Fréttir

Mánudaginn 17. mars var haldin skapandi vinnustofa á Vestfjarðastofu til að undirbúa sýninguna Gullkistan Vestfirðir. Vinnustofan var opin öllum sem eiga aðild að Sóknarhópi Vestfjarða og mættu um 30 manns til hennar. Gullkistan Vestfirðir er Vestfjarðasýning sem verður haldin 6. september 2025 í íþróttahúsinu á Torfnesi. Á sýningunni gefst vestfirskum fyrirtækjum og annarri starfsemi á svæðinu tækifæri til að kynna sig fyrir Vestfirðingum og gestum.

Dagana 19.-20. mars var haldinn samstarfsfundur í Cork á Írlandi í tengslum við sameiginlegt kall eftir klasaverkefnum á vegum Interreg Aurora og Interreg Northern Periphery and Arctic (NPA) áætlana Evrópusambandsins. Anna Sigríður Ólafsdóttir, verkefnisstjóri hjá Vestfjarðastofu tók þátt í viðburðinum, en hún er nú hluti af teymi Vestfjarðastofu sem tekur þátt í MERSE, NPA-verkefni sem snýr að samfélagslegri nýsköpun í dreifðum byggðum.

Um síðustu helgi fór fram tveggja daga íbúaþing í Reykhólahreppi og þar með hófst formleg þátttaka íbúa Reykhólahrepps í verkefninu Brothættar byggðir. Vel var mætt til þingsins og tóku um 35 íbúar þátt, en auk þeirra voru þar fulltrúar Vestfjarðastofu og Byggðastofnunar. Þinginu stýrði Sigurborg Kr. Hannesdóttir hjá ILDI. Að verkefninu standa: Byggðastofnun, Reykhólahreppur, Vestfjarðastofa og íbúar í Reykhólahreppi. Verkefnisstjórn er skipuð fulltrúum þessara aðila og hefur, líkt og áður hefur komið fram hjá okkur, Embla Dögg Bachmann tekið til starfa sem verkefnisstjóri.

Púkinn, barnamenningarhátíð Vestfjarða, verður haldin í þriðja sinn dagana 31. mars-11.apríl. Á hátíðinni verður fjöldi spennandi viðburða fyrir vestfirsk börn. Hryggjarstykki hátíðarinnar að þessu sinni eru valdeflandi leiklistarsmiðjur, þar sem unnið verður eftir aðferðum Theatre of the Opressed, undir handleiðslu Birgittu Birgisdóttur sem heimsækir krakka á miðstigi í grunnskólum á Vestfjörðum. Hátíðin sem áður er í góðu samstarfi við List fyrir alla og munu hinir hæfileikaríku Frach bræður fara víða með tónleikadagskrána Árstíðir.

Markaðsstofa / Áfangastaðastofa Vestfjarða stendur fyrir opnum fundum þar sem unnið verður með gerð nýrrar áfangastaðaáætlunar. Í áfangastaðaáætlun Vestfjarða er staða ferðaþjónustunnar skoðuð og sett fram framtíðarsýn, markmið og leiðir að þeim.

Eimur og Vestfjarðastofa bjóða til vefþings, fimmtudaginn 3. apríl næstkomandi, þar sem fjallað verður um áskoranir og tækifæri við orkuskipti smábátaflotans.

Frá því að Icelandair tilkynnti í byrjun mars að fyrirtækið hygðist hætta flugi til Ísafjarðar hefur mikil umræða verið um framtíðarfyrirkomulag flugs til Ísafjarðar. Flugið er hraðleiðin á milli norðanverðra Vestfjarða og höfuðborgarsvæðisins þar sem nánast öll miðlæg þjónusta ríkisins er staðsett.

Guðrún Anna Finnbogadóttir teymisstjóri hjá Vestfjarðastofu og Anna Lind Björnsdóttir verkefnastjóri SSNE lögðu af stað til Tromsö í Noregi mánudaginn 10. mars til að læra um eflingu atvinnuráðgjafar.

Vegagerðin, í samstarfi við Vestfjarðastofu, býður til opins íbúafundar í Félagsheimilinu á Patreksfirði þriðjudaginn 18. mars klukkan 17:30. Fulltrúar frá Vegagerðinni munu fjalla um ýmis samgöngumál sem tengjast svæðinu og boðið verður upp á spurningar og umræður.

Dagskrá Púkans hefur tekið á sig nokkuð skýra mynd og þessa dagana eru að detta inn viðburðir á verkefnasíðu hátíðarinnar. Á hátíðinni mun leikkonan Birgitta Birgisdóttir heimsækja krakka á miðstigi í grunnskólum á Vestfjörðum og vinna með þeim í valdeflandi leiklistarsmiðjum. Hátíðin sem áður er í góðu samstarfi við List fyrir alla og munu hinir hæfileikaríku Frach bræður fara víða með tónleikadagskrána Árstíðir. Búið er að úthluta styrkjum til spennandi viðburða sem verða á hátíðinni