Markaðsstofa Vestfjarða, Ferðamálasamtök Vestfjarða og Nýsköpunarmiðstöð Íslands standa fyrir kynningarfundum á Vestfjörðum í þessari viku og var fyrsti fundurinn á Hólmavík í dag, mánudaginn 10. febrúar kl. 12:00-13:30. Góð stemmning var á fundinum og þangað mættir ferðaþjónar víða að. Í dag er einnig fundur á Reykhólum kl. 16:00-17:30 í matsalnum í Reykhólaskóla. Á þriðjudag verður svo fundur á Tálknafirði kl. 12:00 á Hópinu.

Verðlaun í Nýsköpunarkeppni Vestfjarða voru tilkynnt í dag, föstudaginn 31. janúar í Safnahúsinu á Eyrartúni, Ísafirði. Fjögur verkefni hlutu samtals fjórtán milljóna króna verðlaunafé. Fyrstu verðlaun og fimm milljónir króna hlutu Víur - ræktunarfélag fóðurskordýra. Önnur verðlaun og fjórar milljónir króna hlaut Icelandic Fish Export. Þriðju verðlaun og þrjár milljónir króna hlaut Gullsteinn ehf. Fjórðu verðlaun og tvær milljónir króna hlaut Bíldalia.

Þann 23. janúar s.l. stóðu markaðsstofur landshlutanna í fyrsta sinn fyrir sameiginlegum kynningarfundi ferðaþjónustuaðila af landsbyggðinni undir nafninu Mannamót. Mannamótið var haldið í flugskýli flugfélagsins Ernis frá 12-16, en þar komu saman um 160 öflug fyrirtæki af öllu landinu og kynntu vörur og þjónustu sína. Það voru fulltrúar 15 vestfirskra ferðaþjónustuaðila sem tóku þátt í viðburðinum en gaman var að geta sýnt nokkur af þeim flottu fyrirtækjum sem sinna ferðaþjónustu á Vestfjörðum.

Fjórðungssamband Vestfirðinga hefur fyrir hönd sveitarfélagana á Vestfjörðum unnið að því að fá sveitarfélögin umhverfisvottuð af vottunarsamtökunum EarthCheck, sem eru einu samtökin í heiminum sem votta sveitarfélög.

Metfjöldi umsókna var í ár um verðlaunin Eyrarrósina, viðurkenningu til framúrskarandi menningarverkefna á landsbyggðinni. Verðlaununum er ætlað að beina sjónum að og hvetja til menningarlegrar fjölbreytni, nýsköpunar og uppbyggingar á sviði menningar og lista. Að verðlaununum standa Byggðastofnun, Flugfélag Íslands og Listahátíð í Reykjavík. Fjörutíu og sex fjölbreytt verkefni víða um land sóttu um að þessu sinni, en sú nýbreytni er nú tekin upp á tíu ára afmæli Eyrarrósarinnar að í stað þriggja tilnefndra verkefna, er nú birtur Eyrarrósarlistinn 2014, listi yfir tíu verkefni sem möguleika eiga á því að hljóta Eyrarrósina í ár. Í þeim hópi eru vestfirsku verkefnin Skrímslasetrið á Bíldudal og Kómedíuleikhúsið.

Ferðamálastofa hefur auglýst eftir tilnefningum til umhverfisverðlauna árið 2013. Verðlaunin hafa verið veitt árlega frá árinu 1995 og er tilgangur þeirra að beina athyglinni að þeim ferðamannastöðum eða aðilum sem sinna umhverfismálum í starfi sínu og framtíðarskipulagi. Allir þeir sem tengjast ferðamálum og láta sig umhverfismál varða og vinna markvisst að því að viðhalda jafnvægi milli efnahagslegra, náttúrlegra og félagslegra þátta, geta komið til greina. Það geta verið einstaklingar, fyrirtæki eða félagasamtök.

Framkvæmdasjóður ferðamannastaða auglýsir eftir umsóknum um styrki vegna uppbyggingar á ferðamannastöðum árið 2014.Umsóknarfrestur er til og með 22.

Byggðasamlag Vestfjarða um málefni fatlaðs fólks vekur athygli á rétti fólks til að sækja um styrki skv. 27. grein laga nr. 59/1992 um málefni fatlaðs fólks, með síðari breytingum. Byggðasamlaginu er heimilt að veita styrk til greiðslu námskostnaðar sem ekki er greiddur samkvæmt ákvæðum annarra laga, enda telst námið hafa gildi sem hæfing eða endurhæfing. Einnig er heimilt að veita þeim sem eru 18 ára og eldri styrk til verkfæra- og tækjakaupa í sambandi við heimavinnu eða sjálfstæða starfsemi, enda teljist starfsemin hafa gildi sem félagsleg hæfing eða endurhæfing sem miði að því að auðvelda fötluðu fólki að skapa sér atvinnu.

Stjórn Fjórðungssambands Vestfirðinga samþykkti á stjórnarfundi þann 22. nóvember s.l. ályktun þar sem mótmælt er harðlega fyrirhugaðri sameiningu Heilbrigðisstofnunar Vestfjarða á Ísafirði og Heilbrigðisstofnunarinnar á Patreksfirði. Harmar stjórnin að engin stefnubreyting hafi orðið hjá heilbrigðisráðherra, þrátt fyrir kröftug mótmæli sveitarfélaga á Vestfjörðum.

Frestur til að senda inn viðskiptaáætlun í Nýsköpunarkeppni AtVest og Fjórðungssambands Vestfirðinga hefur verið framlengdur til miðnættis 10.