Farsældarþing Vestfjarða

Fyrsta Farsældarþing Vestfjarða fer fram föstudaginn 7. nóvember í Edinborgarhúsinu á Ísafirði, frá kl. 09:30-17:00. Þingið er öllum opið og verður þar unnið að mótun aðgerðaráætlunar farsældar barna á Vestfjörðum, jafnframt verður farsældarráð Vestfjarða stofnað við hátíðlega athöfn.

Á dagskránni verða spennandi fræðsluerindi frá fag- og fræðafólki. Meðal annarra:

• Kolbeinn Hólmar Stefánsson dósent við Háskóla Íslands
• Alfa Dröfn Jóhannsdóttir forvarnarfulltrúi Sambands Íslenskra Sveitarfélaga
• Kristín Stefánsdóttir, Helga Hreiðarsdóttir, Helga Ösp Jóhannsdóttir frá Opna leikskólanum (memmm.is)
• Birna Hannesdóttir og Páll Janus Þórðarson svæðisfulltrúar ÍSÍ & UMFÍ á Vestfjörðum
• Sólveig Norfjörð innleiðingarstjóri farsældarlaga hjá Ísafjarðarbæ
• Heiðrún Tryggvadóttir og Erna Sigrún Jónsdóttir frá Menntaskólanum á Ísafirði

Þingstjórn verður í höndum Dagbjartar Óskar Jóhannsdóttur. Dagskráin er ekki tæmd og hvetjum við ykkur til að fylgjast með – og taka daginn frá!

Fagfólk, foreldrar, notendur og þau sem láta sig samfélagið varða eru hvött til að mæta og bendum við á að hægt er að mæta hluta úr degi. Þátttaka er gjaldfrjáls, en skráninga er óskað hér. 

Skoða á viðburðardagatali