Fréttir

Í gær hófst VestNorden ferðakaupstefnan í Laugardalshöll og er hún einnig í fullum gangi í dag. Okkar fólk, Sölvi Guðmundsson og Sigríður Kristjánsdóttir eru á staðnum fyrir hönd Markaðsstofu Vestfjarða að breiða út fagnaðarerindi Vestfjarða sem áfangastaðar ferðafólks á leið um Ísland.

Þinggerð 68. Fjórðungsþings Vestfirðinga að hausti er nú að finna samþykkta hér á heimasíðu okkar.

Út er komin bókin Menning við ysta haf: Lesið í sköpunarkraft Vestfjarða og Stranda. Bókin hefur að geyma greinar um vestfirskar bókmenntir og menningu frá miðöldum fram á okkar daga. Greinarhöfundar eru fræðimenn og rithöfundar frá Íslandi, Kanada og Danmörku. Ritstjórar eru Birna Bjarnadóttir, rannsóknasérfræðingur við Mála- og menningardeild Háskóla Íslands, og Ingi Björn Guðnason, bókmenntafræðingur og staðarhaldari á Hrafnseyri.

Umhverfismál eru þau málefni sem vega hvað þyngst í verkefnum sveitarfélaga á Íslandi nú til dags. Á Vestfjörðum hafa þau lengi verið ofarlega á lista og sá hugur sem endurspeglast hefur á Fjórðungsþingum Vestfirðinga sýnt að vilji sveitarstjórnarfólks á svæðinu stendur til þess að Vestfirðir verði sjálfbærir á sem flesta lund.

Kokkanemar úr Hótel- og matvælaskólanum í Kópavogi lögðu í vikunni leið sína á Bíldudal þar sem þeirra beið það spennandi verkefni að reiða fram dýrindis kræsingar úr vestfirskum laxi. Það var Arnarlax sem stóð fyrir viðburðinum, bæði til að kynna fyrir hinum ungu matreiðslumönnum hráefni sitt og kynna fyrir heimafólki þann gæðamat sem má gera úr því.

Á 68. Fjórðungsþingi Vestfirðinga að hausti var samþykkt ályktun um lagareldi þar sem skorað er á stjórnvöld að auka fjármagn til rannsókna á áhrifum fiskeldis á lífríkið og til miðlunar fræðslu um umhverfisleg, efnahagsleg og samfélagsleg áhrif sjókvíaeldis á Íslandi. Í umræðum á þinginu mátti heyra að sú fjölmiðlaumfjöllum sem verið hefur upp á síðkastið drægi ekki upp raunsanna mynd af fiskeldi, jafnframt því sem hún undanskildi gríðarmikilvægan þátt – raddir íbúa Vestfjarða sem eiga mikið undir því að þessi atvinnugrein haldi áfram að blómstra.

Á Fjórðungsþingi Vestfirðinga sem haldið var í Bolungarvík dagana 6.-7.október samþykkti þingið tvær ályktanir er snúa að ofanflóðum. Þingið skorar á umhverfis-, orku- og loftslagsráðherra og fjármálaráðherra að leita allra leiða til þess að flýta vinnu við að endurmeta hættu á ofanflóðum og að hefja skuli gerð viðbragðsáætlana vegna ofanflóða í öllum þéttbýlum á Vestfjörðum.

Margt að því sem kom fram á 68. Fjórðungsþingi Vestfirðinga snýr að uppbyggingu innviða svæðisins – og það ekki í fyrsta sinn. Fjórðungsþingið samþykkti ályktun um að Vestfirðir fari úr biðflokk í verkefnaflokk í orkumálum og beinir þingið því til yfirvalda samgöngumála að skoðaðar verði nýjar fjármögnunarleiðir til að jafna samkeppnisstöðu Vestfjarða í samgöngumálum. Óskar það þess að þegar verði aukið fjármagn til vetrarþjónustu og viðhalds vega á Vestfjörðum til að bæta ásýnd Vestfjarða til búsetu, fjárfestinga og heimsókna.

Á nýafstöðnu Fjórðungsþingi Vestfirðinga var samþykkt að gera breytingar á samþykktum Fjórðungssambands Vestfirðinga á þá leið að við þær bætist ný grein um ungmennaráð og ungmennaþing.

Sveitarfélögin á Vestfjörðum hafa gert með sér samning um sérhæfða velferðarþjónustu á svæðinu og var tækifærið nýtt á Fjórðungsþingi Vestfirðinga til undirritunar. Átta sveitarfélög af níu í fjórðungnum eru aðilar að samningnum en von er á að Strandabyggð bætist í hópinn áður en langt um líður.