Fréttir

Púkinn, barnamenningarhátíð á Vestfjörðum, verður haldin dagana 27. apríl – 8. maí 2026. Þema hátíðarinnar var valið af Ungmennaráði Vestfjarða og er það hafið, en einnig var farið fram á að tengja saman vísindi og listir. Hægt er að sækja um styrki til að vera með viðburði tengda hátíðinni. Markmið með sjóðnum er að tryggja vestfirskum börnum vandaða menningarviðburði til að njóta eða taka þátt í. Ef viðburðirnir fara ekki fram á meðan á hátíðinni stendur er mælst til að hægt verði að njóta afraksturs þeirra innan dagsetninga hennar.

Hvernig upplifa gestir „gæði“ í dag og hvernig er hægt að endurspegla það í daglegu verklagi? Hvað skiptir þá mestu máli þegar kemur að upplýsingum, væntingum og þjónustu?

Vinnumálastofnun/félags-og vinnumarkaðsráðuneytið auglýsir styrki til atvinnumála kvenna árið 2026 lausa til umsóknar. Umsóknarfrestur er til og með 16.mars 2026. Opið er fyrir umsóknir.

Vestfjarðastofa, Nordic Folkecenter for Renewable Energy og SINTEF (Noregi) hafa nýlega hleypt af stokkunum nýju norrænu verkefni NordWetCap – Nordic Capacity Building for Wetland Restoration and Climate Resilience, sem hlaut styrk úr loftlagssjóði Norrænu ráðherranefndarinnar NKLP. Verkefnið leggur áherslu á endurheimt votlendis sem mikilvæga, náttúrubundna loftslagslausn og sameinar hagnýtar aðgerðir, staðbundið samráð og eignarhald heimamanna

Opið er nú fyrir umsóknir um framlög vegna vatnsveitna á lögbýlum í samræmi við reglugerð um framlög úr Jöfnunarsjóði sveitarfélaga til vatnsveitna á lögbýlum.

Fréttabréf Vestfjarðastofu fyrir janúarmánuð er komið út og má þar finna ýmislegt að því sem við á Vestfjarðastofu fengumst við í mánuðinum.

Það var margt um manninn á Vestfjarðastofu á þriðjudaginn er fram fór viðburðurinn Nýsköpun og ný tengsl og augljóst að Vestfirðingar voru áhugasamir um stuðningskerfi nýsköpunar á Íslandi. Að fundinum komu KLAK, Íslandsstofa, Vísindagarðar og Tækniþróunarsjóður, sem brugðu sér í snögga hringferð um landið til að kynna stuðningsumhverfi nýsköpunar. Jafnframt var stutt kynning á starfsemi Vestfjarðastofu.

Íslandsstofa fer um landið til kynna endurskoðaða útflutningsstefnu og greina frá aðgerðum og þjónustu Íslandsstofu í þágu útflutnings. Mánudaginn 9. febrúar er boðið til til hádegisfundar í Edinborgarhúsinu á Ísafirði í samstarfi við Vestfjarðastofu.

Vestfjarðastofa er með viðveru í Blábankanum einu sinni í mánuði. Þá geta Dýrfirðingar sótt ólíka ráðgjöf hverju sinni. Hjörleifur Finnsson, verkefnastjóri á sviði umhverfismála verður í Blábankanum 17. febrúar, á milli klukkan 12 og 15.

Skattafróðleikur KPMG verður haldinn þann 5. febrúar í Edinborgarhúsinu á Ísafirði. Fundurinn hefst kl. 11:30 og verður léttur hádegisverður í boði fyrir gesti.