Fimmtudaginn 1. október nk. heldur Fjórðungssamband Vestfirðinga málþing grunnskólanna á Vestfjörðum. Verður málþingið haldið  í Félagsheimili Patreksfjarðar og ber það yfirskriftina " Hvernig komum við skólunum á Vestfjörðum í fremstu röð? Eru fjórir fyrirlesarar með framsögu ásamt annarri dagskrá.

Dagana 2.-3.október næstkomandi verður 60.Fjórðungsþing Fjórðungssambands Vestfirðinga haldið í félagsheimilinu á Patreksfirði.

Úthlutunarnefnd Uppbyggingarsjóðs Vestfjarða hefur lokið við að fara yfir umsóknir um styrki vegna ársins 2015 og stjórn Fjórðungssambands Vestfirðinga hefur staðfest tillögu nefndarinnar um úthlutun. Að þessu sinni voru samtals 60 milljónir til úthlutunar til margvíslegra verkefna og uppbyggingar víða um Vestfirði. Umsóknir voru fjölbreyttar og mörg verkefni afar áhugaverð. Fjórðungssamband Vestfirðinga vill óska styrkhöfum til hamingju með framlögin og umsækjendum öllum góðs gengis við vinnu að sínum verkefnum. Fjármagn Uppbyggingarsjóðs Vestfjarða er hluti af samningi Fjórðungssambands Vestfirðinga við stjórnvöld um Sóknaráætlun Vestfjarða 2015-2019.

Fjórðungssamband Vestfirðinga og Atvinnuþróunarfélag Vestfjarða í samvinnu við Atvinnuvega- og nýsköpunarráðuneytið og Samtök ferðaþjónustunnar, boða til fundar um mótun stefnu og framtíðarsýnar í íslenskri ferðaþjónustu, föstudaginn 12. júní nk. kl. 08.30 – 10.00 í fundarsal Háskólaseturs á Ísafirði.

Fresta þarf fundi vegna ófærðar!   Fjórðungssamband Vestfirðinga, Atvinnuþróunarfélag Vestfjarða í samvinnu við Atvinnuvega- og nýsköpunarráðuneytið og SAF boða til fundar um mótun stefnu og framtíðarsýn í ferðaþjónustu. Fundurinn verður í fundarsal Háskólaseturs á Ísafirði þann 28. maí n.k. frá 10:00-12:00.Skráning á fundinn er í netfangið travel@westfjords.is

Íslandsstofa og Markaðsstofa Vestfjarða boða til upplýsingafundar um samstarf og markaðssetningu áfangastaðarins Íslands. Fundurinn verður haldinn í fundarsal Háskólaseturs á Ísafirði þriðjudaginn 19. maí kl. 09:30-11:00.

Nú styttist í að umsóknarfrestur í Uppbyggingarsjóð renni út, en hægt er að sækja um styrki til og með 11. maí næstkomandi. Mikilvægt er að undirbúa umsóknargerð vel til að árangur náist. Af þessu tilefni verða nú haldnar vinnustofur um styrkumsóknir í Uppbyggingarsjóð á þremur stöðum á Vestfjörðum - í þróunarsetrunum á Ísafirði, Patreksfirði og Hólmavík. Þar geta menn komið á ákveðnum tíma og sest niður til að vinna í sínum umsóknum og fengið leiðbeiningar og svör við spurningum frá starfsfólki Fjórðungssambands Vestfirðinga og AtVest.

Umsóknarfrestur í hinn nýja Uppbyggingarsjóð Vestfjarða sem leysir af hólmi Menningarráð Vestfjarða og Vaxtarsamning Vestfjarða hefur verið framlengdur til og með mánudeginum 11. maí næstkomandi. Uppbyggingarsjóður varð til með samningi ríkis og Fjórðungssambands Vestfirðinga um Sóknaráætlun Vestfjarða 2015-2019 og verður nú í vor úthlutað í fyrsta skipti úr sjóðnum. Til ráðstöfunar í úthlutun eru um það bil 60 milljónir að þessu sinni, sem er svipuð upphæð og úthlutað var á grundvelli menningar- og vaxtarsamninga á síðasta ári.

Landshlutasamtök sveitarfélaga samþykktu áskorun til Alþingis og ríkisstjórnar á fundi þann 16.apríl 2015.Í áskorunni er lýst þungum áhyggjum að stöðu samgöngukerfisins í landinu og viðvarandi fjárskorti til viðhalds og nýframkæmda.

Nú hefur verið stofnaður nýr Uppbyggingarsjóður Vestfjarða sem rekinn er innan vébanda Sóknaráætlunar landshlutans og er í umsjón Fjórðungssambands Vestfirðinga. Hann tekur við hlutverki Menningarráðs Vestfjarða og Vaxtarsamnings Vestfjarða og veitir styrki til menningarverkefna, atvinnuþróunar- og nýsköpunar. Uppbyggingarsjóður varð til með samningi ríkis og Fjórðungssambands Vestfirðinga um Sóknaráætlun Vestfjarða 2015-2019 sem undirritaður var 10. febrúar 2015. Í vor verður í fyrsta skipti úthlutað úr sjóðnum og er umsóknarfrestur til og með 30. apríl. Til ráðstöfunar í úthlutun eru um það bil 60 milljónir að þessu sinni, sem er svipuð upphæð og úthlutað var á grundvelli menningar- og vaxtarsamninga á síðasta ári.