Mikið var um dýrðir Í íþróttahúsinu á Torfnesi á Ísafirði á laugardaginn þegar stórsýningin Gullkistan Vestfirðir fór fram. Um áttatíu ólíkir sýnendur tóku þátt og mikil menningardagskrá var í gangi allan daginn. Sýnendur komu frá öllum svæðum Vestfjarða, allt frá einyrkjum til stórfyrirtækja. Vestfjarðastofa fór með skipulagningu sýningarinnar og er óhætt að segja að við séum himinsæl með hvernig til tókst. Gleðin í íþróttahúsinu Torfnesi var hreinlega áþreifanleg. Við vorum þó sannarlega ekki ein í að gera sýninguna svo glæsilega úr garði líkt og raun varð, því valinn maður var í hverjum rúmi.

Laus störf í Eignasjóði Strandabyggðar. Umsóknarfrestur er til og með 15.september 2025.

Pósturinn leitar að starfsmanni til að sinna útkeyrslu sendinga á Ísafirði (póstnúmer 400). Umsóknarfrestur er til og með 15.september 2025.

Grunnskólinn á Ísafirði auglýsir laust til umsóknar starf stuðningsfulltrúa. Um er að ræða 75% starf, tímabundið til 5. júní 2026 með möguleika á framlengingu. Nauðsynlegt er að viðkomandi geti hafið störf sem allra fyrst. Umsóknarfrestur er til og með 12.september 2025.

Blásarasveit TÍ mun blása í lúðra klukkan 12 á hádegi í íþróttahúsinu Torfnesi og þar með hefst stórsýningin Gullkistan Vestfirðir. Klukkan 12:20 mun forseti Íslands, frú Halla Tómasdóttir, formlega opna sýninguna, í beinu framhaldi af því mun kvennakór Ísafjarðar taka nokkur lög.

Guðmundur Ingi Kristinsson, mennta- og barnamálaráðherra mun mæta á Gullkistuna Vestfirði á morgun laugardag. Hann mun ganga um sýninguna og sjá þá glæsilegu breidd atvinnulífs-, menntunar og menningar sem þar verður að finna.

Fréttabréf Vestfjarðastofu er komið úr sumarfríi. Þar kennir ýmissa grasa og auðvitað er þar fyrirferðamikil Gullkistan Vestfirðir. Það er þó ekki það eina sem er þar að finna því einnig má lesa um heimsókn til Oulu í Finnlandi, jarðgerðavélar á Vestfjörðum, íbúafund á Þingeyri og fréttir af framgangi vinnu við svæðisskipulag Vestfjarða – svo fátt eitt sé nefnt.

Hanna Katrín Friðriksson, atvinnuvegaráðherra, sækir Gullkistuna Vestfirði á laugardaginn. Hún mun skoða sýninguna og sjá þá glæsilegu breidd vestfirsks atvinnulífs og menningar sem þar verður að finna. Klukkan 16 verður Hanna Katrín með ávarp á stóra sviðinu í sýningarsalnum og hvetjum við fólk til að mæta.

Staða umsjónaraðila við Framhaldsdeild Fjölbrautaskóla Snæfellinga á Patreksfirði er laus til umsóknar. Umsóknarfrestur er til og með 15.september 2025.

Heilbrigðisstofnun Vestfjarða á Ísafirði óskar eftir að ráða hjúkrunarfræðing í skólahjúkrun. Umsóknarfrestur er til og með 19.september 2025.