Rannís heldur kynningarfund á Ísafirði þriðjudaginn 27. ágúst 2024 klukkan 12:00. Atli Arnarson, sérfræðingur á rannsókna- og nýsköpunarsviði Rannís, verður til viðtals og mun kynna styrkjamöguleika Tækniþróunarsjóðs.

Opnað hefur verið fyrir ferðastyrki til listamanna og menningarstarfsfólks.

Nýjustu gögn íbúakönnunar landshlutanna eru komin á mælaborð Byggðastofnunar. Nú er hægt að bera saman þróun á milli kannana. Einnig eru komin inn eldri gögn frá árunum 2016 og 2017, en þá voru Vesturland, Vestfirðir, Norðurland vestra, Suðurland og Suðurnes þátttakendur.

Alþjóðlega píanóhátíðin á Vestjfjörðum hófst á sunnudag með tónleikum í Hólmavíkurkirkju.

Á sunnudag verður Beint frá býli dagurinn haldinn hátíðlegur á Sauðfjársetrinu á Ströndum. Heimavinnsluaðilar og smáframleiðendur matvæla úr landshlutanum mæta á Sævang til að kynna og selja vörur sínar á matarmarkaði. Boðið verður upp á kjötsúpu og kaffihlaðborð í Sauðfjársetrinu. Hið stórskemmtilega Íslandsmeistaramót í hrútadómum fer einnig þar fram.

Í júlímánuði hefur verið boðið upp á sumarmarkaði víðsvegar á Vestfjarðaleiðinni þar sem handverksfólk, smáframleiðendur og hverskyns listafólk hefur selt og kynnt fjölbreyttan varning. Þegar hafa verið haldnir markaðir í Búðardal, á Hólmavík og Patreksfirði. Nú er komið að norðanverðum Vestfjörðum og verður Sumarmarkaður Vestfjarðaleiðarinnar og Dokkunnar haldinn föstudaginn 26. júlí frá 13-16. Markaðurinn verður í nafnlausu götunni neðan við Dokkuna og verður hún lokuð á meðan á honum stendur.

Starfsstöðvar Vestfjarðastofu eru lokaðar frá 15. júlí til 6. ágúst vegna sumarleyfa.

Mánudaginn 8. júlí afhentu fulltrúar stýrihóps um verndarsvæði Breiðafjarðar umhverfis, orku og loftslagsráðherra skýrslu sem innihélt afurðir vinnu síðustu tveggja ára. Skýrslan var afhent í Flatey á Breiðafirði.

Stjórn Vestfjarðastofu sendir frá sér ályktun vegna fréttar Kristjáns Más Unnarssonar á Stöð 2 miðvikudaginn 26. júní þar sem miklum vonbrigðum er lýst með þá stöðu sem enn og aftur er komin upp í samgönguframkvæmdum í fjórðungnum. Verið er að svíkja ítrekuð loforð ráðherra og þingmanna um að þær nýframkvæmdir sem eiga nú að vera á lokastigi framkvæmda í Gufudalssveit og á Dynjandisheiði verði kláraðar eins fljótt og mögulegt er.

Út er komið fréttabréf Vestfjarðastofu fyrir júnímánuð. Kíkíð á fréttina og nálgist fullt fréttabréfið!