyrissjóðs og Gylfi Ólafsson stjórnarformaður Vestfjarðastofu mun stýra pallborði sem í verða fulltrúar fyrirtækja sem hafa fjárfest eða hyggjast fjárfesta á Vestfjörðum.