Fréttir

Starfsfólk Vestfjarðastofu lagði leið sína í Árneshrepp í vikunni til að taka þátt í íbúafundi sem haldinn var á vegum verkefnisstjórnar Áfram Árneshrepps sem skipuð er fulltrúum Byggðastofnunar, Vestfjarðastofu og sveitarfélagsins. Verkefnið er undir hatti Brothættra byggða hjá Byggðastofnun og eru slík verkefni ávallt unnin í samvinnu við landshlutasamtökin. Áfram Árneshreppur hefur verið starfrækt í á sjöunda ár, en nú hillir undir lokin sem verða um áramót.

Beint frá býli fagnar 15 ára afmæli um þessar mundir og af því tilefni er boðið til afmælisviðburða um allt land sunnudaginn 20. ágúst. Á Vestfjörðum verður viðburðurinn á Brjánslæk og stendur frá klukkan 13-17.

Íslensk nýorka, Eimur, Vestfjarðastofa og Samtök sveitarfélaga og atvinnuþróunar á Norðurlandi eystra og standa fyrir sameiginlegum viðburði þann 29. ágúst n.k. kl. 13:00. Viðburðurinn verður í beinu streymi frá Hótel KEA á Akureyri og ber yfirskriftina: Orkuskipti og sveitarfélög. Viðburðurinn markar upphafið að þriggja ára verkefni sem miðar að því að efla getu sveitarfélaga og samfélaga í dreifðum byggðum Evrópu, til að takast á við orkuskipti.

Barnamenningarhátíð á Vestfjörðum verður haldin í fyrsta sinn dagana 11.-22. september n.k. Slíkar hátíðir hafa verið haldnar með góðum árangri víða um land og standa vonir okkar til að þessi hátíð nái að festa sig í sessi í fjórðungnum með aukinni þátttöku barna í lista- og menningarlífi, auk þess sem hún veiti grundvöll fyrir þau að skapa sína eigin viðburði. Hátíðin verður til með þátttöku skóla, stofnanna, listafólks og barnanna á svæðinu.

Sumarið er tíminn! Sumarfréttabréf Vestfjarðastofu er komið út

Starf verkefnastjóra umhverfis- og loftslagsmála hjá Vestfjarðastofu var auglýst laust til umsóknar í apríl síðastliðnum. Alls sóttu 17 um starfið og hefur Hjörleifur Finnsson verið ráðin verkefnastjóri umhverfis- og loftslagsmála hjá Vestfjarðastofu.

Úthlutað hefur verið úr Lóunni, nýsköpunarstyrk fyrir landsbyggðina. Í ár hlutu 25 verkefni styrk þar af 4 verkefni frá Vestfjörðum.

Nú er unnið að uppfærslu aðgerðaáætlunar Áfangastaðaáætlunar Vestfjarða og er fólk hvatt til að senda inn athugasemdir.

Stefnt er að því að halda barnamenningarhátíð dagana 11. – 22. september 2023. Kallað er eftir þátttöku listamanna, stofnana, skóla og ekki síst barnanna sjálfra.

Starf verkefnastjóra miðlunar hjá Vestfjarðastofu var auglýst laust til umsóknar í apríl síðastliðnum. Alls sóttu 19 um starfið og hefur Anna Sigríður Ólafsdóttir (Annska) verið ráðin verkefnastjóri miðlunar hjá Vestfjarðastofu.