Uppbyggingarhluti áfangastaðaáætlunar Vestfjarða er nú kominn út – í fyrsta sinn á nýjum vef áfangastaðaáætlunar Vestfjarða!

Markaðsstofa Vestfjarða hélt sitt fyrsta lokahóf í húsnæði Vestfjarðastofu í lok október til að fagna sumarlokum og annasömu ferðamannatímabili. Viðburðurinn var sérstaklega vel tímasettur, þar sem síðasta skemmtiferðaskip vertíðarinnar kom í höfn sama vikuna.

Opnað hefur verið fyrir umsóknir í Hafsjó af hugmyndum sjötta árið í röð en í verkefninu felast styrkir til háskólanema á vegum Sjávarútvegsklasa Vestfjarða. Markmiðið með styrkjunum er að hvetja til nýsköpunar, skapa góð tengsl háskólanema og fyrirtækja með samstarfi í verkefnum, skapa ný og eftirsóknarverð störf í sjávarútvegi eða tengdum greinum á Vestfjörðum og stuðla að sjálfbærri nýtingu sjávarauðlinda og eflingu mannauðs og öryggis.

Miðvikudaginn 29. október fór fram fyrsta úthlutunarathöfn Frumkvæðissjóðs Fjársjóðs fjalla og fjarða, í Handverksmarkaði Össu í Króksfjarðarnesi. Mæting var mjög góð og ríkti þar frábær stemning, gleði og mikill frumkvöðlakraftur. Alls bárust 21 umsókn, þar sem sótt var um 59.794.374 krónur, og heildarkostnaður verkefnanna nemur 159.713.637 krónum. Að þessu sinni hlutu 16 verkefni styrk, samtals 11 milljónir króna, og var styrkþegum óskað innilega til hamingju með þann áfanga!

Vestfirðir eru á tímamótum, samfélagið vex og ný tækifæri blasa við. Á sama tíma og við fögnum þessari sókn verðum við að spyrja okkur: Hvernig tryggjum við að börnin sem vaxa hér upp njóti raunverulegrar farsældar? Farsæld er ekki bara fallegt orð, hún er mælikvarði á það hversu vel samfélaginu okkar tekst að styðja hvert barn til að ná líkamlegum, sálrænum, vitsmunalegum, siðferðislegum og félagslegum þroska og heilsu á eigin forsendum til framtíðar.

Nú er búið að opna fyrir skráningar á Mannamót Markaðsstofa landshlutanna, sem verða haldin í Kórnum í Kópavogi fimmtudaginn 15. janúar 2026 frá klukkan 12 til 17.

Vegagerðin óskar eftir jákvæðum og áreiðanlegum starfsmanni til starfa á þjónustustöð á Hólmavík. Umsóknarfrestur er til og með 10.nóvember 2025.

Skíðasvæði Ísafjarðarbæjar óskar eftir starfsfólki til starfa í tímabundin störf í tímavinnu frá 15. nóvember 2025 til 15. maí 2026 eða eftir nánara samkomulagi. Umsóknarfrestur er til og með 6.nóvember 2025.

Leikskólinn Tangi á Ísafirði auglýsir laust til umsóknar 100% starf leikskólakennara eða starfsmanns í leikskóla. Æskilegast er að viðkomandi geti hafið störf sem fyrst. Umsóknarfrestur til og með 5.nóvember 2025.

Lokaviðburður Startup Landið, sem er sameiginlegur hraðall landshlutasamtakanna, verður haldinn á Akureyri fimmtudaginn 30. október kl. 13–15. Tólf teymi voru valin til þátttöku í hraðlinum og hafa þau unnið ötullega að nýsköpunarverkefnum sínum undanfarnar vikur. Á lokaviðburðinum stíga teymin á svið og kynna fyrirtækin sín með stuttri og hnitmiðaðri kynningu.