FRESTAÐ - Vegna óhagstæðrar veðurspár hefur verið ákveðið að fresta Orkuþingi Vestfjarða um óákveðinn tíma. Við þökkum áhugann og vonumst til að sjá sem flesta á nýjum auglýstum tíma. Orkuþing Vestfjarða verður haldið föstudaginn 6. mars í Edinborgarhúsinu á Ísafirði. Þar munu helstu hagaðilar í orkumálum svæðisins koma saman til að ræða stöðu, framtíðarsýn og tækifæri í orkuuppbyggingu á Vestfjörðum.

Heilbrigðisstofnun Vestfjarða á Patreksfirði óskar eftir að ráða starfsfólk í 70-100% starf við aðhlynningu á legudeildinni í sumar. Umsóknarfrestur er til og með 30.apríl 2026.

Menntaskólinn á Ísafirði óskar eftir að ráða kennara í afleysingakennslu í íslensku skólaárið 2026-2027. Usmóknarfrestur er til og með 13.mars 2026.

Ískalk leitar að öflugum og drífandi verksmiðjustjóra til að leiða uppbyggingu og daglegan rekstur verksmiðju félagsins í Súðavík. Umsóknarfrestur er til og með 15.mars 2026.

Slökkvilið Ísafjarðarbæjar óskar eftir að ráða starfsmann í 100% starf slökkviliðs- og sjúkraflutningamanns. Æskilegt er að viðkomandi geti hafið störf 1. júní 2026 eða eftir nánara samkomulagi. Umsóknarfrestur er til og með 17.mars 2026.

Fréttabréf Vestfjarðastofu fyrir febrúarmánuð er komið út.

Þessa síðustu viku febrúarmánaðar hefur heldur betur verið fjör hjá vestfirskum nemendum á miðstigi er stærsta verkefni barnamenningarhátíðarinnar Púkans til þessa, Sólmyrkvaleikarnir, fóru fram. Verkefnið er unnið í samstarfi við hönnunarhópinn Þykjó, tónlistarfólkið Sigga og Ingibjörgu og Stjörnu-Sævar og er það styrkt af Barnamenningarsjóði.

Samgöngustofa leitar að öflugum og lausnamiðuðum sérfræðingi til starfa í skipadeild á Ísafirði. Um er að ræða fjölbreytt starf á sviði öryggis og eftirlits í siglingum, þar sem fagmennska, nákvæmni og góð samskipti eru lykilatriði. Umsóknarfrestur er til og með 9.mars 2026.

KLAK – Icelandic Startups, Íslandsstofa, Tækniþróunarsjóður og Vísindagarðar HÍ halda opinn kynningarfund í Grósku og í streymi miðvikudaginn 4. mars. Teymið kom í heimsókn fyrir skömmu á Ísafjörð með sömu dagskrá og var góður rómur gerður að heimsókninni. Nú gefst Vestfirðingum sem öðrum landsmönum kostur á að hlýða á erindin á fjarfundi. 

Þriðjudaginn 3. mars kl.15 boðar Ísafjarðarbær í samstarfi við Aldrei fór ég suður og Vestfjarðastofu til vinnustofu í Edinborgarhúsinu á Ísafirði þar sem markmiðið er að móta sameiginlega sýn og aðgerðir hagaðila páska fyrir vestan. Þau sem starfa í verslunar- og veitingarekstri, ferðaþjónustu og viðburðahaldi, auk fulltrúa frá sveitarfélögunum eru sérstaklega hvött til að mæta.