Fréttir

Um mánaðarmótin tók Markaðsstofa Vestfjarða á móti fjórum breskum blaðamönnum og fulltrúa almannatengslaskrifstofu Íslandsstofu og ferðaðist með þá Vestfjarðaleiðina.

Í lok september tók Markaðsstofa Vestfjarða þátt í ferðasýningunni VestNorden, en hún var að þessu sinni haldin í Nuuk í Grænlandi.

Vestfjarðastofa hefur nú sent viðhorfskönnun í pósti á alla með lögheimili á Vestfjörðum um viðhorf þeirra til fiskeldis og samgöngumála á Vestfjörðum en markmiðið er að fá fram væntingar og viðhorf Vestfirðinga til þessara málaflokka.

Búið er að opna fyrir umsóknir í Uppbyggingarsjóð. Umsóknarfrestur er til kl 16:00 þriðjudaginn 8. nóvember

Fréttabréf Vestfjarðastofu fyrir september er komið út!

Þann 12. september lögðu tveir starfsmenn Vestfjarðastofu ásamt Fræðslumiðstöð Vestfjarða í leiðangur til Noregs til að kynna sér uppbyggingu menntunar í fiskeldi.

Þórkatla Soffía starfsmaður okkar á Patreksfirði er komin aftur í vinnu eftir fæðingaorlof. Katla, eins og hún er oftast kölluð, hefur tekið við verkefnastjórn Vestfjarðaleiðarinnar ásamt því að sinna verkefnum tengdum nýsköpun.

Ný fyrirtækjakönnun landshlutanna gefur athyglisverða mynd af stöðu og þróun atvinnumála á Vestfjörðum. Vaxandi þörf er hjá fiskeldisfyrirtækjunum fyrir starfsfólk, á meðan hefðbundin sjávarútvegur stendur í stað á tímum kvótaniðurskurðar. Aðilar í ferðaþjónustu greindu einnig frá aukinni þörf eftir starfsfólki, sem er ánægjulegur viðsnúningur eftir erfiða tíma.

Í Sóknaráætlun Vestfjarða er mikil áhersla lögð á hækkun menntunarstigs Vestfjarða og meðal áherslumála er gerð menntastefnu fyrir Vestfirði. Markmið verkefnisins er að greina stöðu, strauma og stefnur til að móta sameiginlega framtíðarsýn og aðgerðaáætlun um hvernig megi efla skólastarf frá leikskóla til háskóla.

67. Fjórðungsþing Fjórðungssambands Vestfirðinga að hausti var haldið á Patreksfirði fyrir helgi og var þingið vel heppnað. Þingið skiptist í hefðbundin þingstörf og vinnudag ásamt því að kosið var í stjórn Fjórðungssambandsins.