Fréttir

Sjálfboðaliðaáætlunin European Solidarity Corps hefur upp á heilmargt að bjóða fyrir ungt fólk á aldrinum 18-30 ára. Annars vegar er það með sjálfboðaliðaáætlun sem ungir Íslendingar geta sótt um að vera þátttakendur í og geta íslensk samtök, fyrirtæki og stofnanir sótt um að fá sjálfboðaliða til sín. ESC er hins vegar með styrki til samfélagsverkefna sem öll ungmenni á aldrinum 18-30 ára geta sótt um. Það geta verið afar fjölbreytt verkefni sem geta tengst fólki á öllum aldri.

Bolvísk börn notuðu veðurblíðuna og tóku forskot á barnamenningarhátíðina Púkann.

Sumri hallar og hausta fer, jafnvel þó septembermánuður flokkist sem sumarmánuður hjá Veðurstofunni og veðurblíðan á Vestfjörðum verið með slíkum hætti að halda mætti að enn væri hásumar. Hjá flestum er þó lífið að falla aftur í fastar skorður eftir ævintýri sumarsins. Hér á Vestfjarðastofu er starfsemin komin í fullan gang aftur eftir sumarleyfi. Það er því tilvalið að koma út fréttabréfi ágústmánaðar og fara aðeins yfir það sem hefur verið í gangi. 

Verkefnið Góða ferð bar sigur úr býtum í lausnamótinu Hacking Vestfjarðaleiðin sem fram fór í síðustu viku. Á mótinu, sem skipulagt var af Hacking Hekla í samstarfi við Vestfjarðastofu, Samtök sveitarfélaga á Vesturlandi og Bláma, gafst áhugasömum um nýsköpun á svæðunum kostur á taka þátt og þróa nýjar og spennandi lausnir. Það var til mikils að vinna en Vestfjarðastofa og SSV lögðu til 300.000 verðalaunafé fyrir sigurlausnina.

Fyrr í mánuðinum kom Hjörleifur Finnsson til starfa hjá Vestfjarðastofu sem verkefnisstjóri umhverfis- og loftslagsmála. Eitt af verkefnum hans er umsjón með RECET eða Rural Europe for the Clean Energy Transition sem fer formlega af stað þann 1. október n.k. Verkefnið er stórt í sniðum og hlaut það fyrr á árinu styrk úr LIFE styrktaráætlun Evrópusambandsins upp á 1.5 milljón evra eða um 225 milljónir íslenskra króna. Verkefnið er leitt af Íslendingum en það er samstarfsverkefni fjölmargra sveitarfélaga í fimm löndum og stendur það yfir í þrjú ár.

Grunnskólar á Vestfjörðum voru settir í vikunni og eitt af verkefnum nemendanna þessa fyrstu skóladaga var að kjósa um nafn á Barnamenningarhátíð á Vestfjörðum, sem verður haldin í fyrsta sinn dagana 11.-22. september. Það er gaman að segja frá því að Púkinn var atkvæðahæstur meðal hinna vestfirsku púka og er því barnamenningarhátíð á Vestfjörðum komið með þetta grípandi heiti.

Lausnamótið Hacking Vestfjarðaleiðin verður haldið dagana 24. og 25. ágúst n.k. Þar gefst öllum áhugasömum um nýsköpun á Vestfjörðum og Vesturlandi kostur á að vera með og þróa nýjar og spennandi lausnir. Á mótinu sem leggur áherslu Vestfjarðaleiðina undir formerkjum sjálfbærni, verður hægt að fræðast um frekar um nýsköpun og móta nýjar hugmyndir sem leysa áskoranir svæðisins.

Starfsfólk Vestfjarðastofu lagði leið sína í Árneshrepp í vikunni til að taka þátt í íbúafundi sem haldinn var á vegum verkefnisstjórnar Áfram Árneshrepps sem skipuð er fulltrúum Byggðastofnunar, Vestfjarðastofu og sveitarfélagsins. Verkefnið er undir hatti Brothættra byggða hjá Byggðastofnun og eru slík verkefni ávallt unnin í samvinnu við landshlutasamtökin. Áfram Árneshreppur hefur verið starfrækt í á sjöunda ár, en nú hillir undir lokin sem verða um áramót.

Beint frá býli fagnar 15 ára afmæli um þessar mundir og af því tilefni er boðið til afmælisviðburða um allt land sunnudaginn 20. ágúst. Á Vestfjörðum verður viðburðurinn á Brjánslæk og stendur frá klukkan 13-17.

Íslensk nýorka, Eimur, Vestfjarðastofa og Samtök sveitarfélaga og atvinnuþróunar á Norðurlandi eystra og standa fyrir sameiginlegum viðburði þann 29. ágúst n.k. kl. 13:00. Viðburðurinn verður í beinu streymi frá Hótel KEA á Akureyri og ber yfirskriftina: Orkuskipti og sveitarfélög. Viðburðurinn markar upphafið að þriggja ára verkefni sem miðar að því að efla getu sveitarfélaga og samfélaga í dreifðum byggðum Evrópu, til að takast á við orkuskipti.