Fréttir

Á morgun rennur út umsóknarfrestur í sumarviðburðasjóð Ísafjarðarhafna. Markmiðið með sjóðnum er að styrkja og bæta bæjarbrag í tengslum við skemmtiferðaskipakomur, þar sem áhersla er lögð á að efla menningu og mannlíf.

Þó marsmánuður sé ekki liðinn undir lok þá þurfið þið ekki lengur að bíða – því þökk sé páskaleyfi er fréttabréf Vestfjarðastofu þennan mánuðinn snemma á ferðinni!

Umhverfisstofnun hefur verið falið að endurskoða stefnu stjórnvalda um úrgangsforvarnir - Saman gegn sóun. Mikilvægur liður í þeirri vinnu er að fá innsýn í sjónarmið fólks, fyrirtækja, sveitarfélaga og stofnana um land allt.

Umsóknarfrestur til að sækja um styrki til að framkvæma viðburði á Púkanum hefur verið framlengdur til miðnættis þriðjudaginn 2. apríl.

Í byrjun mars hélt fríður flokkur Vestfirðinga til eyjunnar Samsö í Danmörku, sem hefur getið sér gott orð fyrir góðan árangur í loftslagsmálum. Verkefnastjórn RECET (Rural Europe for Clean Energy Transition) sem Vestfjarðastofa er aðili að bauð til ferðarinnar. Auk starfsfólks Vestfjarðastofu fór í ferðina sveitarstjórnarfólk á Vestfjörðum frá sveitarfélögum sem taka þátt í RECET.

Út er komin skýrslan Leiðir að Byggðafestu eftir Hlédísi Sveinsdóttur og Björn Bjarnason. Skýrslan er unnin á vegum Fjórðungssambands Vestfirðinga (FV), Samtaka sveitarfélaga á Norðurlandi vestra (SSNV) og Samtaka sveitarfélaga á Vesturlandi (SSV).

Enn leika veðurguðirnir okkur grátt og vekjum við athygli á breyttum tímasetningum (í annað sinn) á upplýsinga- og umræðufundum á Birkimel og Laugum, sem verða nú sem hér segir:  Mánudaginn 25. mars, kl. 17 - 19.30 í Dalahóteli, Laugum í Sælingsdal. Þriðjudaginn 26. mars, kl. 17 - 19.30 á Félagsheimilinu Birkimel á Barðaströnd.

Auglýst er eftir umsóknum um styrki úr sumarviðburðasjóði skemmtiferðaskipa í Ísafjarðarbæ. Markmiðið með sjóðnum er að styrkja og bæta bæjarbrag í tengslum við skemmtiferðaskipakomur, þar sem áhersla er lögð á að efla menningu og mannlíf.

Ungmennaþing Vestfjarða fer fram á Ísafirði dagana 11.-12. Apríl 2024. Þingið er opið ungmennum fæddum á árunum 2006-2011 með lögheimili á Vestfjörðum. Á þinginu munu þátttakendur hljóta fræðslu, fá tækifæri til að tjá sig og læra hvert af öðru, ásamt því að skemmta sér saman.

Vestfjarðastofa fór í samstarf við Menntaskólann á Ísafirði um framtíðarsýn nemenda. Við efndum til hugmynda- og myndbandakeppni þar sem nemendur í áfanganum hönnun og nýsköpun sendu inn hugmyndir sínar um hvernig þau sæju fyrir sér Vestfirði árið 2045. Viðurkenningar voru veittar í gær á Vörumessu ungra frumkvöðla.