Fréttir

Opnað hefur verið fyrir umsóknir í frumkvæðissjóð Jú víst! Kraftur í Kaldrana, sem er yfirstandandi verkefni Brothættra byggða í Kaldrananeshreppi. Meginmarkmið verkefnisins eru fjögur: Fjölbreytt atvinnulíf, samheldið samfélag, öflugir innviðir og auðlindir í þágu samfélagsins. Umsóknir þurfa að taka mið af þessum markmiðum og hafa samhljóm við eftirfarandi framtíðarsýn verkefnisins:

Í gær var úthlutað úr Uppbyggingarsjóði Vestfjarða fyrir verkefni sem koma til framkvæmda árið 2026. Fjöldi umsókna barst í ár en sótt var um fyrir 133 ólíkum verkefnum og hlutu 67 styrk að þessu sinni, sem gerir árangurshlutfall upp 50,4%. Úthlutunarhófið fór fram á starfsstöð Vestfjarðastofu á Ísafirði og var það vel sótt.

Úthlutunarhóf Uppbyggingarsjóðs Vestfjarða verður haldið í dag í húsakynnum Vestfjarðastofu á Ísafirði. Hófið hefst klukkan 16 og vonumst við til að sjá þar sem flesta styrkþega. Veittir verða styrkir vegna verkefna sem koma til framkvæmda árið 2026 og voru umsækjendur upplýstir um styrki í lok síðustu viku.

ETC Industry Forum, árlegur vettvangur Evrópska ferðamálaráðsins (ETC), fór fram í Hörpu fimmtudaginn 20. nóvember. Viðburðurinn bar yfirskriftina Tourism and Communities: Building Bridges Amid Unbalanced Growth og safnaði saman fulltrúum ferðamála í Evrópu, sérfræðingum og aðilum úr greininni til að fjalla um stöðu ferðamála, samfélagsleg áhrif og þróun í þágu íbúa.

Menntamorgunn ferðaþjónustunnar fór fram í síðustu viku í beinu streymi undir yfirskriftinni „Ferðalag með Z-kynslóðinni“. Fundurinn var liður í fræðsluverkefnum Hæfniseturs ferðaþjónustunnar, SAF og Markaðsstofa landshlutanna og vakti verulega athygli – nærri 200 þátttakendur fylgdust erindinu. Umfjöllunarefnið sneri að ferðavenjum Z-kynslóðarinnar og þeim breytingum sem koma fram í hegðun og væntingum ungra ferðamanna.

Vestfjarðastofa er með viðveru í Blábankanum einu sinni í mánuði. Þá geta Dýrfirðingar sótt ólíka ráðgjöf hverju sinni. Sölvi Guðmundsson hjá Markaðsstofu Vestfjarða verður í Blábankanum 25. nóvember, á milli klukkan 12 og 15. Hvetjum við sérstaklega ferðaþjóna til að kíkja á Sölva sem er hafsjór af fróðleik um allt mögulegt er viðkemur ferðaþjónustu.

Málþing um leiðir til byggðafestu á sauðfjárræktarsvæðum Dalabyggðar, Reykhólasveitar, Stranda og Húnaþings vestra fór fram á Laugum í Sælingsdal þriðjudaginn 18. nóvember. Málþingið markaði lok verkefnisins Leiðir til byggðafestu, sem hófst árið 2023.

Þann 11. nóvember síðastliðinn tók Vestfjarðastofa þátt í vinnustofu Nordic Energy um þróun virðiskeðja í framleiðslu lífeldsneytis. Vinnustofan var hluti af BENIGN verkefninu sem Vestfjarðastofa er þátttakandi í. Verkefnið er leitt af af dr. Sean Scully hjá líftæknideild Háskólans á Akureyri en þátttakenda er Guðfinna Lára Hávarðardóttir á Stóra Fjarðarhorni á Ströndum.

Dagana 12. og 13. nóvember komu fulltrúar allra markaðsstofa landshlutanna saman á árvissum fundi sem fór að þessu sinni fram í Bjarnarfirði á Ströndum. Markmið haustfundanna er að efla samstarf og horfa sameiginlega til þróunar ferðamála á landsvísu, en í hvert sinn eru síðan sértæk viðfangsefni út frá þeim áskorunum sem tíðarandinn býður upp á. Jafnframt er tækifærið nýtt til vettvangsheimsókna. Vel var mætt á fundinn en í honum tóku þátt 19 gestir frá markaðsstofunum allsstaðar af landinu, auk fulltrúa frá Ferðamálastofu.

Þann 27. nóvember fer fram næsta vefnámskeið MERSE verkefnisins undir yfirskriftinni Stuðningur við samfélagsfyrirtæki í gegnum sjálfbæra þróun. Samfélagsfyrirtæki gegna víða stóru hlutverki í að skapa sanngjörn og aðgengileg atvinnutækifæri. Í þessu vefnámskeiði koma sérfræðingar, sveitarfélög og svæðisbundin stjórnvöld saman til að deila hagnýtum aðferðum, veita innsýn í fjármögnun og samstarfslíkönum sem styðja þverfaglega samvinnu. Taktu þátt til að fræðast, tengjast og leggja þitt af mörkum við að móta efnahagslíf sem felur í sér inngildingu á breiðari grundvelli.