Bíldudalur - samtal um framtíðina, er verkefni á vegum Byggðastofnunar, Vesturbyggðar, AtVest, Fjórðungssambands Vestfirðinga og Háskólans á Akureyri. Það er hluti af stærra verkefni sem tekur til þriggja annarra byggðarlaga. Í verkefninu er lögð áhersla á samtal íbúa í byggðum sem búa við erfiða stöðu, um hvað þarf til að efla byggð og ekki síður, hvað samfélagið sjálft getur gert.

Þann 18.september milli kl.12-13 var opin kynning á verkefninu Nýtingaráætlun fyrir Ísafjarðardjúp og Jökulfirði í kaffistofu Háskólaseturs Vestfjarða. Jamie Alley stundakennari við meistaranám Háskólaseturs Vestfjarða byrjaði og var með kynningu á ensku um skipulagsmál á strandsvæðum. Eftir smá umræður kynntu þeir Aðalsteinn Óskarsson framkvæmdarstjóri Fjórðungssambands Vestfirðinga og Gunnar Páll Eydal frá Teiknistofunni Eik verkefnið og þá vinnu sem er að hefjast. Glærur af fundinum verður hægt að finna hér á þessari síðu um Nýtingaráætlun fyrir Ísafjarðardjúp og Jökulfirði.

Sameiginlegur fundur fulltrúa Eyþings, Samtaka sveitarfélaga á Norðurlandi vestra, Fjórðungssambands Vestfirðinga og Samtaka sveitarfélaga á Vesturlandi, haldinn 10. september 2013, að Staðarflöt í Hrútafirði lýsir yfir miklum áhyggjum varðandi stöðu sameiginlegs reksturs á almenningssamgöngum á starfsvæðum þessara samtaka.

Ísafjarðarbær, Tálknafjarðarhreppur og Vesturbyggð hafa samþykkt að auglýsa tillögu að Nýtingaráætlun strandsvæðis Arnarfjarðar 2012-2024 ásamt umhverfisskýrslu. Þar er m.a. fjallað um nýtingu fjarðarins, þ.e.a.s. á svæði sem afmarkast af línu sem liggur 115 m frá stórstraumsfjöruborði og línu sem liggur 1 sjómílu utan við grunnlínu landhelginnar. Áætlunin er ekki lögformleg skipulagsáætlun en við gerð hennar hafa verkferlar svæðisskipulags verið hafðir til hliðsjónar. 

58. Fjórðungsþing Vestfirðinga verður haldið 11. og 12. október í Trékyllisvík, Árneshreppi. Boð á þingið og endurskoðuð dagskrá verður send út í annarri viku af september.

Stjórn Fjórðungssambands Vestfirðinga hefur samþykkt tillögu formanns og framkvæmdastjóra FV um að ráða Línu Björgu Tryggvadóttur, Ísafirði, í starf verkefnastjóra við byggðaþróunardeild FV.

Starfsmenn Fjórðungssambands Vestfirðinga, Aðalsteinn Óskarsson framkvæmdastjóri, Jón Jónsson menningarfulltrúi og Díana Jóhannsdóttir markaðsfulltrúi verða í sumarfríi frá 8.

Markaðsstofa Vestfjarða hefur lokið úthlutun styrkja til markaðssetningar á hátíðum og viðburðum á Vestfjörðum fyrir 2013. Í heildina var úthlutað 1.500.000 kr. en styrkirnir eru fjármagnaðir út Sóknaráætlun Vestfjarða. Alls bárust 12 umsóknir og hljóta tíu þeirra styrk að þessu sinni.

Innanríkisráðherra staðfesti vilja stjórnvalda um að samgönguverkefni á Vestfjörðum komist til framkvæmda eins og þau eru tilgreind í samgönguáætlun 2011-2022, á málþingi um samgöngumál á Vestfjörðum á föstudag. Þetta varðar Vestfjarðaveg 60 um Gufudalssveit, Dýrafjarðargöng, veg um Dynjandisheiði og vegagerð í Árneshreppi. Samgöngunefnd Fjórðungssambands Vestfirðinga segir í fréttatilkynningu um fundinn: 

Fjórðungssamband Vestfirðinga boðar til málþings um samgöngumál á Vestfjörðum, föstudaginn 21. júní kl 12.30–15.00  í Íþróttahúsinu Tálknafirði. Frummælendur eru Hanna Birna Kristjánsdóttir innanríkisráðherra, Hreinn Haraldsson vegamálastjóri, Albertína Fr. Elíasdóttir formaður FV, Sigurður Pétursson formaður samgöngunefndar FV, Eyrún Ingibjörg Sigþórsdóttir oddviti Tálknafjarðarhrepps og Guðbrandur Sverrisson Kaldrananeshreppi. Fundarstjóri er Indriði Indriðason, sveitarstjóri Tálknafjarðarhrepps. Málþingið er opið öllum sem áhuga hafa á málefninu.