Innanríkisráðuneyti lagði fram 6. júní 2014 umræðuskjal er varðar undirbúning reglugerða á grundvelli nýrra laga um framkvæmdarvald og stjórnsýslu ríkis í héraði og breytingu á lögreglulögum. Landshlutasamtök sveitarfélaga eiga lögum samkvæmt rétt á að skila umsögn um fyrirkomlag þessara mála innan síns landshluta. Fjórðungssamband Vestfirðinga (FV) leitaði álits aðildarsveitarfélaga sinna á framangreindu umræðuskjölum stjórn FV fjallaði síðan um málið á fundi sínum þann 26. júní sl. og gerði eftirfarandi samþykkt: "Til grundvallar verði settar fram tillögur um að aðalskrifstofa lögreglu verði á Patreksfirði og aðalskrifstofa sýslumanns verði á Ísafirði. Fjármagn verði aukið til að tryggja stöðugildi löglærðra fulltrúa á öllum sýsluskrifstofum. Að auki verði tryggt að fjármagn sé í takti við erfiða stöðu heilsárssamgangna þannig að greið samskipti (ferðalög) séu á milli starfstöðva sýslumanna og lögreglu líkt og í öðrum landshlutum."  Í umsögninni kemur einnig fram gagnrýni á málatilbúnað stjórnvalda í þessum máli þar sem heildarmynd af uppbyggingu stjórnsýslu í landshlutanum liggur ekki fyrir og ekki er tekið tillit til erfiðar stöðu heilsárssamganga á Vestfjörðum. 

Stjórn Fjórðungssambands Vestfjarða fundaði þann 26.júní síðastliðinn.Fundargerð frá fundinum má nálgast undir þessum tengli.

Umsóknarfrestur til Menningarráðs Vestfjarða rennur út á miðnætti föstudaginn 13.júní, þannig að nú er hver að verða síðastur að senda inn umsókn.

Inn á heimasíðu Sambands íslenskra sveitarfélaga hafa verið settar leiðbeiningar fyrir sveitarstjórnarmenn um ýmis atriði er snúa að framkvæmd sveitarstjórnarlaga nr. 138/2011 í upphafi kjörtímabils. Markmið þessara leiðbeininga er einkum að svara ýmsum algengum spurningum um túlkun laganna og benda sérstaklega á ýmis atriði í lögunum sem fela í sér breytingar á fyrri framkvæmd.

Menningarráð Vestfjarða hefur auglýst eftir styrkumsóknum í tveimur styrkjaflokkum og er frestur til að sækja um til og með föstudeginum 13.

Fjórðungssamband Vestfirðinga er þáttakandi í verkefni er nefnist  „Demographic Project“ en það hefur  íslenska heitið „Mannfjöldabreytingar og fólksfækkun- áhrif þess á efnahag og atvinnulíf“ Verkefnið byrjaði í lok apríl 2014  og er áætlað að það vari í eitt ár, en þá verður skoðað hvort að því verði framlengt um annað ár. Verkefnið  var eitt af verkefnunum sem Nordregio samþykkti að styrkja árið 2014. Markmið verkefnisins að reyna að finna „lausn“ á fólksfækkun í dreiflum byggðum og fá ungt fólk til að flytja á svæðin.

  Sif Huld Albertsdóttir Verkefnastjóri bsVest og Daníel Jakobsson bæjarstjóri Ísafjarðarbæjar ásamt Aðalstein Óskarsyni framkvæmdarstjóra BsVest undirrituðu þann 14.

Menningarráð Vestfjarða auglýsir nú eftir umsóknum um styrki á grundvelli menningarsamnings ríkisins við Fjórðungssamband Vestfirðinga og er frestur til að sækja um til og með 13. júní 2014. Styrkir verða veittir í tveimur flokkum, annars vegar stofn- og rekstrarstyrkir og hins vegar verkefnastyrkir. Tilgangurinn er að efla menningarstarfsemi á Vestfjörðum og eru umsóknir og verkefni hverju sinni borin saman á samkeppnisgrundvelli. Umsækjendum er bent á að kynna sér vandlega úthlutunarreglur undir tenglunum Menningarráð Vestfjarða -> Styrkir hér til hliðar og undir þeim tengli má einnig nálgast eyðublöð, bæði á word-formi og rafræn. 

Albertína Friðbjörg Elíasdóttir formaður Fjórðungssambands Vestfirðinga átti í dag fund með Magnúsi Geir Þórðarsyni útvarpsstjóra þar sem þau funduðu um stöðu RÚV á Vestfjörðum í tilefni af fréttum af því að fyrir dyrum standi að rýma húsnæði RÚV á Ísafirði. Á fundinum var farið vítt og breytt yfir stöðu mála varðandi þjónustu RÚV á Vestfjörðum. Voru báðir aðilar sammála um mikilvægi þess að RÚV sinni fréttaflutningi og dagskrárgerð á Vestfjörðum af myndarskap. Útvarpsstjóri ítrekaði að stefna hans og annarra nýrra stjórnenda RÚV væri að bæta þjónustu RÚV á landsbyggðinni.  

Þann 30.apríl síðastliðinn var haldinn fundur á Ísafirði þar sem sveitarstjórnarmenn alls staðar af Vestfjörðum ræddu við samgönguráð og fulltrúa Innanríkisráðuneytis.