Byggðastofnun auglýsir styrki til sveitarfélaga vegna áskorana sem fylgt hafa COVID-19 í félagsþjónustu og barnavernd í dreifðustu byggðum landsins. Veittar eru 14 m.kr. Umsóknarfrestur er til og með 15. mars 2021.

Auglýst er eftir umsóknum um styrki í tengslum við Sterkar Strandir. Um er að ræða aðra úthlutun í verkefninu, en verkefnið er hluti af byggðaþróunarverkefninu Brothættar byggðir í Strandabyggð.

Miðvikudaginn 3. febrúar voru Samtök iðnaðarins og Rannís með rafræna kynningu á Tækniþróunarsjóði. Þar var farið ýtarlega yfir alla styrkjaflokka og skattafrádrætti vegna rannsókna- og þróunarkostnaðar, reglugerð um frádrátt frá tekjum erlendra sérfræðinga.

Starfsáætlun Vestfjarðastofu fyrir árið 2021 var samþykkt á fundi stjórnar Vestfjarðastofu þann 16. desember síðastliðinn. Megin línur starfsáætlunar voru mótaðar af stjórn og starfsmönnum Vestfjarðastofu og taka áherslur mið af Sóknaráætlun Vestfjarða 2020-2024 sem unnin var á árinu 2019 og vinna áfram að verkefnum sem leggja grunn að frekari fjárfestingum á svæðinu, verkefni þar sem litið er til framtíðar með áherslu á nýsköpun og þróun á áherslusviðum Sóknaráætlunar Vestfjarða.

Nýjung hjá okkur í ár er að enda hvern mánuð á að gefa út fréttabréf með því sem hefur verið að gerast í mánuðinum hjá okkur á Vestfjarðastofu.

Vinnumálastofnun/velferðarráðuneytið auglýsir styrki til atvinnumála kvenna árið 2021 lausa til umsóknar. The Directorate of Labour and the Ministry of Social Welfare advertise grants for women entrepreneurs for the year 2021 open for application.

Núna næstu vikur mun Vestfjarðastofa kynna árangur Áhersluverkefna sem unnið var að á síðasta ári. Árið 2020 verður eftirminnilegt fyrir margar sakir, en við hjá Vestfjarðastofu viljum minnast ‏þess sem árið sem Vestfirðir urðu sýnilegri. Sóknaráætlun 2020-2024 var samþykkt í október 2019 eftir víðtækt samráð við íbúa. Á árinu var unnið að fimm áhersluverkefnum og er eitt þeirra Sýnilegri Vestfirðir sem var samþykkt sem áhersluverkefni til þriggja ára og er hugsað sem framhald af verkefninu Vestfirðingar almannatengsl sem var áhersluverkefni árið 2018.

Mikil aðsókn er í Hæfnihringi – stuðning fyrir konur í fyrirtækjarekstri á landsbyggðinni. Rúmlega 40 konur hafa skráð sig.

Hæfnihringir eru byggðir á aðferðafræði, sem kallast aðgerðanám, en það grundvallast á því að nota raunverulegar áskoranir, verkefni og tækifæri sem grunn fyrir lærdóm. Markmiðið er að aðstoða frumkvöðlakonur við að komast yfir hindranir með því að styrkja hæfni og færni þeirra, veita stuðning í formi fræðslu og hagnýtra tækja til eflingar og hvatningar ásamt því að efla tengslanet þeirra

Árið 2020 hefur um margt verið athyglisvert fyrir Vestfirði. Þrátt fyrir mikil áföll í ferðaþjónustu og um margt erfiðar aðstæður í öðrum atvinnugreinum má samt segja að atvinnulíf svæðisins sé nokkuð sterkt, atvinnuleysi hvergi nærri þeim tölum sem sjá má í öðrum landshlutum og víða vantar fólk til starfa. Staða sveitarfélaganna er þó ekki góð og blikur á lofti í rekstri flestra sveitarfélaga á Vestfjörðum. Ef rétt er gefið eru á Vestfjörðum gríðarleg tækifæri til verðmætasköpunar í sátt við umhverfi og samfélag. Sjávarútvegur, fiskeldi og ferðaþjónusta eru stoðir vestfirsks atvinnulífs en mikil tækifæri eru einnig í fjölbreyttri matvælaframleiðslu byggðri á afurðum lands og sjávar í bland við hugvit. Til framtíðar verður spennandi að fylgast með þróun á vettvangi þara og þörunga og í orkuframleiðslu.